ماكينة فاكيوم غرفتين لتفريغ الهواء من اكياس الاسماك موديل 603 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | شركة المهندس منسي |
| المهندس منسي | : | أيوه |
| العميل | : | كنا عايزين نسألك بالنسبة لمكن التغليف لو حابينا نعمل تصنيع أسماك زي تمليح الفسيخ وكده، في مكن للتغليف؟ |
| المهندس منسي | : | آه في أنواع كتيرة قوي لتغليف الأسماك |
| العميل | : | آه اتفرجنا على فيديو بيشفط الهواء وبتقفلها دي موجودة المكنة دي؟ |
| المهندس منسي | : | موجودة بضاعة حاضرة آه |
| العميل | : | آه طب الأسعار المبدئية بكام يا فندم عشان لو كده نجيلك؟ |
| المهندس منسي | : | في حدود يعني 9000 جنيه مصري |
| العميل | : | طب الصناعة إيه يا فندم؟ |
| المهندس منسي | : | دي ماركة، براند عالمي، إحنا مش بنروح نشتري مكن من أي بلد ونيجي نبيعه، إحنا أخذنا طريق تاني، إحنا بنعمل رسومات ونصنع قطع الغيار على مكن سي إن سي ثري دايمنشن وبندور على البلد اللي ننتج فيها أكتر بجودة أعلى وبسعر ملائم وبنجمع وبنحط التاتش بتاعنا في حدود 25 ـ 30 % |
| العميل | : | طب موضوع تصنيع وتمليح ده إنت شايف إنه مشروع كويس، وتغليفه في كيس شيك كده |
| المهندس منسي | : | بص هو كله النهاردة بيجري وراء الجديد، يعني حضرتك النهاردة لما تشوف السوريين لما نزلوا مصر وعملوا مطاعم مطاعهم عملت إيه؟؟ |
| العميل | : | اشتغلت |
| المهندس منسي | : | اشتغلت وبكثافة |
| العميل | : | يعني إنت تقصد إن أنا لو عملت حاجة جديدة الناس تجري عليها |
| المهندس منسي | : | آه كله النهاردة بيجري وراء الجديد |
| العميل | : | آه تمام كويس، يعني لو أكياس بطريقة احترافية ومكتوب عليها اسم كويس للمنتج بتبقى حاجة كويسة |
| المهندس منسي | : | أكيد آه |
| العميل | : | طب الأكياس في حاجة معينة للحام ولا أي كيس؟ |
| المهندس منسي | : | لا هي أكياس معينة |
| العميل | : | طب عندك الخامات دي؟ |
| المهندس منسي | : | عندي الخامات كلها بدون استثناء |
| العميل | : | يعني ممكن لغاية 30 ألف جنيه نعمل مشروع كويس؟ |
| المهندس منسي | : | هو أنا بالنسبة لي ما درستش المشروع ولكن أنا بالنسبة أقولك سعر المكنة كذا، سعر الخامات كذا |
| العميل | : | أنا أقصد إن أنا مش هجيب مكنة بـ9، هجيب مكنة حاجة أعلى مش هتغلف لي سمكة سمكة، عندك مكنة مثلاً تغلف كميات مثلاً ولا إيه؟ |
| المهندس منسي | : | عندي آه موجودة |
| العميل | : | خلاص يبقى أنا ليا مكالمة مع سعادتك تاني وهجيلك إن شاء الله |
| المهندس منسي | : | رقم الموديل بتاعها 603 ماركة الهندس منسي |
| العميل | : | تمام.. دي الكود بتاعها |
| المهندس منسي | : | آه الكود بتاعها أو الموديل بتاعها 603 ماركة المهندس منسي |
| العميل | : | تمام يا باش مهندس، ربنا يخليك، اتفضل يا باش مهندس |
