ماكينة لحام أكياس  من شركة المهندس منسي 

العميل: السلام عليكم

المهندس منسي: عليكم السلام ورحمة الله وبركاته

العميل: شركة المنسي معايا

المهندس منسي: أيوه

العميل: طب حضرتك فاتحين لغاية الساعة كام؟

المهندس منسي: خير أأمرني؟

العميل: عايزين بس مكنتين لحام كده وعايزين حاجة زي معيار للكيلو

المهندس منسي: آه.. مكنة تعبئة كيلو يعني؟

العميل: مكنة تعبئة كيلو؟

المهندس منسي: آه

العميل: المكنة دي بكام؟

المهندس منسي: ب

العميل: لأ.. لا.. حاجة كده كان فيه لحام

المهندس منسي: ماشي

العميل: مكن اللحام عندكم بكام؟

المهندس منسي:  200

العميل:  يا عم إنت شايفني أمريكي، النبي عربي يا عم

المهندس منسي:  لا أنا بقولك السعر بس بال إنما باخد بالجنيه المصري … 200 يعني 3600 جنيه مصري

العميل:  آه… في أقل من كده ولا دي أقل حاجة عندكم؟

المهندس منسي:  دي أقل حاجة آه

العميل:  دي نوعها إيه يا باش مهندس؟

المهندس منسي:  دي ماركة، براند، صيني … تحت إشرافنا إحنا، إحنا بنصنع قطع الغيار في الصين وبنجمعها

العميل:  يعني لو حصل فيها أي حاجة إنتم اللي بتصينوها

المهندس منسي:  آه إحنا اللي بنصلحها

العميل:  مافيش اليدوي بتاعت زمان ديت العادية، عندكم؟

المهندس منسي:  ما هوه مش منتجة

العميل:  أصل 3600 جنيه تاخد 2

المهندس منسي:  بتحتاج حد يقعد عليها، إنما الجديدة دي فيها سير كل اللي عليك بس إنك تلقم لها الكيس، وهي تاخده وتلحمه وتوديه الناحية التانية… يعني الأول كنت بتعمل إيه؟؟؟ كان الأول إنت بتحط الكيس وبعد ما تحط الكيس تستنى لما يتلحم، وبعد ما تستنى لما يتلحم تقوم شايله وتحطه الناحية التانية، إنما دي وفرت لك حاجات كتيرة قوي، كل اللي عليك إنك بتحطلها الكيس هي تاخده وتلحمه وتوديه الناحية التانية

العميل:   تمام

المهندس منسي:   فوفرت لك كتير قوي، وفرت لك على الأقل إيد عاملة، يعني بعد ما كانوا 2 بيشتغلوا بقى واحد بس اللي بيشتغل

العميل:   تمام.. بقولك 3000 وكام؟

المهندس منسي:  و 600 جنيه على أساس 200

العميل:   يعني دي أقل حاجة يعتبر

المهندس منسي:  إحنا ماركة، براند عالمي

العميل:   أنا فاهم

المهندس منسي:  ماشي يا غالي

العميل:   ماشي، طب عشان ما أطولش عليك، شفت إنت نظام حاجة أعبي فيها، جاروف أو قصدي آذان..

المهندس منسي:  قصدك عايز تعبي يدوي بمكيال كده؟

العميل:   آه مكيال

المهندس منسي:  المكيال ده إنت اللي بتعمله، اوزن كيلو كده بعد ما تعبي تقوم وازن كده يطلع الوزن مضبوط، لغاية ما تشوف ظروفك إيه تشتري مكنة

العميل: آه…

المهندس منسي:  مش كده برده، مش ده اللي دماغك؟

العميل: اه

المهندس منسي:  يعني إنت تقصد إنك تشتغل يدوي دلوقتي لغاية ما ربنا ييسر الأمور وتتحرك الدنيا تبدأ تشتري مكنة نص أتوماتيك، تتحرك الدنيا أكتر تجيب المكنة أتوماتيك كاملة بقى

العميل: تمام.. تمام.. صح

المهندس منسي:  آه هوه ده اسمه مكيال

العميل: مكيال آه

المهندس منسي:  المكيال ده إنت بتعايره على إيدك، بتعمل مكيال على إيدك، بتوزن كيلو وتعيره على إيدك وبعد كده بتحطه في مكيال كده وبتشوف، هل ده كيلو؟؟؟ وبعد كده توزن كل كيس واحدة واحدة، تصبر على نفسك لغاية ما ربنا يسهل وتجيب مكنة أحسن يعني

العميل: تمام… طب إنت البتاع اللي هوه بفضي فيها كمية السكر الكبيرة عندكم فكرة ولا أفضي في أي حاجة

المهندس منسي:   اللي هو اييه؟؟

العميل: في حاجة بيتفضى فيها السكر زي قمع مثلاً آخد منه آذان مثلاً بيتحط فيه

المهندس منسي:  لأ هوه المكيال دوت وتحط في الكيس على طول، كده كده هتوزن، ما هوه طالما هتشتغل يدوي كده كده هتوزن واحد واحد، لغاية ما ربنا ييسر لك أمورك وتجيب مكنة نص أتوماتيك أو أتوماتيك

العميل: آه

المهندس منسي:  ماشي يا غالي

العميل: يعني مافيش خصم على المكنة دي؟

المهندس منسي:  لا إحنا بالنسبة لنا أسعارنا نهائية يعلم ربنا

العميل: آه… 3600جنيه

المهندس منسي:  ماشي يا غالي مع السلامة

العميل: متشكرين جداً يا ريس