ماكينة لحام الأكياس البلاستيك من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: من فضلك كنت بسأل على المكنة اللي بتقفل الأكياس البلاستيك بتاعت اللحام
المهندس منسي: آه موجودة
العميل: هوه في منها بدي أقفل تقفيل عريض، وفي منها العادية
المهندس منسي: ما هي اللي عندنا التقفيل العريض
العميل: دي بتبقى زي الكاوية مكوى كده صح؟
المهندس منسي:مكوى إزاي؟؟؟ إحنا اللي عندنا مكنة إنتاجية بياخدوها مصانع مننا، وبياخدوها كل اللي بيحتاجوا يصنعوا
العميل: لأ.. أنا بتكلم على المكنة العادية الصغيرة
المهندس منسي:الصغيرة أنهي… المنزلية؟
العميل: آه بكام هي المنزلية؟
المهندس منسي: بص حضرتك أنا مش فاهم حضرتك عايز إيه؟ أستسمحك تيجي المكن بضاعة حاضرة، تيجي حضرتك تشرفنا بالزيارة وتتفرج على الحاجة بضاعة حاضرة وإن شاء الله خير يعني
العميل: طب إن شاء الله، حضرتك العنوان بتاعكم ليكم فروع تانية ولا هوه باب الشعرية بس؟
المهندس منسي: إحنا عندنا حدائق القبة، مدينة نصر، باب الشعرية، 6 أكتوبر
العميل: مافيش حاجة في المهندسين؟
المهندس منسي: لأ
العميل: طيب يوم الأحد فاتحين ولا أجازة؟
المهندس منسي: طول أيام الأسبوع ماعدا يوم الجمعة، أنا هبعتلك دلوقتي تليفون المبيعات دلوقتي في رسالة وتابع معاهم
العميل: يعني بكرة شغالين إن شاء الله
المهندس منسي: إن شاء الله
العميل: طب حضرتك ابعتلي رقم المبيعات عشان أستفهم منه على المكنة اللي أنا عايزها
المهندس منسي: ماشي يا غالي، ويستحسن تروح تشوف على الطبيعة…
العميل: عشان أعرف برده سعرها في حدود كام لأنه أنا ناوي آجي أشتري على طول
المهندس منسي: يعني 3200 جنيه
العميل: الكبيرة
المهندس منسي: آه… أنا هبعتهم لك دلوقتي في رسالة وإنت تابع معاهم
العميل: ماشي.. مع السلامة
