ماكينة لحام الاكياس بدواسة القدم موديل 308 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | شركة المهندس منسي |
| المهندس منسي | : | أيوه |
| العميل | : | والله إحنا شركة أورجينال الصناعية الحاج محمد إمام |
| المهندس منسي | : | أهلاً بيك |
| العميل | : | أهلاً بسعادتك، والله بسأل على مكنة تغليف أكياس، مكنة أكياس رجل |
| المهندس منسي | : | قدم آه |
| العميل | : | مش يدوي، رجل |
| المهندس منسي | : | قدم.. قدم |
| العميل | : | اللي هي تايواني |
| المهندس منسي | : | هو إحنا براند، مافيش حاجة عندنا اسمها صيني أو تايواني أو حاجات من دي، إحنا أول براند عربي في التعبئة والتغليف، ماركة المهندس منسي، حضرتك اسأل على البراند بتاعتنا وشوف وإذا اقتنعت أنا تحت أمرك، وعندنا ضمان لمدة سنة ضد عيوب الصناعة، و 5 سنين توفير قطع الغيار الحساب العميل |
| العميل | : | يعني دي مصري؟ |
| المهندس منسي | : | لا هو إحنا عملنا التصميمات، وصنعنا قطع الغيار بره مصر، وات إيفر أياً كانت البلد، وبعد كده جمعناها هنا في مصر |
| العميل | : | يعني حضرتك مكتوب عليها تايواني مثلاً |
| المهندس منسي | : | بص صلي على النبي، النهاردة لما بتجيب عربية تويوتا، هي ياباني المفروض مش كده، ولكن هي المكونات بتاعتها ياباني، ولا إيه؟؟ |
| العميل | : | صيني |
| المهندس منسي | : | لا مافيش حاجة اسمها صيني، من كل بلد، ولكن النهاردة إنت بتثق في ماركة تويوتا، فالنهاردة إحنا ماركة معترف بيها عالمياً، خش على النت واتفرج |
| العميل | : | ماشي يا فندم، طب الرجل دي 60 سم |
| المهندس منسي | : | اللي عندنا 65 سم |
| العميل | : | طب كويس، دي سعرها كام؟ |
| المهندس منسي | : | أو ما يعادله بالجنيه المصري، اضرب × 18 |
| العميل | : | عاوز 11 حتة |
| المهندس منسي | : | 11 حتة على ثاني حتة يبقى في خصم 5%، أول مكنة حضرتك يبقى حضرتك سعرها ، ثاني مكنة يبقى عليها بونص 5% مش شطارة تجارة ولا حاجة، ولكن عشان سبورتد خدمة ما بعد البيع، عشان التيكنيكال اللي بيجيلك في خدمة ما بعد البيع، بييجي للاثنين مع بعض، فبيوفر علينا إحنا في خدمة ما بعد البيع |
| العميل | : | يعني هي عامله معايا 4500 الواحدة |
| المهندس منسي | : | بص حضرتك إنت لو عايز أجيبها لك من تايوان أجيبها لك من تايوان ولا تفرق معايا |
| العميل | : | أنا عاوزهم النهاردة |
| المهندس منسي | : | طب روح الفرع اتفرج عليها عجبتك |
| العميل | : | طب إنتم مكانكم فين يا فندم؟ |
| المهندس منسي | : | إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور |
| العميل | : | غمرة فين بالضبط غمرة |
| المهندس منسي | : | http://m2pack.me/%D8%A7%D8%AA%D8%B5%D9%84-%D8%A8%D9%86%D8%A7/ |
| العميل | : | طيب، إحنا كده خدنا 11 حتة تعمل خصم 5% |
| المهندس منسي | : | خصم 5% على 10 |
| العميل | : | طب والـ 11 |
| المهندس منسي | : | ما هو أنا بقول لحضرتك أول واحدة بثمنها، ثاني واحدة بـ 5% ديسكاونت، حضرتك شرفنا بالزيارة واقعد مع رجال المبيعات هناك وهمه هيفهموك الوضع كله، اتفرج على المكنة وجربها مرة واثنين و3 ، واعمل بيها فيديو، وخلي يسلمها لك عندك، ويسلمها لك عندي |
| العميل | : | طب يا فندم، ماشي |
| المهندس منسي | : | عايز خدمة أكتر من كده |
| العميل | : | الله يخليك يا فندم، يعني ممكن آجي ألاقي الـ 11 موجودين |
| المهندس منسي | : | إن شاء الله |
| العميل | : | ممكن آجي أدفع عربون ولما آجي أستلم أدفع الباقي؟ |
| المهندس منسي | : | مافيش مشكلة، إنت كده كده ما استلمتش، إنت كده اعتبرنا بنك وحطيت عندنا الفلوس |
| العميل | : | طبعاً إنتم أحسن ناس أحط عندكم الفلوس، اسم الكريم إيه؟ |
| المهندس منسي | : | المهندس منسي |
| العميل | : | حضرتك المهندس |
| المهندس منسي | : | أنا الديزاينر ومؤسس الكيان نفسه |
| العميل | : | الله يخليك يا فندم |
| المهندس منسي | : | تيجي تنورني في أي وقت |
| العميل | : | الله يخليك يا فندم، شكراً |
