ماكينة لحام الاكياس من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : لو سمحت كنت عايز مكنة لحام
المهندس منسي : موجودة
العميل : طب أنا بعمل مخدات عايز أعرف العرض بتاعها
المهندس منسي : إنت عايز تلحم مخدات إيه؟
العميل : لأ بلحم الكيس بتاع المخدة البلاستيك
المهندس منسي : آه..
العميل : الأكياس العادية
المهندس منسي : أيوه اتفضل
العميل : الكيس بتخش فيه المخدة في واحدة عرض 240
المهندس منسي : مافيش مشكلة هوه طولها كونتيويس يعني سير، الطول اللي إنت عايزه
العميل : بمعنى، هي بتمشي عليه
المهندس منسي : آه بتاخد الحاجة بتاعت حضرتك وتمشي
العميل : آه.. طب دي عامله كام؟
المهندس منسي : عامله زي مكنة الخياطة كده
العميل : آه.. بتمشي عليها على طول كده
المهندس منسي : بس دي لحام بقى عرض 1.5سم، دي بتعمل يعني 2500 جنيه مصري، السعر ده ساري لغاية يوم 15
العميل : آه عرض 1.5سم
المهندس منسي : أيوه
العميل : تمام.. خلاص كده العنوان اللي موجود أمام مدرسة البنات الثانوية شارع المنسي خلف قسم باب الشعرية
المهندس منسي : آه هبعتهولك تاني دلوقتي
العميل : خلاص أوكيه، طب في صورة منها يا فندم
المهندس منسي : آه في صور وفي كل حاجة بس يستحسن تيجي تشرفنا بالزيارة، شوف كل حاجة على الطبيعة، تاخد عينات معاك وتروح تجربها
العميل : تمام.. تمام… أوكيه مافيش مشكلة
المهندس منسي : ماشي يا باشا
العميل : ماشي شكراً لحضرتك، شكراً
المهندس منسي : مع السلامة
