ماكينة لحام الانابيب البلاستيك بموجات الالتراسونيك موديل 221 ماركة المهندس منســي

العميل : السلام عليكم

المهندس منسي : عليكم السلام

العميل : طب ممكن أسعار ماكينات لحام الأنبوب زي بتاعت الكريمات والجيل

المهندس منسي : آه مكن لحام الأنابيب البلاستيك واللامينيت موجودة بضاعة حاضرة، حضرتك يستحسن لو حضرتك شرفتنا بالزيارة اتفرجت عليها، ديت موجودة بضاعة حاضرة

العميل : ممكن أعرف السعر وهل في موديلات منها ولا موديل وحيد أنا شفت الفيديو اللي منشور عنها

المهندس منسي : هو موديل واحد آه، إحنا أصحاب رسالة مهنية، هو نفس الموديل ممكن نعمل لك منه 10-15 ولكن إحنا ما بنحبش كده، إحنا بنحب نسهل الدنيا على العملاء

العميل : السعر كام ده اللي محتاج أعرفه

المهندس منسي : ثلاثة  آلاف أو ما يعادله بالجنيه المصري

العميل : شكراً

المهندس منسي : هو يا ريت ما تحكمش على المكنة إلا لما تشوفها، تيجي حضرتك تشوفها، دي  مكنة ألتراسونيك مش لحام حراري، أصل هو في فرق إن أنا أجيب لك مكنة بتلحم بالحرارة ومكنة تانية بتلحم بالألتراسونيك، يعني الموجات المغناطيسية، يعني الموجات الحث المغناطيسي علشان نضمن إن كل الأجزاء اتلحمت مضبوطة

يا ريت حضرتك تيجي تشوفها وتعاينها وتشوف اللحام الشكل بتاعها إيه، لأن في الآخر إنت اللي يهمك إن منتجك يطلع بجودة عالية جداً، لأن الفينش عندك لازم له ضرورة، أما تروح تجيب أي مكنة وتطلع أي فينش، وفي الآخر يقولوا المنتج المصري، ما هو إحنا اللي في الآخر بنهزق المنتج المصري، إ حنا المفروض نعلو شويه ونطلع الشغل الصح، الشغل الصح إن الأنابيب البلاستيك والأنابيب اللامينيت تتلحم بموجات الألتراسونيك، أما لو عايزين نبيع وبس نبيع أي مكن من اللي بيلحم بالحرارة في الآخر مش هيلحم، وهيطلع واحدة مش ملحومة، وواحدة مسربة، وواحدة مبوزة، وواحدة شكلها وحش… براحتك