ماكينة لحام الشنط من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: من فضلك كنت بسأل على مكنة بتاعت الشنط اللحام المكنة موجودة عندكم؟
المهندس منسي: اه
العميل: اللي هي شنط اللونوفا الأكياس
المهندس منسي: آه.. عارفها
العميل: في مكنة اللي هي بتقفلها اللي هي بسموها بالمجسة الفوق صوتية أو سخانات أو حاجة زي كده
المهندس منسي: آه إنت عايز أنهي فيهم بقى الأتوماتيك ولا النص أتوماتيك، عايز أنهي مرحلة في التقفيل…
العميل: بتعمل شريط وبتتني عايز دي، وعايز التانية اللي هي بتركب الإيد في الشنطة، اللي هي بتدي زي بنطة كده…
المهندس منسي: لأ اللي بتركب الإيد في الشنطة دي أوردي موجودة، أما المكنة التانية اللي هي الكونتيوس عامله زي مكنة الخياطة كده بس ليها ضفيرة حوالي 2 سم أو 1.5 سم كده، ديت هنجبهالك بالطلب
العميل: دي بتبقى عامله كام يا باش مهندس؟
المهندس منسي: 3500
العميل: طب والتانية اللي هي العادية اللي هي البنطة؟
المهندس منسي:
العميل: دي بتبقى صيني ولا إيه يا باش مهندس؟
المهندس منسي: آه صيني آه
العميل: طب هي بتشتغل على إيه موجات فوق صوتية ولا سخانات؟
المهندس منسي: لأ ما ينفعش سخانات فيها، دي بتشتغل على موجات كهرومغناطيسية اللي هي الألتراسونيك، موجات فوق صوتية
العميل: تمام.. يا باش مهندس، طب بتيجي في خلال أد إيه؟
المهندس منسي: في حدود 10-15 يوم
العميل: طب بالنسبة لسرعتها نفس سرعة مكنة الخياطة ولا بتبقى أسرع؟
المهندس منسي: أسرع
العميل: ماشي يا باش مهندس ربنا يبارك فيك
المهندس منسي: السلام عليكم
