ماكينة لحام للأكياس بالسير من شركة مهندس منسي
المهندس منسي : سلام عليكم.
العميل :وعليكم السلام و رحمة الله و بركاته.
العميل : أهلا،أزيك يا فندم.
المهندس منسي : الحمد لله.
العميل : الله يسلمك أخبار حضرتك إيه؟
المهندس منسي : الحمد لله.
العميل : شركة منسي؟
المهندس منسي : أيوة.
العميل : حضرتك معاك/وسام سالم،من الشركة السعودية للديكور،كنت بس بسأل حضرتك أنتوا عندكوا مكنات اللحام اللي هي السير دية؟
المهندس منسي : إن شاء الله.
العميل : المكن اللي هو بتحط فيه الكيس بيمشي على السير بيلحمه.
المهندس منسي : إن شاء الله.
العميل : ماشي طيب أنا عايز أبعت أنا من الشرقية و الله و عايز أبعت عربية أو أبعت حد يعني يجيبها و كده، في مواصفة معينة ليها ولا كده على أساس نختار حاجة؟ وعايز أعرف أسعارها معلش بعد إذنك.
المهندس منسي : هي سعرها ومفيش مواصفة هي مكنة لحام سير.
العميل : مكنة لحام سير مفيش مواصفة هي نوعية واحدة يعني.
المهندس منسي : أكياس بالسير .
العميل : طيب حاضر أنا لو بعت حد ممكن حضرتك ممكن أبعت معاه كيس ولا حاجة يجربه عند حضرتك لحام و كده وبعدين ياخد المكنة ؟
المهندس منسي : آه أكيد آه مفيش مشكلة.
العميل : طيب ماشي،هي سعرها ؟
المهندس منسي : آه.
العميل : يعني بالمصري يقطعوا كام؟
المهندس منسي : ألفين.
العميل : ألفين جنيه.
المهندس منسي : آه.
العميل : طيب حاضر خلاص هبعته إن شاء الله و أبعت معاه الفلوس حضرتك مكانكم في؟
المهندس منسي : إحنا عندنا باب الشعرية وحدايق القبة و مدينة نصر .
العميل : باب الشعرية وحدايق القبة و مدينة نصر،حدايق القبة و مدينة نصر، طيب مدينة نصر طيب ممكن لو بعت أديله تليفون حضرتك توصف له المكان في مدينة نصر مثلا لو أقرب.
المهندس منسي : هبعت لك تليفون المبيعات دلوقتي في رسالة هتابع معاك
العميل :طيب ماشي.
المهندس منسي : أنت عايز أنهي فرع مدينة نصر ولا حدايق الشعرية ولا باب الشعرية ؟
العميل : يا مدينة نصر يا باب الشعرية .
المهندس منسي : حاضر هبعتهولك في رسالة.
العميل : ياريت لو حضرتك أستأذنك تبعت لي.
