ماكينة نفخ ولحام الاكياس موديل 306 ماركة المهندس منسي

العميل : أيوه يا فندم سلام عليكم

المهندس منسي : عليكم السلام

العميل : أنا كلمتك على المكنة بتاعت تغليف البسكوت، طريقة لحام الأكياس كويس، أنا كل غرضي يعني دلوقتي الكيس لما أقوم بنفخه لو أنا ما حفظتش عليه بمسكه يعني أنا همسك الكيس بيدي لغاية ما يتم اللحام لو انتظرت لحظات الهوا اللي أنا مليته فيه هيتفرغ منه، فكنت أنا محتاج مكنة يكون فيها اللحام الجزئين المسئولين عن لحام الكيس يكونوا قدام عنيا وفي متناول يدي بحيث إني أقدر أمسك الكيس بإيدي كده وأدوس على الفتحة اللي أنا فتحتها، اللي أنا دخلت منها الهوا في الكيس والمكنة تلحمها في الحالة دي أنا بحافظ على الهوا، لكن إن أنا أقوم بنفخ الكيس وأتركه على السير لغاية ما يتم لحمه بالمكنة الهوا اللي أنا قمت بنفخه في الكيس هيتم تفريغ قبل ما يتم لحام الكيس، فدي وجهة نظري، لو في مكنة عرفني إنت إيه المتاح بالنسبة لكم في حاجة زي كده

المهندس منسي : في عندنا مكنة بتنفخ الكيس وتلحمه في نفس الوقت، أما في مكنة بتلحم الكيس، وفي مكنة بتنفخ الكيس وتلحمه في نفس الوقت المكنة دي عندنا موديل المكنة اللي بتلحم الكيس وبس اسمها 306 سوري المكنة اللي بتلحم الكيس وبس رقمها 301 ماركة المهندس منسي

المكنة اللي بتلحم الكيس وتنفخه في نفس الوقت رقمها 306 ماركة المهندس منسي

ممكن تسرش على جوجل وتشوف الـ 2 وتشوف الملائم ليك وهتلاقي عليهم أسعارهم وهتلاقي المواصفات وهتلاقي كل حاجة موجودة على الإنترنت

العميل : بالنسبة للمكنة اللي هي مكنة اللحام بس، طب أنا دلوقتي مثلاً كيس الشيبسي متفرغ منه الهوا، أنا بقوم فاتحه بسيطة جداً تحت أسفل شريط اللحام كويس، بعد ما أقوم بتعبئته بجهاز النفخ اللي عندي محتاج إن أنا ألحمه، طب أنا دلوقتي سيبته على السير

لو أنا تركت الكيس لغاية ما يوصل جوه لسير اللحام الكيس الهوا اللي فيه كله هيتفرغ منه، فأنا محتاج مكنة

المهندس منسي : هوه يستحسن لو جبت عينات وجربتها على الطبيعة، أما عملية المراسلة ديت زي ما يكون واحد مغمي عين واحد وعمال يقوله إيه اللي في إيدي دي؟؟!!!

العميل : ماشي يعني كلام كويس جداً وده اللي أنا فكرت فيه، إن أنا أبعتلك عينة  هناك مع حد من أخواتي، بس لو ما حدش قدر يجيلك فيا ريت يعني هقولك حاجة مثلاً تجيب 4 أكياس كده وتفتحهم هقولك تفتحهم إزاي وتحطهم على السير لو نفعه تمام، لو ما نفعوش يبقى برده إيه نعرف نتصرف نشوف محتاج إيه نطلع الحاجة اللي أنا عايزها، المكنة اللي إحنا عايزنها يعني

المهندس منسي : حاول حضرتك تجيبلي كيسين أو 3 كده وتفتحهم هقولك تفتحهم إزاي لو إنت موافق إنك تجيبهم يعني حتى مثلاً هخلي أخويا مثلاً معلش ما  يبعتلك مثلاً 20 مقابل الأكياس اللي هتجيبهم وتفتحهم عندك وتوريني الدنيا مشيت إزاي فيهم، بس

فعرفني الأول إنت موافق تجيب الحاجة ليا وتفتحهم يعني وتجربهم على المكنة ولا إيه رأيك؟؟ مع ألف سلامة، شوف كده وعرفني ردك يعني

العميل : إن شاء الله لو كان في خير بإذن الله كده والموضوع مشي زي ما إحنا عايزين إن شاء الله بإذن الله هيكون أخويا عندك على يوم الخميس اللي هوه بعد بكرة يجيبلك الفلوس وياخد المكنة طوالي إن شاء الله