ماكينه شرنكه زجاجات البرفان من شركة المهندس منسي

العميل: سلام عليكم

المهندس منسي: عليكم السلام ورحمة الله وبركاته

العميل: شركة المهندس منسي

المهندس منسي: أيوه

العميل: بكلم حضرتك بخصوص مكنة الشرنكة اللي حضرتك عارضها على النت

المهندس منسي: آه

العميل: هوه حضرتك مصمم المكنة ولا مستورد ليها؟

المهندس منسي: أنا بستورد قطع الغيار والديزاين ده بتاعي أنا، يعني أنا اللي عامل الديزاين وتصميم قلب المكنة، يعني تصميم قالب الماكينة نفسه أنا اللي عمله، يعني شركة المهندس منسي عملته

العميل: آه….

المهندس منسي: واخد بالك، وبعدين بعتنا الرسومات ديت والتصميمات ديت نفذناها بره وتركيبة الكهرباء، ودايرة الكهرباء والحاجات دي كلها إحنا اللي عاملينها، ولكن….

العميل:ده بره فين يا فندم؟

المهندس منسي: بره في الصين وفي تايوان…

العميل: تمام.. تمام…

المهندس منسي: بس دي مواصفتنا إحنا اللي شغاله، يعني ما روحناش اشترينا مكن من الصين وتاننا جايين

العميل: آه… آه…

المهندس منسي: ما تاجرناش، إحنا صنعنا قطع غيار وجمعناها، إحنا ماركة

العميل: تمام.. آه

المهندس منسي: فالناس مش قادره تفهم يعني إيه كلمة ماركة، فهمتني إزاي، يعني النهاردة لما حضرتك بتيجي تروح تشتري تلفيزيون إل جي مثلاً، بتقوله إنت مصنع قطع الغيار دي فين؟؟ ولا مصنع المكنة دي فين؟؟

العميل: لا.. لا.. لا.. دي ماركة طبعاً ماركة إل جي…

المهندس منسي: الناس مش قادره تتعود على ماركة في مصر لأنها جديدة….

العميل: للأسف ده بالنسبة جديدة… دي حاجة كويسة جداً طبعاً

المهندس منسي: الحمد لله، لأننا عالمياً في بس في مصر، يعني إنا فاتحين فرع بيبيع مكن في قلب الصين، ودلوقتي بنفتح فرع في هونج كونج كمان

العميل: ما شاء الله

المهندس منسي: وبنحاول بقدر الإمكان نخش السوق التركي أهوه

العميل: ربنا يصلحلك الحال

المهندس منسي: الراجل بقى اللي لينا في تركيا بنقوله دور على السوق، راح يدور في المصانع اللي بتصنع المكن، يشوفهم… هوه إنت رايح بدور على وظيفة ولا بدور على السوق

العميل: لا حول ولا قوة إلا بالله… طب استفسار بقى

المهندس منسي: اتفضل

العميل: أنا بصراحة هسألك مش عارف هل تنفع ولا لأ؟ شفت حضرتك أزايز البرفان الصغيرة

الرفيعة

المهندس منسي: آه…

العميل: أنا شغال فيها وبصنعها بس عايز أعملها شرنكة، هل المكنة دي تسعفني في الموضوع دوت؟

المهندس منسي: آه تسعفك ما تقلقش، إن بتصنعها يعني عندك مكن حقن بلاستيك؟

العميل: لأ الأزايز اللي هي الغطا الكبس، الغطا بيتكبس بمكبس

المهندس منسي: آه….

العميل: بكبسه بمكبس على الإزازة العادية ديت، أنا عاوز بردك أزود حته إن أنا أعملها شرنكة وكده، دخلت على النت ببحث، فلقيت حاجة مصرية كده فقلت أستفسر منك لو كده آجي لحضرتك أشوف الدنيا ماشيه إزاي، بس أعرف بس هل تنفع ولا لأ، أنا لما شفت على النت اللي حضرتك عارضه، في حاجات كبيرة شويه، يعني ممكن كتب، ممكن حاجة، إنما كإزاز بقى وإزاز صغير وأدخله بكميات وكده هل هتسعف معايا؟

المهندس منسي: لا إن شاء الله هتسعف معاك

العميل: إنت وصلالك الفكرة، زي مثلاً تغليفة الكولا اللي هي الحاجة الساقعة أو تغليف سوري تغليفة المياه المعدنية الإزازة مبترشمة كده… أنا عايز زي كده، هل هي تعمل حاجة زي كده؟ زي برشمة…

المهندس منسي: إن شاء الله

العميل: طيب آجي لحضرتك أبص عليها إمتى ولا.. يعني ينفع نجيلك…

المهندس منسي: آه.. آه.. تيجي في أي وقت من الساعة 11-9

العميل: تمام… أنا في الشغل دلوقتي وقدامي أسبوع يعني زي النهاردة كده

المهندس منسي: ماشي يا غالي

العميل: آجي لحضرتك ولو في حته هجيبها…..

المهندس منسي: إحنا عندنا حدائق القبة، مدينة نصر، باب الشعرية، الفرع الأقربلك إيه؟

العميل: والله أنا في مسطرد فأي فرع فيهم كويس ليا مش بعيد، يعني باب الشعرية كويس ومدينة نصر كويس، اللي حضرتك موجود فيه واللي عازني أجيه أجيه…

المهندس منسي: أنا مش شرط تتعامل معايا، أنا هبعتلك الفرع معاه تليفونات إنت اتعامل معاه عادي

العميل: مافيش مشكلة، أنا بس آخد معايا إزازة وهقول لحضراتكم إيه الطريقة اللي تبقى كده يعني، زي إزازة المياه المعدنية مثلاً اللي هي تتشرنك بالطريقة ديت يعني

المهندس منسي: إن شاء الله، هوه حضرتك جيبتنا منين من على النت؟

العميل: والله أنا دخلت على… كتبت  شرنكة في سايد لحضرتكم للمكنة دي حتى فيها رقم التليفون بتاع حضرتك، أنا جايب رقم التليفون بتاع حضرتك من على النت، وفي أرضي وفي فاكس وكده، وحتى العنوان موجود، العنوان 5 ش المنسي خلف رئاسة حي باب الشعرية صح

المهندس منسي: ماشي يا غالي

العميل: طب هوه السعر زي ما هوه موجود كده ولا في اختلاف في السعر؟

المهندس منسي: لا ده إحنا شركة عالمية، مش واحد بيقعد يفاصل وكده ما ينفعش

العميل: آه… آه… هو سعر المكنة كام؟

المهندس منسي: 430 يعني في حدود 3500

العميل:آه.. بالهيتر بالسخان بكل حاجة

المهندس منسي: كله.. كله ما تشغلش بالك بأي حاجة

العميل:آه… آه… وشغاله سنجل فيز 220

المهندس منسي: آه 220

العميل: أيوه.. أيوه خلاص ماشي يا فندم، طب أتابع حضرتك على التليفون ده ولا في حد ممكن أتواصل معاه لو حضرتك مش فاضي أو كده

المهندس منسي: لا عادي هبعتلك أنا تليفون المبيعات دلوقتي في رسالة

العميل: يا ريت والله الله يكرم حضرتك، لو حضرتك تبعتلي رقم حد أتواصل معاه بحيث إن أنا أشوف أنزله إمتى وكده لو حضرتك مش فاضي

المهندس منسي: تحت أمرك يا غالي

العميل: ماشي يا فندم، متشكر جداً يا فندم، متشكر جداً ليك، مع السلامة يا فندم.. مع السلامة