ماكينه فاكيوم تشكيل من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : ممكن تفاصيل عن ماكينة الفكيوم الحراري كم المقاسات الموجودة كم سعرها المواد الخام الخاصة بيها

المهندس منسي : هوه مكن الفاكيوم أنواع، في منه مكن للتشكيل، وفي منه مكن لشفط الهوا من الأكياس، فأي الأنواع اللي إنت عايزها؟

العميل : للتشكيل

المهندس منسي : آه المكنة عندنا رقم 605 ماركة المهندس منسي دي بتقوم بتشكيل كل أنواع العلب والعبوات والسواني والأطباق وكل الأشكال البلاستيكية والخامات التغليف وحاجات بتاع الاكسسوارات بتاعت العربيات، وبتصنع برده اكسسوارات البلاستيك بتاع الموبايلات والعربيات… بتصنع حاجات كتيرة قوي

نقدر نعملك الاسطمبات، وعندنا المكنة كمان اللي بتعمل الاسطمبة الاسطمبة بتركب على المكنة اسمها مكنة حقن بلاستيك، الأول بنصنع الاسطمبة، وبعد ما نصنع الاسطمبة بنركب الاسطمبة على المكنة المكنة بتنزل المنتج، المكنة دي بيركب عليها مجموعة هائلة من الاسطمبات، آلاف المنتجات من الاسطمبات

العميل : مكينة الحقن خلاف ماكينة الفكيوم ولا ماكينة الفكيوم هي اللي بتصنعها

المهندس منسي : مكنة  حقن البلاستيك غير مكنة الفاكيوم، مكنة الفاكيوم ديت اسمها تشكيل بلاستيك، بتشكل مثلاً السكنس بتبقى جزء من المللي، أما في الحالة بتاعت حضرتك اللي هتنفعك مكنة حقن البلاستيك

العميل : تمام كم سعر ماكينة الحقن

المهندس منسي : هوه  إنت مش شرط تشتري مكنة حقن بلاستيك، إنت لو جاست عملت اسطمبة حق البلاستيك بتشغلها عند أي حد مش شرط تشتري مكنة حقن بلاستيك، لأنه مكنة حقن البلاستيك مكلفة، وهتشتريها دلوقتي ليه؟؟ يعني إنت لو عايز تبدأ ابدأ الأول بالاسطمبة وشغلها بره، وبعد ما تشغلها بره وتلاقي في مرزقة والدنيا تمشي معاك ابدأ اشتري مكنة حقن بلاستيك، إنما من أولها تتك على نفسك وتقول مكنة حقن البلاستيك والاسطمبة والـ مش عارف إيه… ما هو الدنيا هتبقى عالية عليك في السعر

العميل : تمام كلامك كويس جداً بالنسبة لتكلفة الاسطمبا بتكون مكلفة

المهندس منسي : قصدك السلندرات؟

العميل : القالب الخاص بالمنتج الي أرسلت لك صورته

المهندس منسي : آه إحنا بنعمل له اسطمبة في الأول وبعدين بنركب الاسطمبة على الماكينة بعدين بننتج بناء على ذلك

العميل : كم سعر الاسطمبة

المهندس منسي : اسطمبة الطبق اللي تحت سعرها 3 واسطمبة القادوس الخاص بسقاية الدجاج سعرها 4

العميل : تمام

المهندس منسي : وبعدين بيتم الحقن على مكاين حقن

العميل : كم بيكلف الحقن

المهندس منسي : لازم ترسل لي  عينة عشان أقدر أقول لك ثمنها ممكن يتكلف كام

العميل : تمام

المهندس منسي : سعر القالب للمنتج كامل 8400 بيكون تقريباً150 ألف جنيه

 

العميل : الله ينور، لا ده كده كلامك مضبوط قوي حسبتها إنت حسبة مضبوطة صح