مجموعة اغطية الومنيوم لزجاجات الادوية من شركة المهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | باش مهندس منسي |
| المهندس منسي | : | أيوه مع حضرتك اتفضل |
| العميل | : | أنا اسمي محمد علي من شركة ادوية، أكيد حضرتك تسمع عننا يعني، أنا شفت تليفونات الشركة على النت، لقيت شركة حضرتك إم تو باك بخصوص الغطاء الألومنيوم فلبر برو 28 و 22 |
| المهندس منسي | : | اللي هو الغطا الألومنيوم إيه؟؟ |
| العميل | : | غطا ألومنيوم فلبر برو مقاس 28 و 22، فلبر برو الغطا اللي بيتحط على أزايز الأدوية سواء بلاستيك أو إزاز، غطا ألومنيوم |
| المهندس منسي | : | بتسموه فلبر برو؟ |
| العميل | : | آه إحنا بنسمي فلبر برو |
| المهندس منسي | : | آه ماشي |
| العميل | : | حضرتك ويكون مطبوع، واديته اسم المستحضر بتاعنا، وقلتله عايزين حوالي 50 مليون من الـ28 والـ 22 فهل حضرتك بتشتغل فيه يا باش مهندس منسي؟ |
| المهندس منسي | : | آه بنشتغل فيه آه |
| العميل | : | طيب ما تشرفني بالزيارة وتقعد مع مدير المشتريات، إحنا شركتنا في مدينة نصر ومصانعنا في إسماعيلية، شركة النقل الطبية للأدوية |
| المهندس منسي | : | أهلاً بيك |
| العميل | : | فحضرتك تحب تشرفنا بالزيارة، أديك المواصفة |
| المهندس منسي | : | هو لو حضرتك تقدر بعد إذن معاليك تبعت لي على الواتس صور الأغطية ومقاساتها والداتا شيت بتاعتها |
| العميل | : | هبعت لك المواصفة وكل حاجة، صور الغطا مش مطبوع، لو عايز تجيب المستحضر من فوق، المستحضر شراب |
| المهندس منسي | : | هي المشكلة بس إن الوقت مش سايع معايا إن أنا أروح أشتري المستحضر يعني |
| العميل | : | مافيش مشكلة، هو حضرتك بتصنعه هنا ولا بتستورده؟ |
| المهندس منسي | : | لا بنستورده، لو حضرتك فلبر برو اللي هو الغطا الفليب أوف بتاع الحقن، مش هو ده؟ |
| العميل | : | لا مش غطا فليب أوف بتاع الحقن، هو حضرتك بتصنع الغطا بتاع الحقن؟ |
| المهندس منسي | : | لا ده بنستورده، إحنا بنصنع بس الأغطية البلاستيك، والأغطية الألومنيوم فويل اللي هي بتلحم إندكشن سيل |
| العميل | : | الله يفتح عليك، أنا الغطا ده مافيهوش إندكشن سيل، الغطا ده في طبقة فوم سمكها 2 مللي من جوه، هبعت لك صورته على الواتس |
| المهندس منسي | : | آه يستحسن لو بعتلي صورته على الواتس، وإحنا إن شاء الله طالما في مجالها هنوفرهولك |
| العميل | : | خلاص، وأنا حضرتك في لجنة طبية بتيجي المصنع، لجنة محايدة طبعاً بتيجي بيتعاين مصنع حضرتك، بنشوف النظافة، بنشوف النظام، لأنه بيقرلي إني أشتغل مع حضرتك |
| المهندس منسي | : | إن شاء الله |
| العميل | : | خلاص أبعت صورة الغطا |
| المهندس منسي | : | إن شاء الله |
| العميل | : | شكراً يا بش مهندس منسي، مع السلامة |
