مجموعة علب بلاستيك لتعبئة الكحك من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : مع حضرتك محمد حسين تمور طيبات الوادي

المهندس منسي : أهلاً بيك

العميل : حضرتك عندكم عبوات بلاستيكية صح كده؟

المهندس منسي : إن شاء الله

العميل : طيب أنا عندي عبوات للبلح، أنا عاوز عبوات للكحك عشان تتخيل معايا

المهندس منسي : آه

العميل : أنا محمد حسين أتشرف بحضرتك المهندس مين؟

المهندس منسي : المهندس منسي

العميل : إزيك يا باش مهندس إزي حضرتك، أنا قابلت حضرتك زمان وخدت من حضرتك مكنة تعبئة وتغليف

المهندس منسي : آه…

العميل : أيوه كنت واخد معايا عربية سودا كبيرة كنت بسافر الوادي بيها..

المهندس منسي : آه

العميل : لا كان معايا كابرس أمريكاني، المهم قابلت حضرتك زمان من مدة كنت خدت منك مكنة صيني كنت إنت أول واحد جايبها هنا

المهندس منسي : آه..

العميل : تعبئة وتغليف لسه مكان حضرتك في باب الشعرية برده

المهندس منسي : مضبوط آه، حدائق القبة، مدينة نصر، باب الشعرية، 6 أكتوبر

العميل : ورا القسم.. نعم

المهندس منسي : عندنا دلوقتي فروع تانية

العميل : طيب تعبئة وتغليف العبوات، مين ماسك العبوات عشان ما أشغلكش وأكلمه

المهندس منسي : لا ولا يهمك، إحنا عندنا مكنة بتصنع العبوات، ونقدر نصنع العبوات برده

العميل : لأ مش هاخد مكنة، بص حضرتك يمكن اتعرفنا قبل كده، أنا في الوادي الجديد، وهنا في القاهرة، وعملت سوق في القاهرة والحمد لله ومصنع وكل حاجة

ففدماغي فكرة من السنة اللي فاتت إن أنا أعمل كحك، أنا بعمل كحك راقي جداً جداً، بس مش لاقيله عبوة كويسة، كنت أنا شفت عبوة بتاعت صفيح

عجبتني بس طبعاً الوقت ضيق ما أقدرش أعمل حاجة زيها دلوقتي، فكنت عايز أعمل عبوات بلاستيكية نحط فيها تريه أي حاجة كده تقسيم بتاعت حواجز، يعني عايزها تبقى شيك وأشتغل في ستيكر السنة دي والسنة الجاية أشتغل بعلبة شيك وطباعة وكل حاجة، لأن الوقت طبعاً ضيق كل سنة وإنت طيب فطبعاً هنا مافيش أي مصنع هيقدر يلبيلي طلبي دلوقتي فهل في عبوات جاهزة تشيل كيلو مستطيلة وأنا بشكل الشكل الصفيح اللي هي ارتفاع 6 سم علبة عادية خالص وكفر في جزء شفاف

المهندس منسي : هوه إحنا نقدر نصنعلك

العميل : بس عشان تعملي شغل لوحدي أنا عارف ده خط إنتاج وتشغيل و.. و…

المهندس منسي : لا مش للدرجة دي لأ ده هي بسيطة قوي، هي كل العملية قالب وبنحطه في المكنة وبنشفط عليه بتطلع العبوة

العميل : طيب أقابل مين…

المهندس منسي : الاسطمبة كلها بتاخد 3 أيام ولا حاجة

العميل : طب والشغل بيطلع خلال أد إيه بعديها

المهندس منسي : على طول ما خلاص الاسطمبة موجودة نطلع الشغل دلوقتي

العميل : طيب مين نشرف بلقائه من المهندسين اللي مع حضرتك..

المهندس منسي : هبعتهوملك في رسالة دلوقتي حالاً

العميل : طيب أنا شاكر جداً

المهندس منسي : مش مشكلة هبعتهملك في رسالة دلوقتي حالاً

العميل : ربنا يبارك في حضرتك، هكلمه بقى وهتعامل معاه

المهندس منسي : التمر أخباره إيه السنة دي ماشي كام السنة دي

العميل : البلح أنا قربت أخلص، وده اللي شغلني السنة دي بالكحك، البلح صعب جداً السنة دي في الوادي، صدره منه كمية كبيرة جداً بعد تغيير ال، كان طبعاً اللي بيتسورد بره سعر ال كيلو بلح بالنسبة له بقى علبة كولا، واللي هنا فرحوا بالعشرين جنيه، فخلصوا البلح اللي في مصر فرفع لغاية ما وصل هنا في الوادي الجديد وصل لـ 22 جنيه جوه الوادي

المهندس منسي : آه…

العميل : نظرية بقى العرض والطلب إنت حضرتك طبعاً في السوق وفاهم اللي أنا بقوله اقتصادياً راجل دارس، فطبعاً لما صدره كمية كبيرة فطبعاً العرض والطلب كل يوم يقل السعر يزيد، وصل 22 جوه الوادي، أنا حتى مخزن مثلاً 150-200 طن لما بدأت آجي أتسعود السعر بدأ يزيد اشتريت بـ 18، 19، 20… النهاردة مافيش في الوادي خالص أنا عندي كمية صغيرة إن شاء الله تاخدني أسبوع، فعايز ألحم في الكحك، أنا عندي تسويق كويس يعني، بندي محلات كويسة زي المحلاوي لايت أوت، المصرية… بندي محلات كتيرة كويسة، فهنستغل اسمنا في الوادي، يعني اسمنا الحمد لله خد وضع كويس بعد عشر سنين فعايز أستغل التسويق بتاعي أنزل حاجة محترمة النهاردة مكسبات طبيعية كلها، سمن طبيعي حاجات زي كده حاجات محترمة طبيعية طبيعية تمام وأدرس المحلات، فلو بدون مكسب فده مكسب ليا في حد ذاته

المهندس منسي : مضبوط آه

العميل : يعني واخد بال حضرتك، يعني مش مستعجل على القرش عايز أعمل حاجة محترمة

المهندس منسي : طبعاً.. طبعاً… عندنا المكنات هنا في مصر سعرها زي سعر بره

العميل : طب سؤال أخير يا باش مهندس إنت دايماً روحك الجميلة ربنا يبارك في حضرتك

المهندس منسي : خد راحتك

العميل : أقل كمية عشان أنا برده لما أتكلم مع الباش مهندس اللي هيكلمني أياً كان ممكن نبدأ بأد إيه؟

المهندس منسي : 5000 علبة

العميل : عموماً هنختار شكل لأني أنا ممكن أمشيه في التمر، يعني فهمتي قصدي

المهندس منسي : إن شاء الله

العميل : كلمني بدون تكليف حطلي الأرقام وصلي الأول براحتك خالص، حطلي الأرقام بدون تكليف وقولي المهندس مين اللي أنا هكلمه ونتقابل إزاي وكده، وأنا هكلمه وأنسق معاه

المهندس منسي : همه عدد هيجيلك رسالة دلوقتي فيها عدد كلم اللي يعجبك مش شرط

العميل : ربنا يبارك في حضرتك، وأنا في انتظار الرسالة

المهندس منسي : ماشي يا غالي

العميل : شاكر جداً وكل سنة وحضرتك طيب يا باش مهندس، اتفضل يا فندم، اتفضل