مجموعة من الاكياس السلوفان من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : إزيك يا باشا

المهندس منسي : أهلاً بيك

العميل : شركة المهندس

المهندس منسي : أيوه

العميل : كنا عايزين أكياس سلوفان…

المهندس منسي : نعم؟؟؟

العميل : أكياس 43 × 60

المهندس منسي : آه

العميل : في منها؟

المهندس منسي : موجود إن شاء الله

العميل : تمام… والباكيتات دي قول 80 طول 80 ، و 60 × 10 × 10

المهندس منسي : ولا يهمك كل المقاسات اللي إنت طالبها موجودة

العميل : والمناديل

المهندس منسي : موجودة برده

العميل : في مناديل 35 × 45؟

المهندس منسي : في كل المقاسات اللي إنت عايزها

العميل : طب والسعر؟

المهندس منسي : ما هو سعر إيه × إيه؟؟؟ ما هو سعر السماكة اللي حضرتك عايزه، الطول، العرض… الأوزان، الكمية… كل الحاجات ديت إحنا محتاجين نعرفها عشان نبدأ نقول سعرها يبقى كام

العميل : أنت عاوز الكمية يعني

المهندس منسي : آه

العميل : كل ما تكبر الكمية كل ما يخف السعر يعني

المهندس منسي : إن شاء الله

العميل : تمام.. تمام يا باشا، طب ممكن أديك الكمية وأعرف سعرها؟

المهندس منسي : طب ممكن تشرفنا بالزيارة الكلام هيبقى أحسن

العميل : أنا أصلاً من سوهاج مش من هنا، ده أنا خدت التليفون من واحد حبيبي والله

المهندس منسي : هوه حضرتك تاجر ولا إيه؟

العميل : صاحب مصنع حلويات

المهندس منسي : آه.. آه…

العميل : فأنا هاخدهم وكل 5-6 أشهر آخد 100-200 كيلو، الطن على بعضه…

المهندس منسي : طب بص هقول لحضرتك على حاجة إنت ممكن تشرفنا هتبص في المصنع هتلاقي الخامات موجودة قدامك بضاعة حاضرة، هتنقي منها اللي هيعجبك وإنت واقف هيديلك سعرها

العميل : طب بالنسبة عايز مكنة تغليف فلوباك

المهندس منسي : عندنا آه

العميل : عندكم المصري والصيني؟

المهندس منسي : لا عندنا بس الصيني، المصري ما بنشتغلش فيه عشان الصيني تشتغل كهربا، بتشتغل التعامل معاها صعب شويه، إنما الصيني معمولة كهربا فالتعامل معاها سهل

العميل : تمام… طب صلي على حضرة النبي

المهندس منسي : عليه الصلاة والسلام

العميل : التعامل ممكن تتعامل بشيكات بنكية معايا؟

المهندس منسي : لا إحنا شغلنا كله كاش، يمكن يا أخي سبحان الله، يمكن كل واحد وجهده

العميل : آه لأ ما إحنا شغلنا كله كاش صدقني لحد موسم مولد النبي ونخلص منهم

المهندس منسي : لا صدقني كل شغلنا كاش صدقني يعلم ربنا

العميل : ماشي يا باشا اتفضل حبيبي شرفت

المهندس منسي : مع السلامة