مجموعه من أكياس البولي إيثيلين من شركة المهندس منسي

العميل	:	السلام عليكم
المهندس منسي	:	عليكم السلام ورحمة الله وبركاته
العميل	:	شركة المهندس منسي
المهندس منسي	:	أيوه
العميل	:	بعد إذن حضرتك كنت بسأل على أكياس البولي إيثيلين بمختلف عبواتها، فكلمت كذا شركة فقالوا لي إن إنتم أفضل شركة ممكن تصنع الأكياس يعني، فكنت عايز أعرف الأسعار
المهندس منسي	:	هو حضرتك عايز بولي إيثيلين بالعنية، ولا عايز أكياس تغليف حديث؟
العميل	:	أكياس تغليف حديث، أنا عايز حضرتك تنصحني بالأفضل لأن إحنا عاملين شركة تغليف لأنواع معينة من الجبن، فكنت عايز أعرف هل البولي إيثيلين أفضل ولا أكياس التغليف الحديث أفضل يعني
المهندس منسي	:	بص يا سيدي التغليف الحديث دلوقتي بقى حاجة اسمها أكياس اللامينيت، يعني إيه؟؟ يعني بنجيب طبقة بولي إستر الشفافة ونطبع عليها من الظهر، بنطبع عليها بطريقة الروتوجرافيك دي أجمل أنواع الطبعة وأشيك وأحلى أنواع الطباعة وبعد كده بنلصق الطبقة ديت على طبقة البولي إيثيلين، يبقى هنا النهاردة البولي إيثيلين وظيفته إيه؟؟ وظيفته هي اللحام بس
العميل	:	ما أنا عايز…
المهندس منسي	:	اصبر بس أكمل لك كلامي عشان إنت حضرتك مش عارف المنتج فواجب عليا إن أنا أعرفهولك
العميل	:	اتفضل سيادتك
المهندس منسي	:	فالنهاردة هنعمل إيه؟؟ طبقة بولي إستر مبطن بالبولي إيثيلين، أو بولي أميد مبطن بالبولي إيثيلين، أو بولي بروبلين مبطن بالبولي إيثيلين، أو بولي إستر مبطن بـ سي بي بي، أو بولي إستر مبطن بالباي أوريانتد بولي بروبلين… أنواع خامات التغليف الحديث كتيرة جداً ومتعددة، ونوعياتها متعددة وكتيرة، بحيث إن منتجك ينزل في صورة خيالية، في صورة جميلة، يعني الصورة تبقى مبدعة، زي المنتجات.. النهاردة لما تشوف منتج في السوق تقول الشركة دي باين عليها شركة كبيرة، ومنتج تاني تشوفه تقول شركة باين عليها تحت بير السلم، بتعرفها منين؟؟ من العبوة
العميل	:	آه
المهندس منسي	:	أنا بقى دوري صاحب رسالة، رسالتي بتقول إن أنا همسك الصغير وأخليه جنب الكبير في صف واحد، كده كده أنا الكبير مش هتأخر عنه، من العين دي قبل العين دي، بس أنا أعتقد إن رسالتي للصغير أكتر، لأن الصغير لا يعلم، أما الكبير بقى يعلم
العميل	:	والصغير برده محتاج مساعدة حضرتك في السعر برده
المهندس منسي	:	في كل حاجة.. كل حاجة، مافيش حاجة اسمها سعر، كله سعر واحد، بس أنا دوري أعرفك الخامة، وأعرفك إيه الحديث، وإيه أجمل وأجود حاجة، بكل أمانة وضمير
العميل	:	تمام.. أنا شاكر أفضال سيادتك، طب الفكرة إن إحنا عايزين نحط مجموعة من الأجبان زي الجبنة المودزريلا أو الشيدر نحطها في قلب عبوات بولي إيثيلين، ونفرغ منها الهوا ونلحمها
المهندس منسي	:	بص يا سيدي عشان تفرغ الهوا يبقى إنت محتاج خامة مختلفة عن البولي إيثيلين، الخامة اسمها بولي  أميد مبطن بالبولي إيثيلين، إيه وظيفة البولي أميد، البولي أميد زيرو برمبليتي، يعني إيه؟؟ يعني صفر نفاذية، إنت بتسحب الهواء بالفاكيوم، وظيفة سحب الهوا بالفاكيوم إيه؟؟ بننزع الهواء عشان خاطر المنتج يفضل طازة لمدة كبيرة ويحافظ على المنتج ويزود صلاحيته
العميل	:	بالضبط سيادتك
المهندس منسي	:	أول حاجة بيحافظ على المنتج ويخلي الطعم بتاعه كما لو كان لسه ممنوع، رقم 2 بمنع الأكسجين أكتيف إن هو يخش، لسبب بسيط لأن البولي أميد مافيهوش أي نفاذية
العميل	:	تمام.. ما هو أنا برده الناس اللي نصحتني إن أنا أكلم حضرتك قالوا لي إن حضرتك هتقولي الكلام ده وتفهمني أكتر، لأن أنا عايز أكون فاهم في الموضوع كويس قوي
المهندس منسي	:	هتبقى أستاذ ورئيس قسم ما تقلقش إنت مع أخوك المهندس منسي
العميل	:	ربنا يخليك يا فندم، أنا اتشرفت بسماع صوت سيادتك، محتاج بس أعرف الخامة دي أو النوعية دي ممكن تقف عليا بكام؟
المهندس منسي	:	الخامة اسمها بولي أميد مبطن بالبولي إيثيلين، دي حضرتك 3 ـ 4 أنواع، والسايز نفسه في منها مقاسات كتيرة، وحسب الكمية اللي حضرتك هحتاجها، حضرتك هتيجي تشرفنا بالزيارة، تقولهم أنا عايز خامة الفاكيوم اللي هي بولي أميد المبطن بالبولي إيثيلين، أنا كلمت المهندس منسي وهو قالي على كل حاجة
العميل	:	تمام سيادتك
المهندس منسي	:	في أوردي أكياس جاهزة
العميل	:	هو أنا للأسف من كفر الشيخ تمام مش من القاهرة، فأنا كنت حابب أعرف أسعار تقريبية بحيث إن أنا آجي عند حضرتك…
المهندس منسي	:	سعر خامة الأكياس المتفصلة جاهزة اللي هي لحام من كل الجوانب الخاصة بالفاكيوم، خلي بالك من كلمة البولي أميد المبطن بالبولي إيثيلين، ما تخليش حد يبوظ لك منتجك عشان خاطر حاجات بسيطة، يبدأ من 40 كيلو متفصلة تغليف حديث، يعني إيه؟ يعني لحام 1.5 سم من كل الجناب، والمكنة بقى بتعملك الجنب الرابع، وأوردي عندنا بضاعة حاضرة
العميل	:	طب هل ممكن أعمل شريط لاصق اللي هو عاشق ومعشوق في بعضه في الجنب الرابط تحت اللحام
المهندس منسي	:	لا ده مش هينفع في الفاكيوم، الفاكيوم لازم يتلحم لحام قوي عشان خاطر ما يسربش هوا، أما الزيبر اللي هو العاشق والمعشوق، اللي هو بالعربية اسمها سوستة، فدي مش هتنفع في الفاكيوم
العميل	:	تمام.. طب أنا ممكن أعرف الكيلو حوالي كام كيس مثلاً
المهندس منسي	:	لا دي صدقني بقى تبقى صعبة عليا
العميل	:	يعني الكيلو هيبقى أزيد من 40 كيس أكيد يعني؟
المهندس منسي	:	لا أنا ما أعرفش ليه؟؟ لأنه السكنس بيبقى مختلف، والسايز مختلف، أنا لغاية دلوقتي ما أعرفش السكنس اللي إنت عايزه أد إيه؟ ولا أعرف…
العميل	:	أنا عايز أدخل منتج 200 جرام بس
المهندس منسي	:	آه الـ 200 جرام هتجيب حاجتك معاك وتيجي تشوف الأكياس وتشوف الكيس اللي هيلائمك إيه
العميل	:	تمام.. تمام
المهندس منسي	:	ماشي يا غالي أنا اتشرفت بيك
العميل	:	شاكرين أفضالك
المهندس منسي	:	إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور
العميل	:	تمام سيادتك، هو أنا ممكن أجي عند حضرتك وأطلب عينات مثلاً بحيث إن أنا أعمل عليها..
المهندس منسي	:	عادي بس إنت ما عندكش مكنة فاكيوم، هتطلب عينات تعمل على إيه بقى؟؟!!!! هتشفطها إزاي؟؟
العميل	:	هو أنا هعمل لحام، في جهاز كده إحنا جايبينوا من تركيا، فأنا كنت عايز أعمل اللحام عليه كحاجة مانيوال
المهندس منسي	:	ماشي مافيش مشكلة، ممكن تيجي تاخد كيسين 3 مافيش مشكلة، طالما الحاجة موجودة مش هتأخر عنك، إنما في بعض الناس يقولك ممكن تفصلي شويه عينة، طب ده ينفع، إنما لو الحاجة موجودة خد يا عم مش مشكلة
العميل	:	تمام يا باش مهندس، شاكرين أفضال سيادتك، اتفضل