مجموعه من الاكياس لتعبئة المنتجات المختلفة مقدمة من شركة المهندس منسي

العميل	:	السلام عليكم
المهندس منسي	:	عليكم السلام ورحمة الله وبركاته
العميل	:	شركة المهندس منسي
المهندس منسي	:	أيوه
العميل	:	كنت بسأل كان في عندكم اكياس
المهندس منسي	:	آه بنعملها آه
العميل	:	طب كنت عايزه أسأل لو كنت عايزه آخد منها عينة، إيه الدايمنشنس اللي موجودة متاحة
المهندس منسي	:	آه مافيش دايمنشن متاحة، هو كل العملية إن إحنا عندنا رولات بنبدأ نقسمها لك على حسب المقاس اللي إنت محتاجاه
العميل	:	يعني هي بتتباع بالكيس ولا بتتباع بالكيلو ولا إيه؟
المهندس منسي	:	بتتباع بالكيلو ولو إنتي عايزه تاخديها تفصليها مافيش مشكلة، ولو إنتي عايزه إحنا نفصلها لك بنقولك سعر التفصيل هيبقى كذا
العميل	:	أنا لو محتاجة عينة
المهندس منسي	:	بتيجي توزني بكرة وتاخديها، أو بتيجي تاخدي قطعة وتاخديها
العميل	:	أوكيه..
المهندس منسي	:	إنت مكتب توريدات تقريباً
العميل	:	لا يا فندم، أنا مصنع كيماويات أنا صراحة بعمل سيرش على الموضوع فلقيت صور حضرتكم
المهندس منسي	:	ده من نصيبنا الجميل
العميل	:	ربنا يخليك، إحنا المصنع بتاعنا في أكتوبر، أنا شايفه إن لكم فرع في أكتوبر
المهندس منسي	:	آه إحنا عندنا آه في مجمع الأمل في المنطقة الصناعية الثالثة
العميل	:	طب إنتم قريبين مننا، إحنا في المنطقة الصناعية الثانية
المهندس منسي	:	آه.. إحنا في المنطقة الصناعية الثالثة آخر حمادة إمام
العميل	:	طب مش عارفه هل حضرتك تسمع عننا ولا لا، إحنا إيجيل الشرق للتجارة والصناعة
المهندس منسي	:	آه جيت عندكم مرة، كنت عايز فور لامينيشن، أنا عندي مصنع في العبور بتاع لامينيشن، ولفيت كل شركات في جمهورية مصر العربية وبسم الله ما شاء الله التعاون بتاعهم كان شيء مزدري، ولا استفادت أي حاجة، وكتيره عندهم اللو، يا جماعة أنا عايز الهاي ديفينشن، مافيش.. مافيش.. هنجيب لك، وفي الآخر قلت عليه العوض ومنه العوض
العميل	:	هو حضرتك الأونر؟
المهندس منسي	:	آه أنا الأونر آه، وجيبتها من بره
العميل	:	ما تشرفتش بحضرتك
المهندس منسي	:	المهندس منسي، أنا أوردي عندي فرع في الصين، بيعرض مكن في الصين، وبنبيع في قلب الصين
العميل	:	طب هل في مندوب يقدر يجيلي دلوقتي ويفرجني على عينات ويقولي الدنيا تمشي إزاي
المهندس منسي	:	طب ما تكلمي مدير الفرع هناك هو دؤوب باسم الله ما شاء الله ممكن يجيلك
العميل	:	طب اديني رقمه طيب
المهندس منسي	:	هبعت رابط هتلاقي فيه العناوين كلها، اختاري فرع 6 أكتوبر، اللي ماسك الفرع الحاج شوقي وابنه أحمد
العميل	:	أوكيه طب أنا عايزه رقم تليفون ليه
المهندس منسي	:	ابعتلي طلب عناوين
العميل	:	ماشي أوكيه حاضر من عنيا
المهندس منسي	:	لا ده أنا اتشرفت بيكي، اسم الكريمة إيه؟
العميل	:	نرمين
المهندس منسي	:	أهلاً بيكي يا نرمين، أنا اتشرفت بيكي
العميل	:	شكراً، سلام