مكنة السلفنة للعطور  موديل 803 من شركة المهندس منسي

 

العميل: سلام عليكم

المهندس منسي: عليكم السلام ورحمة الله وبركاته

العميل: شركة المهندس

المهندس منسي: أيوه

العميل:أهلاً وسهلاً

المهندس منسي: أهلاً بيك

العميل: الله يعزك، مع حضرتك عمرو حضرتك كنت بستفسر بس عن مكنة السلفنة بتاعت العطور موجودة؟

المهندس منسي: آه إن شاء الله

العميل: طب حضرتك دي يدوي ولا أتوماتيك؟

المهندس منسي: عندنا يدوي وعندنا نص أتوماتيك وعندنا أتوماتيك هاند فيد، عندنا أنواع منها

العميل: طب هي معلش اليدوي درجات برده، أصل أنا داخل على موقع فشفت حاجة برده…

المهندس منسي: آه عندنا اليدوي دي رقمها 803، هي مش يدوي هي نص أتوماتيك

العميل:  نص أتوماتيك؟

المهندس منسي: آه.. طالما إن بيدخل فيها… يعني اليد بتتدخل فيها… براحتك إنت عايزها يدوي ماشي، عايزها نص أتوماتيك مافيش مشكلة

العميل:  طب حضرتك معلش هي سعرها كام؟

المهندس منسي: هي بتعمل

العميل:  طيب، حاجة تاني برده، بالنسبة لأفران الشرينكات هي الأفران دي مش ممكن تتعمل بحجم معين؟ لأنه اللي موجود في السوق يعني حضرتك أنا فاتح شركة أدوية وكنا عايزين نغلف طلبيات بس هي الطلبيات أحجامها… إحنا شركة توزيع مش تصنيع، فتروح للعملاء بأحجمام مختلفة، ممكن تبقى كبيرة، ممكن تبقى صغيرة، فلفيت في السوق ما لقتش الحجم المناسب للطلبية، كل الأحجام أكبر حجم بيشتغل على 3 فاز، فمفيش متواجد قدامي اللي انا عايزة

المهندس منسي: كل المكن اللي عندنا نقدر نخليهولك 2 فاز

العميل:  يعني ممكن يتحول على 220؟

المهندس منسي: مبدأنا أساساً، مبدأ رسالة بنقدمها للناس، إن إحنا عايزين كله يصنع من الصغير للكبير، من أول واحد ما عندوش كهربا خالص، لو إنت ما عندكش كهربا خالص أخليك برده تصنع

العميل:  لا.. لا.. الله يعزك

المهندس منسي: لا عادي عملنا مصنع عبوات لبن

العميل:  ده حاجة تسعدنا والله، الحاجة اللي هي… في ناس بنروحلها تقولك لأ هوه ده اللي موجود، هوه ده اللي متاح

المهندس منسي: دول تجار، إحنا مهندسين، ففاهمين بنعمل إيه، بنصنع بنعمل ديزاين //////

العميل:  تمام.. تمام… طب حضرتك إنتم موجودين بكره لو كده ممكن أجيلكم زيارة؟

آه عادي تيجي تنورنا في أي وقت

العميل:  مافيش مشكلة، طب المواعيد من كام لكام؟

من 11-9

العميل:  باب الشعرية تمام

المهندس منسي: آه هتلاقي عدد من فريق المبيعات تتعامل معاه، إحنا عندنا أكتر من 20 واحد مبيعات، وقف معاك في حاجة اتصل بيا أنا تاني

العميل:  مافيش مشكلة، باش مهندس؟

المهندس منسي: أنا المهندس منسي

العميل:  ماشي يا باش مهندس

المهندس منسي: أنا صاحب الشركة

العميل:  أهلاً وسهلاً، الله يعزك يا رب، طب أنا عمرو مع حضرتك…

المهندس منسي: أي مشكلة تعترضك كلمني، أي مشكلة إن شاء الله طالما في عالم الصناعة لازم ولابد يكون ليها حل عندي، مافيش حاجة اسمها ما نعرفش

العميل:  ربنا يعزك يا باش مهندس، إن شاء الله أكيد إحنا جايين لحضرتك بكره، إحنا كده كده كنا نازلين القاهرة أساسي، بس أنا سعيد إني كلمت حضرتك يعني هي جت بظروفها والله، يعني إمبارح كنت في الجبل الأحمر بجيب شغل، أنا عندي برده شغال في العطور جملة وقطاعي وكده بجانب الدواء، الدواء أنا موظف في الشركة يعني، فبسأل قالولي شركة المهندس منسي هي اللي هتلاقي عندها أي طلب إنت عايزه، فأنا قلت بالصدفة إن أنا أكلم حضرتك يعني إن إحنا جايين بكرة….

المهندس منسي: آه.. بالنسبة لنا قادرين عليها يعني

العميل:  إن شاء الله

المهندس منسي: أي حاجة في عالم الصناعة الحمد لله وبفضل من ربنا أي حاجة في عالم الصناعة ما تشغلش بالك خالص، نعملهالك ونسلمهالك، بص ثقة بالنفس هعملهالك هعملهالك

العميل:  إن شاء الله ربنا ييسر الحال

المهندس منسي: بس إن أنا أقولك إيه لأ، ماعنديش لأ، ماعنديش حاجة زي كده، أصل كل العملية إنت عارف إيه؟؟؟ هوه ينفع في عالم الرياضيات ينفع إنت تكون حليت مثلاً ممكن تكون حليت والمفروض تطلعت صححت لنفسك لقيت نفسك جايب 98 تطلع تاني يوم يقلولك إنت جايب 90؟

العميل:  لأ طبعاً

المهندس منسي: لازم تكون جايب 98 همه الـ 98، هي عالم الرياضة كده، مافيهاش بديل

العميل:  آه.. تمام.. تمام، ربنا ييسر الحال، طب خلاص لو كده هنيجي لحضرتك بكره وربنا ييسر الحال ولو حصل حاجة هنكلم حضرتك برده إن شاء الله

المهندس منسي: ماشي يا غالي

العميل:  ماشي يا باش مهندس ألف ألف شكر كتر خيرك، شكراً، سلام عليكم

المهندس منسي: مع السلامة