مكنة الشرينك لتغليف المنتجات من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : حضرتك أنا دخلت على الموقع كده ورقم تليفون الواتس بتاعكم موجود عليه شركة المهندس منسي
المهندس منسي : أيوه
العميل : حضرتك كنت عايز أسأل على سعر مكنة الشرينك؟
المهندس منسي : بيبدأ من 3500 جنيه
العميل : طب المعرض بتاعكم موجود فين ممكن تدينا عنوانه وأنا آجي…. ده المينيمام بتاع سعر المكنة؟
المهندس منسي : آه
العميل : هي شغالة يدوي ولا أتوماتيك ولا الموضوع إيه؟
المهندس منسي : بتحط المنتج بتاعك من الناحية دي بيطلع من الناحية التانية متشرنك جاهز
العميل : طب أنا بحطولها عدد شرينكات معين ولا هي بتقطع لوحدها
المهندس منسي : لاحق عليها بس.. لاحق عليها
العميل : آه… أنا آجي أتفرج عليها فين؟
المهندس منسي : إحنا عندنا حدائق القبة، مدينة نصر، باب الشعرية
العميل : أنا شايف باب الشعرية خلف رئاسة باب الشعرية، حدائق القبة فين؟
المهندس منسي : إنت أقربلك إيه…. هبعتلك العنوان في رسالة حالاً
العميل : طيب ماشي ابعتلي العناوين على الواتس هنا وأنا إن شاء الله ممكن أجيلكم بكره
المهندس منسي : تيجي تنورني يا باشا
العميل : ماشي يا باشا، الله يخليك متشكر جداً
المهندس منسي : مع السلامة
