مكنة تحويل البلح لدبس كود 810 ماركة مهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : باش مهندس أنا معاك طارق سوداني، مقيم ما بين السعودية والسودان ومصر، وبعت لكم في الإيميل طلب ماكينات بتاعت استخلاص دبس البلح، الحد الأدنى في التكلفة، واحتمال المشروع أعمله عندكم في مصر أو أعمله في السودان، فبعت في الإيميل، إن شاء الله إمتى يكون الرد؟

المهندس منسي : هو اللي عندنا مكنة تحويل البلح لدبس، يعني بتاخد البلح كل اللي عليها بتطحنه وبتحوله إلى الطبيعة المرهمية اللي هي زي الشيكولاته بس كده هي دي اللي عندنا، عندنا بقى مكن تعبئة الدبس، ومكن تغليف الدبس والحاجات دي، إحنا تخصصنا أساساً مكن تعبئة وتغليف، ولكن جبنا المكنة ديت اللي هي بتاخد البلح وبتطحنه جامد لدرجة إن هي بتوصله لدرجة زي المرهم كده، زي الشيكولاته السايلة

العميل : يعافيك يا باش مهندس، ولكن أنا كنت بفتش على إيه؟؟ مش اللي بتخليه زي المرهم أو الشيكولاته السايلة، أنا بفتش على الجهاز اللي يخليه عامل زي العسل الأسود بالضبط، ممكن يخليه زي العسل كده بنفس الصفاوة، ولا بيخليه زي الشيكولاته كده، زي المربى؟؟

المهندس منسي : بعد ما حضرتك بتطحنه بيبقى عامل زي المربى كده، بتقوم مدخله على حاجة اسمها ميكسر دبل جاكت تحت تأثير حراري، بتدوب فيه بالمياه، يعني بتزوده مياه لحد ما يبقى زي العسل كده

هذا والله أعلم، هذا والله أعلم، لأن أنا… يعني هو إزاي هيتحول من الكثافة العجينية إلى الكثافة زي لزوجة العسل؟؟ هي مافيش غير إنه يتزود مياه وترسب منه الألياف، ويستحسن لو حضرتك عندك فكرة عن المكن المستخدم إيه؟؟

العميل : طب يا باش مهندس، الماكينة اللي قلت عليها دي اللي إنت بتدخل البلح فيه يقوم يعجنه يخليه بالضبط عامل زي العجينة أو الشيكولاته، بتدخله بالتمل، بالبذور، بالنواة؟؟ ولا النواة تطلع كيف يعني؟؟ يعني بيطحن النواة نفسه ولا لازم في جهاز تاني يتطلع النواة في الأول؟؟

المهندس منسي : لأ هو بتحط لها البلح من غير نواة، يعني الأول لازم تفرز النواة، لأنك لو دخلته هتطحن لك البلح مع النواة

العميل : طب يا باش مهندس، الماكينة اللي بتنزع النواة سعرها كام؟ والماكينة اللي تعجن البلح تخليه عجوة سعرها عندك كام الله يكرمك؟

المهندس منسي : من فضلك تواصل مع مبيعات الشركة عبر التيفونات او الايميل

مع تحياتنا و تمنياتنا بالتوفيق

http://m2pack.com/

القاهرة مصر

مبيعات  – 01211116956 – – 01211116958

تليفون  0020225880056      فاكس   002

ايميل   info@m2pack.com

http://www.engineer-mansy.com/

http://www.m2pack.com/

العميل : جداً، شكراً