مكنة تعبئة أكياس المياه المقطرة موديل 503 ماركة مهندس منسي

العميل	:	السلام عليكم
المهندس منسي	:	عليكم السلام ورحمة الله وبركاته
العميل	:	شركة إم تو باك
المهندس منسي	:	أيوه
العميل	:	معاك د/ أنور
المهندس منسي	:	أهلاً بيك
العميل	:	معلش يا فندم كنت عايز أسأل على مكنة أكياس المياه المقطرة موجودة؟
المهندس منسي	:	موجودة بضاعة حاضرة، إنت عايزها أتوماتيك كاملة؟
العميل	:	هو في حاجة غير الأتوماتيك الكاملة؟
المهندس منسي	:	في نص أتوماتيك وفي أتوماتيك كاملة، النص أتوماتيك سعرها ب، ولكن لا ترجح، الأتوماتيك الكاملة هي الأفضل بالنسبة لحالة حضرتك لأنك بتشتغل بمياه مقطرة، فإنت عايز بقدر الإمكان إن المنتج ينزل من غير ما يلمس أي إيد
العميل	:	بالضبط فعلاً
المهندس منسي	:	يبقى الحل الأمثل لحضرتك الأتوماتيك الكاملة سعرها 4
العميل	:	آه.. تمام.. طب دي بتعمل كام لتر؟
المهندس منسي	:	كام كيس ولا كام لتر؟
العميل	:	هي الأكياس هي بتحط في الباكت، بس هي بتشيل كام لتر؟
المهندس منسي	:	قصدك القادوس بتاعها يعني؟
العميل	:	آه
المهندس منسي	:	إنت ممكن تستغنى عن القادوس بتاعها خالص وتشتغل من التنك بتاعك دايكرتد، ده أوبشن كده في المكنة، ده هيعمل سيفتي أكتر في عدم ملامسة المنتج برده، يعني كل ما زودت مراحل الأمان في عدم ملامسة المنتج، كل ما كان أفضل بالنسبة لمنتج حضرتك
العميل	:	تمام بالضبط فعلاً
المهندس منسي	:	فهي فيه الأوبشن ده، هي ليها قادوس وكل حاجة ولكن هي فيها الأوبشن ده، إنك ممكن تاخد من التنك بتاعك مباشرة
العميل	:	طيب تمام، الـ 4500 دي طريقة الدفع بتاعتها كاش
المهندس منسي	:	والله يا دكتور عملية الكاش بالنسبة لنا لازم هتبقى كاش، هو أغلب المكن الصناعي كده، لأن النهاردة ما بقاش الربحية الكافية للتبقية، العملية بقت الربحية بسيطة، وفي نفس الوقت البيع قليل جداً جداً جداً، وفي نفس الوقت بقى العميل معتمد على البضاعة الحاضرة، يعني الأول أفتكر كده ما كنش عندي مكن وكنت ببيع، وكنت بقوله هجيب لك، إنما دلوقتي بقى المكن لازم يبقى بضاعة حاضرة، فالعملية بقت خنقة، لدرجة  إن المجال نفسه بقى صعب
العميل	:	ماشي يا فندم، حضرتك العنوان بتاعكم اللي هو باب الشعرية؟
المهندس منسي	:	إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور
العميل	:	تمام..
المهندس منسي	:	هبعت رابط هتلاقي فيه العناوين كلها
العميل	:	ماشي شكراً يا باش مهندس
المهندس منسي	:	مع السلامة