مكنة تعبئة الزيت الأوتوماتيك من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : إزيك يا فندم إزي حضرتك
مهندس منسي : يا أهلاً بيك
العميل : عبد الله مع حضرتك يا فندم، إزي حضرتك عامل إيه؟
مهندس منسي : الحمد لله
العميل : ناخد من وقتك 5 دقائق ولا نكلمك بعد الفطار
مهندس منسي : خير أأمرني
العميل : ربنا يكرمك
مهندس منسي : أأمرني خير محتاج إيه؟
العميل : والله محتاجين المكنة بتاعت تعبئة الزيت دي
مهندس منسي : آه.. عايز تعبيها في أكياس ولا في عبوات؟
العميل : لا عبوات يا فندم
مهندس منسي : عايز أقصى سعة عندك كام؟
العميل : والله يا فندم الحقيقة لسه بدرس المشروع ولو كده أنا راجل بشتغل في الاستثمار الزراعي على توسع شويه، بس الحقيقة الزراعة مزعلاني فحبيت إن أنا أعمل أي حاجة استهلاكية تكون مضمونة البيع شويه، فالحقيقة أنا دخلت على النت كتير بقالي فترة ببحث ولقيت إن الأمور عندك إنت، حتى ناس كتير اتشكرتلي في الموضوع من عندك يعني، فالمكنة لو إنتوا حضرتك اديتهولنا فإحنا محتاجين نعرف من حضرتك أي معلومات عن الأمر ده لأن إحنا تقريباً…
مهندس منسي : بالنسبة للتعبئة في عبوات في نص أتوماتيك وفي أتوماتيك
العميل : طب النص أتوماتيك هتكلفنا عمالة؟
مهندس منسي : عامل واحد
العميل : النص أتوماتيك بتنتج في الساعة 3 طن
العميل : والأتوماتيك الضعف
مهندس منسي : آه الأتوماتيك الضعف الله ينور
العميل : طب السوق عامل إيه يا فندم، والله أنا معرفش قوي يعني؟
مهندس منسي : أنا بتاع مكن وخامات، معرفش السوق قوي، حكاية السوق مش تبعي، يعني أنا مش ماركتنج ولا توزيع
العميل : ما أنا فاهم طبعاً، بس طبعاً أكيد تحتك، تعتبر مورد للي عنده مصنع
مهندس منسي : آه..
العميل : ما هوه أنا بورد للمصنع واتعشت، ما بعملش حاجة أكتر من كده، بوردله والسلام عليكم
مهندس منسي : آه.. وعليكم السلام
العميل : كام المكنة يا فندم النص أتوماتيك؟
مهندس منسي : النص أتوماتيك في حاجة بـ لغاية كيلو، والنص كيلو بتعمل 750 يعني 7500 جنيه، وال يعني 10000 جنيه
العميل : تمام… المكنة الأتوماتيك عامله كام؟
مهندس منسي : عامله وفي 7000 ، في الـ 2 نزل عامله ، بتعمل 6 طن في الساعة، والـ 4 نزل بتعمل 12 طن في الساعة تعمل 7000
العميل : دي أقصى إنتاجية يا فندم، ولا في حاجات ممكن تجيبها لنا من بره مثلاً ولا…
مهندس منسي : دي أقصى إنتاجية آه…
العميل : سمعنا إن في خطوط إنتاج أو مكن بينتج أعلى شويه من كده
مهندس منسي : في آه، تقدر الأتوماتيك تخليها دبل فور نزل أتوماتيك، يعني بدل ما هي 4 نزل تبقى 8 نزل بالصينية، يعني معناها إن هي بدل ما تنتج 12 طن تنتج 24 طن، وتقدر تعدد المراحل براحتك
العميل : طب دي بيشتغل عليها كام عامل؟
مهندس منسي : عامل واحد أو 2 عمال يلاحقه عليها بس
العميل : ده مجرد إن هي بتاخد الزيت من…
مهندس منسي : هي العملية مش في كام عامل، إنت إمكانياتك في المصنع هتبقى إيه؟ ممكن أخليلك عامل واحد يقف شغل 15 مكنة
العميل : آه…
مهندس منسي : بس في الآخر مش تجيبلي مكنة تعبئة بس وتقولي هيشتغل عليها كام عامل؟ لأ ما هوه إمكانيات المصنع إيه؟ الأرضية نفسها شكلها إيه؟ السقف نفسه عامل فيه إيه؟ أنا ممكن أعملك في السقف أوناش بحيث اللي يبقى قاعد يبقى قاعد في المكيف ومشغل المكن كله، ويشغل 15 مكنة وهوه قاعد
العميل : بالضبط.. آه.. آه… تمام يا باش مهندس، أنا بس متشرفتش بحضرتك مين اللي بيراسلني دلوقتي ؟
مهندس منسي : المهندس منسي مع حضرتك الاستشاري الهندسي للشركة
العميل : أهلاً بيك يا باش مهندس، هوه أنا محتاج من حضرتك طلب صغير
مهندس منسي : أأمر
العميل : عشان أنا بس بعمل دراسة صغيرة كده للموضوع، يعني قلت ممكن تساعدنا وتدينا حد من اللي شغالين في المجال يدينا خبرة أو يفيدنا يعني
مهندس منسي : مجال إيه؟
العميل : في المجال ده نفسه
مهندس منسي : معرفش حد يعني، أنا ببيع وخلاص يعني
العميل : آه… طيب شكراً
