مكنة تعبئة الزيت من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته..معاك اتفضل
العميل: كنت عايز أستفسر عن سعر مكنة تعبئة الزيت
المهندس منسي: هوه في نص أتوماتيك وفي أتوماتيك
العميل: الأتوماتيك بكام؟
المهندس منسي: هي الطاقة الإنتاجية المطلوبة أد إيه؟ يعني محتاج أد إيه في اليوم مثلاً
العميل: يعني 2000 كرتونة مثلاً
المهندس منسي: والكرتونة فيها كام 12؟
العميل: آه
المهندس منسي: أفهم من كده يعني إنت محتاج 12000 يبقى كده إنت مش محتاج أتوماتيك، نص أتوماتيك تعملها في الساعة ألف مثلاً يبقى إنت هتشغلها 12 ساعة، ممكن تاخد 2 نص أتوماتيك، هي النص أتوماتيك بتعمل ، يعني 18000 جنيه
العميل: طيب ماشي أوكيه، طيب مكان حضرتك فين؟
المهندس منسي: إحنا عندنا حدائق القبة، مدينة نصر، باب الشعرية، 6 أكتوبر
العميل: طيب يعني آجي…
المهندس منسي: الأقرب ليك
العميل: أنا في المعادي
المهندس منسي: المعادي بالنسبة لك إيه اللي قريب؟
العميل: إنت قلتلي فين وفين؟
المهندس منسي: إحنا عندنا حدائق القبة، مدينة نصر، باب الشعرية، 6 أكتوبر
العميل: مدينة نصر
المهندس منسي: هبعتهولك في رسالة حالاً
العميل: طيب بقول لحضرتك الأتوماتيك برده بيعمل كام عايز أعرف؟
المهندس منسي: الأتوماتيك كل العملية إن بتجيب بقى سير وبنكملهالك بقى أتوماتيك ممكن تبقى على 2 نزل تتكلف مثلاً
العميل: يعني حوالي ….
المهندس منسي: ابدأ الأول نص أتوماتيك وريح دماغك، اعرف سوقك، حرك الدنيا، كل العملية إنك محتاج عامل واحد بس يقف على الشغلانة
العميل: خلاص ماشي.. ماشي.. معاك
المهندس منسي: تستينج على السوق وتمام التمام، هي النص أتوماتيك أقدر أحولها لك أتوماتيك
العميل: طيب خلاص زي الفل، في ضمان أد يا باشا بعد إذنك
المهندس منسي: ضمان لمدة سنة ضد عيوب الصناعة و10 سنين توفير قطع الغيار لحساب العميل
العميل: تمام… خلاص الله المستعان، ابعتلي عنوان مدينة نصر..هوه شركة المهندس منسي دي ماركة، براند
المهندس منسي: آه..براند عالمي مش مصري كمان، يعني النهاردة لينا سوق في هونج كونج، وفي الصين، ولينا سوق في الدنيا كلها
العميل: ربنا يوسع عليك يا رب، أنا بصراحة أنا آسف معلش أنا ماليش خبرة في المجال بتاع حضرتك فعشان كده ما أعرفش…
المهندس منسي: مجالنا مش مجال مش دعاية إعلانية، ما بيهتمش
العميل: هوه دايماً المجالات الصناعية يعرفوها بتوع المجالات الصناعية
المهندس منسي: الله ينور عليك اللي هوه المنجر بتاعهم، المنجر بتاعهم كده..آه… أهلاً بيك ومرحباً في عالم الصناعة
العميل: ماشي يا جميل
المهندس منسي: الصناعة عالم القوة
العميل: آه طبعاً
المهندس منسي: ده عالم القوة، هاتلي دولة في العالم قوية إلا وقامت على الصناعة
العميل: أكيد طبعاً، بس يا باش مهندس أنا ليا عندك طلب بعد إذنك
المهندس منسي: اتفضل
العميل: أنا عايز أعمل مصنع حلاوة بس مش عارف الماكينات بتاعته تتجاب منين؟
المهندس منسي: حلاوة إيه؟
العميل: حلاوة طحينية
المهندس منسي: مافيش مشكلة نقعد مع بعض ونعملك دراسة ليه؟
العميل: يعني تخصص حضرتك كده برده؟
المهندس منسي: أنا مجالي كل الهندسة الصناعية المعدات الصناعية بجميع أنواعها، بس زي ما تقول في التعبئة والتغليف ضربنا رقم قياسي وبقى براند عالمي
العميل: طب ما شاء الله الله أكبر
المهندس منسي: يعني إحنا مشهورين بره مصر أكتر من جوه مصر، لأن هوه بره مصر يفهموا التقدم دا …
المهندس منسي: بص يا باش مهندس أضيف حضرتك إحنا هنا عندنا في مصر كم الفئة اللي بتهتم بالصناعة، إحنا عندنا عايزين ناكل على الجاهز وخلاص، أما الحاجة دي بنجيبها إزاي أو بنكلف نفسنا أد إيه، نعملها بأد إيه عشان خاطر تقف علينا بالمنظر ده ماحدش فاهم حاجة
مرينا بظروف بعصر كبير بيهتم بالسياحة وبس
العميل: آه.. آه…
المهندس منسي: فالجيل اللي طلع في العصر ده جيل كله بيهتم بالسياحة، إزاي يمسح الترابيزة وبعد ما يمسح الترابيزة ياخد منك الفلوس، إزاي ينفض هدومك وبعد ما ينفض هدومك ياخد فلوس، إزاي يبعلك مش عارف إيه
العميل: آه القرش السهل، أيوه…
المهندس منسي: للأسف الاقتصاد السياحي ده اقتصاد وهمي، مش اقتصاد… إنما تلاقي عالم الصناعة قايم على رواسخ ثابتة وقوية
قايم على القوة العاملة، يحقق قوة عاملة، يحقق ربحية، يحقق فلوس، يحقق شغل، يحقق نجاح، يحقق نمو، يحقق تطور… كل حاجة، يحقق بعد ده كله قوة وفي الآخر تطور وفي الآخر بعد ده المهندس منسي: كله تلاقي نفسك قوي
العميل: إن شاء الله
المهندس منسي: إن شاء الله ربنا ييسر الحال
العميل: يا رب..ماشي يا باش مهندس، مستني الرسالة من حضرتك، مع السلامة
