مكنة تعبئة الكلور النص اوتوماتيك من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : عايزه المهندس هيثم لو سمحت
مهندس منسي : أيوه اتفضلي المهندس منسي معاكي
العميل : طيب يا فندم أنا كلمت المهندس هيثم هنا علي النت وطلبت منه مكنة تعبئة وقالي ساعتين هرد عليكي وما ردش ، وببعت في رسايل وما حدش بيرد عليا أروحله…
مهندس منسي : هوه حضرتك مكنة تعبئة إيه؟
العميل : كلور
مهندس منسي : هتعبي في أزايز ولا في أكياس
العميل : عايزاها عبوة يعني تعبي 500 لتر في الساعة
مهندس منسي : آه…
مهندس منسي : في أزايز ولا في عبوات أكياس
العميل : في أزايز آه
مهندس منسي : يبقى إنت يلزمك نص أتوماتيك
العميل : ما هوه أنا لا شفت نص ولا شفت ربع أتوماتيك حتى
مهندس منسي : آه… في نص أتوماتيك بس حضرتك عايزه تشوفيها إزاي، حضرتك تشرفينا بالزيارة
العميل : أنا مش عايزه أشوفها حضرتك ابعتلي عرض وعلى أساسه أنا هاخد قرار بيه، لإني أنا في الآخر هوه ده مش لينا، هوه ده لأحد عملائنا طالبينه
مهندس منسي : ابعتي طلب استفسار على الإيميل هيرد عليك فريق المراسلات في خلال 48 ساعة
العميل : طيب الإيميل بتاع حضرتكم إيه؟
مهندس منسي : هكتبهولك علي الشات حالاً
العميل : طب شكراً جزيلاً ألف شكر
