مكنة تعبئة زيت ،صابون وعصائر من شركة المهندس منسى

العميل: السلام عليكم

المهندس منسى: عليكم السلام ورحمة الله وبركاته

العميل: صباح الخير

المهندس منسى: أيوه يا فندم اتفضل

العميل: كنت عايز أسأل حضرتك عن مكنة تعبئة الزيت في حاجة آلي عندك؟

المهندس منسى: آه عندنا آه عايز آلي كامل؟

العميل: آه عامله كام؟

المهندس منسى: عامله كام إيه؟ إنت هتعوزها 2 نزل ولا واحد نزل ولا كام نزل؟

العميل: لا واحد ولا 2 حاجة صغيرة كده

المهندس منسى: آه لازم آلي، لأنه في نص آلي سعرها أرخص

العميل: عايز أعرف دي بكام ودي بكام؟ والمساحة والكهربا والكلام ده

المهندس منسى: آه هي النص آلي بتعمل ،إحنا بناخد بالمصري، بنسمي بال وبناخد بالمصري

العميل: بالمصري عامله كام؟

المهندس منسى: إنت بقى امسك ورقة وقلم واضرب 250 × سعر النهاردة شوف السعر هيطلع كام

العميل: آه، دي كام ليفل

المهندس منسى: كام إيه؟

العميل: كام فتحة

المهندس منسى: ده فتحة واحدة بس،في بقى 2 فتحة، وفي 4 فتحة.. وكده يعني

العميل: أقل حاجة في الواحد فتحة بـ ، بعد كده

المهندس منسى: بعد كده إيه؟؟؟ هوه إنت محتاج طاقة إنتاجية أد إيه؟

العميل: حاجة كبداية يعني

المهندس منسى: ما هو البداية ديت لذيذة قوي بالنسبة لك تبدي بيها وشوف سوقك وجرب حظك بيها

العميل: بتعبي عصائر وصابون سائل برده؟

المهندس منسى: آه بتعبي عصائر وصابون سائل، وبتقول بابا وماما

العميل: ربنا يخليك،والآلي إيه نظامها؟

المهندس منسى: تبدأ من 7000 ، في حاجة بـ 6000 وفي حاجة بـ 7000

العميل: اللي بـ 6000 إيه نظامها، مواصفاتها

المهندس منسى: لأ مواصفاتها مش هعرف أوصفها لك في التليفون، إنت كل العملية إنت خش على الموقع بتاعنا هتلاقي المكن موجود بكل مواصفاته

العميل: موجود مش واضح عندي على التليفون

المهندس منسى: آه خش من على الكمبيوتر أحسن، التليفون ده بتاع ألو شلة… كده يعني، اللي هوه الواتس، إنما تخش مجال الأعمال من على التليفون ده صعب قوي، يبقى الواحد بيهزر يعني

العميل: لا مش كده أصل أنا في القرية فمفيش المميزات اللي عندك في القاهرة يعني النت والكلام ده مافيش الكلام ده

المهندس منسى: إنت من التليفون النهاردة ممكن تاخد من الهوت سبوت في التليفون نت توصله على الكمبيوتر

العميل: آه… آه ممكن، الفكرة إن هنا الكهربا بتقطع على طول باستمرار

المهندس منسى: في حاجة  اسمها يو بي إس ركبها للكمبيوتر هتحافظ لك على الكهربا بتاعتك،يبقى كأنك معاك لاب توب

العميل: لو الكهربا قطعت يشتغل الكمبيوتر يعني؟

المهندس منسى: آه، وبعدين اللاب توب النهاردة بكام، ده النهاردة ببلاش، أسعاره أقل من أسعار التليفون العادي

العميل: طيب هوه المكنة دي تاخد أد إيه كهربا؟ وعايزه أد إيه مساحة؟

المهندس منسى: كل الشغل بتاعنا كهربا البيت العادية

العميل: عادية، حتى الآلي كهربا عادي

المهندس منسى: كله آه

العميل: والمساحة أد إيه دي؟

المهندس منسى: مساحة الصغيرة دي بتتحط على مكتب

العميل: لأ بتكلم على الآلي اللي فيها سير

المهندس منسى: الآلي أد مكتب كده

العميل: بس يعني

المهندس منسى: آه،ماعدا السير طبعاً، السير إنت بقى اللي بتحدده، يعني بتقول عايز السير مثلاً 175 سم، عايز سير 3 متر، عايز سير 14 متر

العميل: يعني دي سعرها من غير السير؟

المهندس منسى: لأ دي سعرها بالسير بتاعها اللي هوه 175

العميل: طيب

المهندس منسى: إنت ممكن تقول لأ عايز سير 3 متر، عايز سير 14 متر،طالما هوه جاي مع المكنة يبقى مناسب ليها يعني

العميل: آه… خلاص أوكيه أنا هحاول أنزل القاهرة وآجي أتفرج على المواضيع دي كلها

المهندس منسى: ماشي يا غالي

العميل: ماشي متشكر يا باش مهندس