مكنة تعبئة سكر من شركة المهندس منسى

العميل : السلام عليكم

المهندس منسى : عليكم السلام ورحمة الله وبركاته

العميل : شركة المهندس منسي

المهندس منسى : أيوه

العميل : كنت بسأل بس على حاجة شفت عروضك على النت وكده، في عند حضرتك مكنة تعبئة سكر؟

المهندس منسى : آه عندنا آه

العميل : طب هي مميزاتها إيه طيب؟ بتعبي أي حاجة… رز، غلة، مثلاً ملح، ولا هي سكر بس؟

المهندس منسى : لا بتعبي رز، وغلة، ومكرونة، وفول، وسوداني، ومسحوق غسيل….

العميل : يعني هي كاملة متكاملة على بعضها كده بسير، ولا هي مثلاً نص آلي ولا آلي كامل؟

المهندس منسى : عندنا الـ 2، عندنا كل المكن بتاع التعبئة والتغليف اللي يخطر على بالك، النص أتوماتيك، والأتوماتيك، والأتوماتيك اللي معاها سير، والأتوماتيك اللي من غير سير، وعندنا كمان المناول… عندنا كل اللي يخطر على بالك، أفضل حاجة إنك تيجي تتفرج عليها على الطبيعة، إحنا عندنا أكتر من 5-6 معارض تقدر تيجي تتفرج على كل حاجة على الطبيعة

العميل : طب حضرتك موجود فين؟

المهندس منسى : إحنا عندنا حدائق القبة، مدينة نصر، باب الشعرية، 6 أكتوبر

العميل : طب أسعارها إيه حضرتك طيب برده؟

المهندس منسى : ما هو أنا عايزك تيجي عشان خاطر تشوف الأسعار بنفسك وتقارن وكده يعني، إنما إنت قاعد كده تتصل فإنت كده عرضة للي يتكلم أحسن، مش عرضة لإنك تتفرج على المكن الأفضل يعني

العميل : مش القصد والله، أنا فاهم، بس أنا كفكرة مشروع بس مش أكتر…

المهندس منسى : آه عايز تشوف حساباتك يعني

العميل : آه

المهندس منسى : هي النص أتوماتيك بتعمل ، والأتوماتيك بتعمل

العميل : يا باشا بالمصري بعد إذنك…

المهندس منسى : اضربها إنت… بتقول هعمل مشروع، هوه في حد هيعمل مشروع مش عارف يضرب ال × الجنيه، طب لما إنت هتعمل مشروع بالذمة داخل هتعمل مشروع مش عارف…. طب إزاي بقى هتشتغل في المشروع، معلش يا ابن عمي

العميل : يا باشا ال النهاردة بـ 20 جنيه طب أنا هعرف…

المهندس منسى : ضرب على 18

العميل : يعني 18000 جنيه طيب المكنة

المهندس منسى : آه… يعني لو في السوق بـ 20 إحنا عندنا بـ 18، إحنا ماشيين مع سعر ال بتاع البنك

العميل : 18 ديت بقى اللي هي النوع أنهو؟

المهندس منسى : النص أتوماتيك

العميل : طيب والأتوماتيك الكامل؟

المهندس منسى : بـ

العميل : يعني تقريباً تخشلها في 70 وإنت طالع

المهندس منسى : آه في الحدود دي آه

العميل : طب إنت رأيك الواحد يبدأ الأول بنص أتوماتيك…

المهندس منسى : هوه أنا بفضل إنك تشتغل بنص أتوماتيك الأول وتشوف الدنيا فيها إيه، وبعد كده تقدر تخلي النص أتوماتيك أتوماتيك وتتوكل على الله

العميل : يعني ممكن تتعدل مافيش فيها حاجات

المهندس منسى : إن شاء الله

العميل : طب حضرتك تعرف مصانع سكر ممكن الواحد يجيب منها، أصل أنا مش عارف أعتر في مصانع سكر

المهندس منسى : أنا عرفت المجال بتاعي بالعافية، يعني عرفت الهندسة الصناعية وربنا يعني عليها

العميل : يا باشا ربنا يوفقك

المهندس منسى : ربنا يبارك لك

العميل : خلاص يعني النص أتوماتيك عامله 18000، يعني قول مثلاً 20، ماشي يا باش مهندس

المهندس منسى : هوه إنت عايز تغلي على نفسك، أنا بقولك 18، إنت عايزها بـ 20…. لو عايزها بـ 30 ماشي أهوه كله خير

العميل : يا باشا 18 ليك 20 عليا، ما هو في تكلفة جايه، في مواصلات جايه…

المهندس منسى : آه… فهمت آه

العميل : طب في ارتفاعات معينة ولا ممكن ارتفاع 3 متر تشتغل فيه، ولا لازم السجل التجاري الارتفاع العالي اللي هوه 4 متر

المهندس منسى : أنا مش عارف شروط السجل التجاري إيه؟ ولكن هوه إحنا بالنسبة لنا ما عندناش مشكلة في أي حاجة

العميل : ماشي، بطلع كام كيس في الدقيقة يا باشا؟

المهندس منسى : في حدود 800 في الساعة

العميل : ماشي

المهندس منسى : دي النص أتوماتيك، أما الأتوماتيك بتطلع في حدود 3.5 ـ 4 طن

العميل : آه… 800 كيلو في الساعة حلو

المهندس منسى : آه النص أتوماتيك تطلع في حدود 800 آه، والأتوماتيك بتطلع في حدود 4 طن

العميل : مش هي برده بتلحم في نفس الوقت برده

المهندس منسى : لا بيبقى في جنبها سير كده السير ده بيلحم لوحده، يعني كل اللي عليك إنك بتحط الكيس، الكيس بيعبي، بعد ما يعبي تروح راميه على المكنة بيتلحم ويترمي لوحده

العميل : آه…. أصل أنا مش لاقيت فيديوهات على النت كان الواحد شافها، أنا شفت مكن تاني كده بس مش تبع شركة حضرتك

المهندس منسى : آه ما هو الشركات كتير قوي، بس هوه الميزة فينا إن إحنا ماركة عالمية

العميل : يا باشا أنا دخلت اسمك هوه اللي شدني والله والمعلومات اللي محطوطة برده

المهندس منسى : لا إحنا حاطين المعلومات كتير وبأمانة، مش معلومات تجارية لا، إحنا عاملين معلومات صناعية، عشان إحنا مهندسين مصنعين، يعني إحنا ما بنروحش نشتري مكن وتاننا جايين نبيعوا عشان نسترزق فيه، لأ، إحنا بنصنعه، بنصنع قطع الغيار بره مصر وبعد كده بنجمعها جوه مصر

العميل : آه.. آه… طب 220 فولت ولا…

المهندس منسى : كل المكن بتاعنا بنعمله 220 آه

العميل : ماشي يا باشا

المهندس منسى : إلا لو العميل طلب غير كده خلاص

العميل : ماشي يا باشا ربنا يوسع عليك، إن شاء الله أعتر بس في مصنع السكر عشان أحسب تكلفتها عليا وكده وبعد كده أبقى نتكلم إحنا بقى في الحاجات دي، يعني مثلاً أشوف مكانكم فين بالضبط وآجي لحضرتك

المهندس منسى : إن شاء الله

العميل : ماشي يا باشا، شكراً

المهندس منسى : مع السلامة