مكنة تعبئة وتغليف الجيل في أكياس من شركة المهندس منسي

العميل: سلام عليكم

المهندس منسي: وعليكم السلام

العميل:شركة المهندس منسي

المهندس منسي: أيوه

العميل: بعد إذنك بسأل على سعر مكنة تغليف الجيل

المهندس منسي: عايز إيه؟

العميل: المكنة بتاعت تغليف أكياس الجيل وتعبئتها

المهندس منسي: آه… هتعبي في أكياس ولا في عبوات؟

العميل: أكياس

المهندس منسي: آه.. في مكنة عندنا نص أتوماتيك وفي أتوماتيك، الأتوماتيك عامله ، إنت عايزها أتوماتيك كاملة؟

العميل: الأتوماتيك دي اللي هي بتغلف وتكيس صح؟

المهندس منسي: كل حاجة، تحطلها المادة وتحطلها الورق وتحطلها كل حاجة وهي لوحدها بتعمل كل حاجة، تفصل الكيس وبعد كده تعبي، وبعد كده تلحمه وتنزلهولك، لو إنت عايزه في سلسلة جايز، لو إنت عايزه واحد واحد جايز، يعني إيه؟؟ يعني تنزله سلسلة إزاي، تنزله أكياس شريط كده مع بعض براحتك، لو عايزه شريط كده سلسلة مع بعضه براحتك، لو إنت عايزه كل كيس لوحده مافيهاش مشكلة خالص، هي فيها الإمكانية دي والإمكانية دي

العميل: وسعرها كام؟

المهندس منسي:  4500 وبنقبل بالجنيه المصري، يعني لو جبتلي الفلوس بالمصري مش هقولك لأ، ولكن لو جيبتلي بال هعملك خصم

العميل: يتعمل خصم أد إيه؟

المهندس منسي: 5% أيهما أصلحلك، لو إنت جبتلي بال هعملك خصم 5%، لو جبتلي بالمصري مش هعملك خصم، ما هو أنا هاخد الفلوس وأروح أشتري أقف في الطوابير وأشتريها تاني ويطلع عيني تاني

العميل: تمام… طب بعد إذنك مكنة اللحام الأكياس اللي هي بتاعت البدرة الأكياس التقيلة اللي هي لحام الاكياس

المهندس منسي:  لحام أكياس إيه بالضبط؟

العميل: أكياس اللي هي بتاعت بودرة اللي بنحط فيها بودرة أكياس البطري

المهندس منسي:  آه بص يا سيدي، إحنا عدلنا مكن اللحام وعملنا حاجة اسمها سير لحام، دي بتعمل إيه؟؟ بتحط الكيس متعبي على السير أو الكيس فاضي على السير، هوه يعمل إيه بقى؟؟ ياخد الكيس ويلحمه ويوديهولك في اتجاه تاني، يبقى إنت النهاردة سرعت عملية اللحام، إن الأول كنت بتحط الكيس وبعد كده تلحمه، وبعدين تستنى لما يتلحم وبعد كده تشيله، آه العملية ما كانتش تستغرق ثواني، بس أهي عطلة

العميل: أيوه صح

المهندس منسي:  دلوقتي إيه اللي بيحصل، إنك بتحط الأكياس على طول ورا بعضها ورا بعضها على السير هوه لوحده يلحم ويرمي، يلحم ويرمي، يلحم ويرمي… بس إنت لاحق عليه

العميل:آه ده عامل كام؟

العميل: تمام… بعد إذنك مكنة تعبئة أقراص….

المهندس منسي: هوه إنت عايز إيه ولا إيه ولا إيه؟؟؟ إنت لغاية دلوقتي قلت 3 مكنات وما نفذتش ولا واحدة، لما أحس بقى إنك هتنفذ حاجة إبقى إديني خبر

العميل:  خلاص ماشي، شاكرين

المهندس منسي:  مع السلامة