مكنة تعبئة وتغليف اللوليتا من شركة المهندس منسي

العميل : سلام عليكم

مهندس منسي : عليكم السلام ورحمة الله وبركاته

العميل : إزيك يا باش مهندس منسي

مهندس منسي : أهلاً بيك

العميل : كيف أخبارك الحمد لله تمام؟

مهندس منسي : الحمد لله

العميل : معاك عبد الباقي

مهندس منسي : أهلاً وسهلاً

العميل : الله يخليك اللي أنا فاكره أول مرة جيت لحضرتك هناك في المحل قالي جيب عينة وقالي الموجودة مكنة اللحام الثلاثي، قلتله لأ إحنا عايزين استاندر دلوقتي، قالينا استاندر تعملها 35000 آخرها، هو الأول قال 38000 ورجع قال بـ 35000، تمام

مهندس منسي : آه…

العميل : قلناله بالنسبة للحام الثلاثي قال لأ الثلاثي بـ 28000، خدنا المكنة اللحام الستاندر وشغالين بيها، وشغالة دلوقتي موجودة معايا

مهندس منسي : آه

العميل : فلما تواصلت مع منذر قلتله أنا عايز مكنة اللحام الثلاثي، قالي آه موجودة، قلتله سعرها كام، قالي دلوقتي عامله 49000، المهم في الآخر قالي 45000، لما جيت دلوقتي، إمبارح لما اتكلمنا اتكلمنا على أساس إن أنا عايز مكنة اللحام الثلاثي اللي هي سعرها أقل من السلندر، قالي السلندر هيطلع غالية ومش موجودة لأن إحنا كنا عايزينها…

مهندس منسي : لا موجودة

العميل : ما أنا دلوقتي لما ببص في التليفون إمبارح أنا صورت المكنة لأني كنت مستعجل شوية كده قولتله عشان آجي أخودها النهاردة، فبالليل ببص فيها لقيتها المكنة اللي عندي، فبسأله يا باش مهندس منذر دي نفس المكنة اللي عندي، صح، قالي آه، قلتله يعني أنا هاخد مكنتين من نفس النوع هعمل بيهم إيه، هي بالعقل كده أنا قلتلك عايز اللحام الثلاثي، أنا هعمل بيها شغل، هحتاج الرباعي هاجي أخودها

مهندس منسي : آه….

العميل : قالي مش عارف أنا المكنة فكتها وعمل وبتاع، قلتلته طب وبعدين يعني أنا آخد مكنتين أعمل بيهم إيه مكنتين في مكنة واحدة

مهندس منسي : آه… هوه ممكن يكون فهم حضرتك غلط

العميل : أنا بتكلم على اللحام الثلاثي العادي اللي هوه مش اللحام اللي بيبقى في النص كده وواحد فوق وواحد تحت، لأ أنا عايز اللحام كلهم على الأجناب

مهندس منسي : آه الرباط…

العميل : زي اللحام الثلاثي وأنا شرحتله وفهمته

مهندس منسي : قصدك الرباعي

العميل : لأ الثلاثي مش الرباعي

مهندس منسي : يعني اللحام من كل الجناب يعني أربع لحامات

العميل : لأ 3 في جنب ما بيتلحمش، في جنب بيتطبق نصين، نص بيتلحم هناك والجناب على 2

مهندس منسي : طب معاك صورة لشكل اللحام؟

العميل : أيوه.. أيوه معايا صورة لشكل اللحام، وبعتهوله ورحت كذا مرة عندهم المعرض، وأنا بصراحة يعني أنا حاسس إنه زعلان إن أنا رحتلك مش عارف الزعل في إيه؟؟؟!!!!

مهندس منسي : لأ مش زعلان ولا حاجة، ما أعتقدش هوه هيزعل ليه….

العميل : يعني أنا إمبارح بيقولي إنت عملت حركة وحشة لما تروح للمنسي ومش عارف، قلتله هوه أنا روحت قلتله إيه؟؟ أنا رحت قلتله حاجة؟؟؟ أنا رحت اتكلمت معاه لأنه صاحب الشغل، لأنك إنت قلتلي أنا مقدرش أعمل معاك حاجة، فأنا اضطريت أروح للمهندس المنسي أتكلم معاه

مهندس منسي : لا.. لا.. لا ما فيهاش حاجة ما أعتقدش يزعل، هوه ممكن يقولك رحت ليه على أساس إيه؟؟ على أساس إن هوه لما كل الناس هيجولي أمال إحنا فايدتنا إيه؟؟ فهمتني إزاي

العميل : أقولك على حاجة يا باش مهندس، أنا والله يعني، أنا اتعاملت معاكم والحمد لله وفعلاً المكنة الصغيرة دي واخد منها 4 أو 5 مكنات المكنة الصغير واخد منه.. التغليف واخد 2، وواخد فرن، وواخد شرينك، وواخد تاني فرن، وواخد شرينك تاني، واخد حاجات.. حتى لما كنت باخد السير بتاع المكنة الصغيرة باخده منهم همه بحوالي 40 ولا 30 جنيه، أروح بره ألاقيه بـ 5 جنيه، قلت مش مشكلة، آخد منهم 20 ـ 25 واحد قلت مش مشكلة، ما جتش على 5 جنيه ولا 10 جنيه في حاجات زي كده، فالمفروض لما آجي مثلاً محتاج حاجة يتعامل معايا يتعامل معايا بطريقة لا.. لا أنا عادي يعني زي أي زبون بيتعاملوا معاه يتعاملوا معايا ، أنا ولفت على محل والله العظيم خلاص معرفش أخرج منه غير لما حد يقولي يا الله خلاص مع السلامة……

مهندس منسي : ولفت على أحسن ناس…

العميل : أيوه بالضبط الله ينور عليك، وأنا والله حبيته، أنا ممكن يكون الناس كلهم محترمة وكوسين والله، يعني أنا بصراحة منذر ما شفتش منه حاجة وحشة، يحيى محترم جداً، هيثم محترم جداً، الناس كلهم كويسين

مهندس منسي : هوه كده الإدارة نفسها، لو الإدارة نفسها لما تقولهم عاملوا ضميركم يبقى الناس اللي بيعاملوا ضميرهم همه اللي بيقعدوا…

العميل : الله ينور عليك

مهندس منسي : لو الإدارة بتقولهم ما تعاملوش ضميركم يبقى اللي ما بيعاملوش ضميرهم همه اللي بيقعدوا، وأنا الحمد لله دائماً وأبداً بقولهم لو إنت كلفت الزبون في جنيه هيبقى حلال ليا وحرام عليك إنت، إنت تتقزي بيه وأنا بتمتع بيه بالحلال

العميل : صح.. صح..

مهندس منسي : فأنا مش هبقى مبسوط إن أنا آخد جنيه مش من حقي، أنا عايز حقي وبس، ودايماً كده العميل انصحه بما يرضي الله

العميل : صح.. صح.. بالضبط، أنا والله حاسس فيهم موضوع الفلوس، يعني أنا آخر مرة جيت أتكلم معاه قالي إنت عملت فيا حركة وحشة إنك رحت للمنسي، قلتله أنا والله رحت عشان أقوله بس….

مهندس منسي : هي فيها ايه لأنه إيه لما يكون كل حاجة ترجع للباش مهندس مثلاً يبقى إحنا فايدتنا إيه؟؟ فهمتني إزاي

العميل : أيوه… أيوه…

مهندس منسي : طب ما هو الباش مهندس هوه اللي يبيع والباش مهندس هوه اللي يسلم بقى

العميل : أيوه.. أيوه.. أنا معاك، في حالات يعني… في واحد… على حسب بقى في واحد مش فارق معاه خلاص خلص الموضوع خلص يعني، إنما أنا زبون وإن شاء الله بإذن الله لسه في حاجات كتيرة هاجي آخدها، وحتى لو جيبت لو احتجت مثلاً مكن تاني بدل مثلاً ما أدفع جمرك هنا ولا إنت تدفع جمرك برده أنا هخليك تشحنهولي على هناك

مهندس منسي : مافيش مشكلة تحت أمرك

العميل : تسلم.. تسلم كتير يا ريس

مهندس منسي : اسم الكريم إيه؟

العميل : عبد الباقي

مهندس منسي : بص يا عبد الباقي، هي مكنة اللوليتا أساساً سعرها كان قليل، يعني كانت بـ 28000 يوم ما ال كان بـ 7، يعني إيه؟؟؟ يعني مثلاً لما نيجي نقول نقول إن سعرها ، عشان كده نازل سعرها، فشوف المكنة اللي عايز تقول هاخد مكنة تانية، عادي ممكن يعدلهالك ويديلك مكنة تانية ولكن التانية هتبقى بسعر أعلى شويه

العميل : أنا بص يا باش مهندس، أنا نفس المكنة من قبل ما هوه يقولي على جنيه وأنا عملت حسابي عليها وأنا رحت عملت الطباعة بتاعتي على أساس إن أنا هعمل لحام ثلاثي، وممكن أكون بعتله صورة وقلتله ده اللحام اللي أنا عايزه، فيجي دلوقتي بعد ما أنا خلصت ودفعت الفلوس ويقولي لأ أنا هديلك مكنة تانية، لأ أنا كده بصراحة يعني أزعل….

مهندس منسي : وحد الله، عملية دفع الفلوس ديت انساها خالص، إنت حاطط الفلوس عندنا كما لو كنت حاططها في بنك

العميل : أنا فاهم والله، أنا فاهم والله، مش موضوع الفلوس

مهندس منسي : إحنا بنتكلم دلوقتي في نقطة تواصل بحيث إنك تبقى مرضي وإحنا كمان ما نتقزيش

العميل : الله ينور عليك، يا الله أنا هوصلك ، أنا دلوقتي بعتلك على الواتس قلتلك أنا عايز مكنة لحام ثلاثي تمام، وقلتلك شكل اللحام اللي أنا عايزه وقلتلي على السعر وجيت دفعت الفلوس وأنا جاي آخد الحاجة تقولي لأ أصل اللي إنت عايزه دي سعرها أعلى، يعني أي بني آدم أي حد تاني….

مهندس منسي : ابعتلي المراسلة بتاعت الواتس وأنا تحت أمرك ما تقلقش خالص

العميل : تليفونك ده عليه واتس؟

مهندس منسي : آه..

العميل : تمام أنا هصورها دلوقتي وأبعتها

مهندس منسي : ماشي يا حبيبي

العميل : خلاص ماشي يا باش مهندس الله يخليك

مهندس منسي : مع السلامة

العميل : الله يسلمك