مكنة تغليف السوائل من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: إزيك يا باش مهندس عامل إيه
المهندس منسي: الحمد لله
العميل: كنت جيبت نمرة حضرتك من على النت وكده، كنت عايز أستفسر عن مكنة تغليف السوائل ممكن؟
اتفضل
العميل: الله يخليك، لو عايز مكنة تغليف سوائل اللي هي من أول 40 و50 جرام لغاية كيلو دي بكام يا هندسة؟
المهندس منسي: بتعمل يعني 16000 جنيه
العميل: ده بتخرج أد إيه منتج في اليوم؟
المهندس منسي: في الساعة ألف عبوة، ألف ـ 1200
العميل: آه… ده صناعة إيه دي يا باش مهندس، صيني؟
المهندس منسي: دي ماركة، براند
العميل: دي سوائل صح كده؟
المهندس منسي: آه سوائل آه
العميل: آه.. طب فيها حاجة لو حبينا نعمل حاجة الكيس أبو كعب زي بريل وفيري والكلام دا
المهندس منسي: آه.. دي مكنة تانية أتوماتيك كاملة بس بنعملها كيس من الجنب من هنا ومن هنا يقوم مديلك كعب
العميل: آه… دي بكام دي يا هندسة
المهندس منسي: في نوعين، نوع فيرتيكال، ونوع هورجنتال، يعني رأسي وأفقي
العميل: آه… طيب دي بكام ودي بكام؟
المهندس منسي: الرأسي بتبدأ من 30000 ، والأفقي 12
العميل: آه… طب لو حبينا نشوف أم 16 ديت طب في حاجة ممكن أتعاون معاك فيها، لو إنت بتحتاج أي كونترول ليهم كلوح كهربية أو كده لأن أنا كنت كلمت حضرتك من فترة
المهندس منسي: آه…
العميل: فإنت ترشح إيه، أنا ممكن أجيب لحضرتك كنترولات ولوح كهربائية من الإمارات برخص التراب وإنت تجمعلنا المكنة
المهندس منسي: مافيش مشكلة
العميل: طب عايزين نيجي لسعادتك نتفرج عند حضرتك كده في عند حضرتك مكن طيب نشوفه ولا نيجي لحضرتك فين؟
المهندس منسي: آه موجود إن شاء الله
العميل: ماشي عند القسم القديم بتاع باب الشعرية
المهندس منسي: أيوه
العميل: ماشي يا باش مهندس، معلش الباش مهندس أحمد المنسي؟
المهندس منسي: لأ المهندس منسي
العميل: ماشي يا هندسة، وأنا أ/ محمد بتاع البلاستيك حدائق القبة
المهندس منسي: أهلاً بيك
العميل: هجيلك بإذن الله أحدد مع حضرتك ميعاد وأجيلك إن شاء الله أنا وواحد صديق ليا برده
المهندس منسي: إن شاء الله
العميل: ماشي شكراً يا هندسة، السلام عليكم
