مكنة تغليف الكارتون من شركة المهندس منسي
العميل : السلام عليكم
مهندس منسي : عليكم السلام ورحمة الله وبركاته
العميل : شركة المهندس منسي
مهندس منسي : أيوه
العميل : كنت عايز أستفسر عن مكنة تغليف الكرتون
مهندس منسي : آه
العميل : الـ إم تو باك دي
مهندس منسي : حضرتك عايز تغلف الكرتونة بتاعت إيه؟
العميل : أنا هستخدمها في كتب خارجية، هي ليها مقاسات يا فندم؟
مهندس منسي : آه مقاسات متعددة آه
العميل : على حسب حجم الكرتونة صح؟
مهندس منسي : مضبوط آه
العميل : يعني أنا المفروض أحدد حجم الكرتونة اللي أنا عاوزها عشان أعرف المكنة اللي هتناسبني
مهندس منسي : اللي هتناسبك إيه آه
العميل : طيب هي متوسط أسعارها من كام لكام؟
مهندس منسي : بتبدأ من
العميل : طيب لو حبيت أتفرج آجي المعرض اللي في باب الشعرية..
مهندس منسي : آه دي بضاعة حاضرة آه
العميل : طب وافرض أنا غلبان ومعيش وهدفع بالمصري ممكن؟
مهندس منسي : لا ما تقلقش إحنا بس بنقولك بال عشان الجنيه عمال ينزل بس، إنما إحنا…
العميل : مش محدد سعر
مهندس منسي : آه.. بس، إحنا ما نقدرش ما ناخدش منك بالمصري
العميل : أنا فاهم يا عم الحاج أنا بهزر
مهندس منسي : مافيش واحد في مصر ما يقدرش ما يخدش منك بالمصري
العميل : أنا فاهم…
مهندس منسي : عملة جمهورية مصر العربية…
العميل : مقصود الكلام إنت بتحسب سعر ال على يومه
مهندس منسي : أيوه.. بسمي لك بال ما هو أنا شايف الجنيه المصري عمال.. يعني النهاردة لو قلتلك مثلاً 5000، بكرة هقولك إلحق بقت 5100، بقت 5600…. طب وليه الدوشه بقى
العميل : لا سعر ال ساعة ما إنت بتشتري
مهندس منسي : وبعدين إنت بتيجي بتبقى جاي على السعر اللي أنا قلتهولك، فبزعل قوي لما واحد يجي على السعر اللي أنا ادتهوله وأقوله ده السعر غلي، دي بزعلني أنا…
العميل : بتبقى مافيهاش مصداقية
مهندس منسي : لا والعميل كمان ببص ألاقيه زعل مني أنا
العميل : ممعوش إلا الـ 5000 ما هو كل واحد دماغه على أقدها يا عم الحاج
مهندس منسي : ألاقيه زعلان مني أنا، طب إنت زعلان مني أنا ليه، هوه أنا حاكم مصر
العميل : لأ إزعل من العملة بتاعتك
مهندس منسي : آه.. آه…
العميل : يعني فيه 400 في 500 في 600 كده يعني
مهندس منسي : إن شاء الله في آه
العميل : طب لو حاجة متوسطة كام ؟
مهندس منسي : هي مش عايزين نسبق الأحداث، هات الكرتونة بتاعت حضرتك ممكن تكون المكنة أم 400 هي اللي هتناسبك وخلاص
العميل : إن شاء الله تناسبني، ما أقصدش، افرض إن أنا عايز مكنة متوسطة تنفع لأي حاجة، الفرق 100 ولا 200 ولا 150، أعمل دراسة جدوى للمشروع بتاعي، يبقى بدل ما أخليهم 5 يبقوا 7، فاهمني
مهندس منسي : آه.. آه…
العميل : يعني قولي إنت في 400، في 500، في 600 أنا كده كده…
مهندس منسي : ما هوه مافيش غير 400 ـ 500 ـ 600 مافيش أكتر من كده
العميل : طيب آلية ولا نص آلي؟
مهندس منسي : هي حضرتك تعتبر آلي، لأن حضرتك بتحطلها الحاجة وهي بتغلفها لك وتخلصها لك يعني
العميل : بتبقى عامله زي الترابيزة كده ومتغلفه قصادها يا عم الحاج؟
مهندس منسي : لأ حضرتك تعالى بص عليها هيبقى صعب عليا إن أنا أقعد أوصفلك في المكنة في التليفون
العميل : لأ لو تسمح أنا هسجل رقم حضرتك دلوقتي معايا، وإنت سجله باسم أحمد صابر أو أحمد يزيد الاسم اللي يعجبك وابعتلي صورتها على الواتس يبقى سهلت عليا المأمورية شوية
مهندس منسي : ولا يهمك، إنت ممكن تبعتلي طلب استفسار على الواتس وأنا أردلك عليه
العميل : ماشي يا فندم ربنا يبارك فيك، إن شاء الله هزورك قريب بإذن الله
مهندس منسي : تيجي تنورني
العميل : ربنا يبارك في عمرك يا حاج، ألف سلامة
