مكنة تغليف شرينك من شركة المهندس منسى
العميل : السلام عليكم
المهندس منسى : عليكم السلام ورحمة الله وبركاته
العميل : إيه يا باشا، محتاج بس كنت بسأل على مكنة شرينك تغلفلي أد الطابلية 80 × 110
المهندس منسى : طابلية إيه؟
العميل : ورق
المهندس منسى : 80 سم
العميل : آه 80× 110
المهندس منسى : الارتفاع كام؟
العميل : الارتفاع عندي أحياناً في 1.10 متر، وفي 1.90 متر
المهندس منسى : آه.. إنت عايز تغلفها شرينك
العميل : شرينك آه
المهندس منسى : دي هتتعمل المكنة مخصوص
العميل : عشان الارتفاع 1.90 متر صح؟
المهندس منسى : عشان التقل والوزن
العميل : آه.. طب دي تدخلها في رينج كام؟
المهندس منسى : هي وزنها في حدود أد إيه؟
العميل : بتعمل من نص طن ـ لطن
المهندس منسى : دي حضرتك بقى نحسبها، نعلمها دراسة تكاليف ونقولك على سعرها
العميل : طب الموجود جاهز عندك مقاساتها كام؟
المهندس منسى : في مقاسات كتيرة بس مافيش المقاس اللي حضرتك عايزه
العميل : يعني بتبقى بدايتها مقاس كام؟
المهندس منسى : يعني 15 × 25 ده الوورك إيريا مساحة التشغيل، 20 × 40 ، 25 × 40 ، 35 × 40..
العميل : بس مافيش المساحات الكبيرة
المهندس منسى : لأ.. ديت تتعمل بالطلب
العميل : دي بتبقى يدوي صح، تدخلها في رينج كام يا باش مهندس؟
المهندس منسى : مش يدوي، بتبقى بسير
العميل : طب في رينج كام تقريباً؟
المهندس منسى : لو كنت أعرف صدقني كنت قلتلك على طول، ما كنتش هقولك أعملك دراسة
العميل : طب أراسل حضرتك إمتى تقولي؟
المهندس منسى : يومين
العميل : إن شاء الله، خلاص ماشي يا باش مهندس
المهندس منسى : مع السلامة
العميل : مع السلامة
