مكنة تغليف غطيان العسل من شركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: إزي حضرتك
المهندس منسي: أهلاً بيك
العميل: إحنا كنا عايزين مكنة تغليف غطيان العسل
المهندس منسي: آه.. يعني عايز تغليف إيه بالضبط في الغطا، الحتة البلاستيكة اللي فوق ولا عايز تغليف إيه بالضبط؟
العميل: أيوه مكنة تغليف غطيان العسل
المهندس منسي: آه… ما هو أنا فاهم آه، عايزها أنهي شكل بقى؟ حتة البلاستيكة اللي بتتحط على الغطا؟
العميل: إحنا دلوقتي عايزين كل الحاجات، يعني عايز إيه؟ يعني هنصنع الغطا الأول، وبلاستيكة تغلف الغطا نفسه بحيث ماحدش يقدر يفتح الغطا، تمام
المهندس منسي: آه…
العميل: بداية دي، ديت المكنة ديت حجمها أد إيه وعامله كام حضرتك؟
المهندس منسي: حجم إيه؟ حجم المكنة ديت…
العميل: المكن نفسه، هل في مكنة للتعبئة أساساً ولا مافيش بداية؟
المهندس منسي: في مكن للتعبئة إن شاء الله
العميل: مكنة تعبئة العسل دي بكام حضرتك بداية؟
المهندس منسي: في مكنة نص أتوماتيك وفي مكنة أتوماتيك، المكنة النص أتوماتيك بتعمل 1350 ، والأتوماتيك بتعمل 7000
العميل: طيب الأتوماتيك بتعمل إيه؟ بتعبي وبتغلف ولا بتعبي بس؟
المهندس منسي: لأ بتعبي بس، عملية التغليف بقى مكنة تانية
العميل: طب خلينا في التغليف، نعبي إحنا مش مشكلة
المهندس منسي: ماشي براحتك
العميل: بالنسبة للتغليف
المهندس منسي: مكنة التغليف بتعمل 430
العميل: بتغلف إيه بالضبط، بالغطا يعني ولا…
المهندس منسي: بتغلف العبوة وبتغلف الغطا، بتغلف الـ 2
العميل: طيب الإنتاجية… طب المساحة بتاعتها أد إيه؟ محتاجة مكان أد إيه؟
المهندس منسي: محتاجة متر × مترين… متر × متر
العميل: 1 × 1
المهندس منسي: أو متر × متر ونص عشان تعرف تتحرك
العميل: بتغلف الغطا وبتغلف المنتج نفسه؟
المهندس منسي: إن شاء الله
العميل: خلاص ماشي، فاتحين طوال أيام الأسبوع
المهندس منسي: آه ماعدا يوم الجمعة
العميل: وعدد الساعات شغالين من الساعة كام؟
المهندس منسي: من 11-9
العميل: طيب ثانية واحدة، أي سؤال تاني يا أ/ أحمد … ماشي يا فندم، شكراً، طب بالنسبة للطباعة معلش، عندك مكن للطباعة، هوه إحنا عايزين نعمل منتج باسم معين دي في المطبعة بقى ولا في عندكم في حاجة عندكم…
المهندس منسي: لا عندنا إن شاء الله حضرتك بس تشرفنا كده وتورينا هتبقى إزاي وإحنا نقولك على طريقته
العميل: طيب.. طيب خلاص ماشي يا فندم، شكراً، متشكر جداً، مع السلامة
