مكنة شرنكة سلوتيب من شركة المهندس منسي

العميل : شركة المهندس منسي

المهندس منسي : أيوه.

العميل : ألف سلامة عليك يا غالي.

المهندس منسي : الله يسلمك.

العميل : صباح الخير.

المهندس منسي : صباح النور.

العميل : كنت باسأل حضرتك يا فندم هو لو أنا عايز مكنة شرنكة سلوتيب.

المهندس منسي : آه موجودة.

العميل : مش اللي هوه السلوتيب الشفاف، سلوتيب الدوكو اللي هوه الورق ده.

المهندس منسي : آه… مش مشكلة هي بتشرنك أي حاجة بتعملها عادي يعني.

العميل : تمام، يا فندم هوه في منها أنواع صح.

المهندس منسي : أنواع إزاي.

العميل : يعني أنا هقول لحضرتك، أنا دلوقتي هاجيب تيب، كمية تيب جايالي من بره، نص كونتينر تيب يعني، تمام.

المهندس منسي : آه.

العميل : التيب ده سايب يا فندم بكرة بكرة.

المهندس منسي : بكرة بكرة.. آه.

العميل : تمام كده معايا حضرتك.

المهندس منسي : آه معاك اتفضل.

العميل : جايلي هوه شغل استكات طبعاً حضرتك فاهم طبعاً.

المهندس منسي : آه.

العميل : فأنا أنا هشرنكه، هشرنك مثلاً كل 6 بكرات مع بعض.

المهندس منسي : آه ما هي المكنة موجودة.

العميل : تمام أنا عايز أفهم بقى في شرنكة بقى بشرنك في حاجة اسمها سوستة.

المهندس منسي : شرنكة سوستة إزاي؟

العميل : بمعنى إن بين كل بكرة وبكرة بيبقى في مثلاً مسافة كده سوستة يعني بحيث ست سبع بكرات مع بعض يتفتحه ويتقفله فاهم يا فندم زي الشغل اللي بييجي من بره كده.

المهندس منسي : آه.. إنت بتحطهم ورا بعض وبتسيب مسافة وبتدخلهم المكنة بيطلعوا بالمنظر اللي إنت عايزه.

العميل : آه… يعني مش الفكرة في المكنة.

المهندس منسي : لا ما إحنا بنتكلم كده على المكنة النص أتوماتيك، المكنة النص أتوماتيك دي عاملة 430 .

العميل : 430 .

المهندس منسي : آه..

العميل : وطب في أتوماتيك كامل، يركب عليها خط أتوماتيك يعملك الحركة دي

المهندس منسي :  بس الخط ده غالي ده بـ11 ، فانت عايز تمشي نفسك اشتغل بمكنة نص أتوماتيك.

العميل : تمام. دي تشرنك البكر لاصق في بعضيه.

المهندس منسي : إن شاء الله.

العميل : حتى لو أنا حاولت أسيب مسافة مينفعش يعني.

المهندس منسي : مضبوط آه.

العميل : تمام كام يا فندم دي، النص أتوماتيك دي.

المهندس منسي : 430 .

العميل : طب والخامة بتاعتها يا فندم إيه؟

المهندس منسي : نعم.موجودة عندنا.

العميل : الخامة نفسها موجودة عندكم يعني، برده في خامات منها ولا هي نوع واحد بس؟

المهندس منسي : نعم.

العميل : الورق ده في منها خامات؟

المهندس منسي : في منه خامات آه.

العميل : طب ده بيتباع بالكيلو ولا…

المهندس منسي : هوه إنت عايز تعذب نفسك.. هو المكنة موجودة والخامة موجودة عايز خامة تانية، ما هو الخامة موجودة، أول ما تقولهم بي شرينك هقولولك أهي.

العميل : لا هي الفكرة بس في حاجة، أصل الشغل اللي جاي ده إيطالي تمام.

المهندس منسي : آه هات خامة من الخامة اللي إنت عايز زيها وهم هيقوللك إهي، ممكن تكون بول أوليفان، ممكن تكون خامة تانية، فما تقلقش هتيجي حضرتك وتجيب الخامة معاك والعلب معاك وهتعمل حاجة على الطبيعة.

العميل : تقصد أجيب كام بكرة معايا يتغلفه على الطبيعة.

المهندس منسي : إن شاء الله.

العميل : تمام، طب معلش العنوان بعد إذنك.

المهندس منسي : إن عندنا حدائق القبة، مدينة نصر، باب الشعرية.

العميل : هوه مالكوش حضرتكم فرع في المنيا.

المهندس منسي : لا والله.

العميل : تمام يا فندم

المهندس منسي :  حدائق القبة، باب الشعرية.

العميل : تمام يا فندم، شكراً يا فندم.

المهندس منسي : ومدينة نصر.

العميل : ألف شكر يا فندم.

المهندس منسي : العفو.

العميل : مع السلامة