مكنة شرينك من شركة المهندس منسى
العميل : السلام عليكم
المهندس منسى : عليكم السلام ورحمة الله وبركاته
العميل : المهندس منسي
المهندس منسى : أيوه
العميل : طب حضرتك أنا كنت عايز مكنة شرينك
المهندس منسى : أهلاً بيك اتفضل
العميل : مكنة شرينك بص حضرتك عارف الكراتين بتاعت اللمبات
المهندس منسى : آه
العميل : عايز مثلاً 5-6 لمبات كده أحطهم في شرينك
المهندس منسى : موجودة آه
العميل : طب هتتكلف كام ومكانك فين؟
المهندس منسى : تتكلف يعني 7200 جنيه مصري
العميل : مساحة كام × كام؟
المهندس منسى : المساحة.. مساحة الكرتونة بتاعتك كام × كام؟
العميل : الكرتونة بتاعتي 5 × 12 سم
المهندس منسى : هتاخد كرتونتين ـ 3 عادي هترميها على السير هتطلع من الناحية التانية متشرنكة
العميل : آه.. ما هو أنا قصدي مش محتاج مكنة كبيرة يعني، ولا دي أصغر حاجة عندك يعني
المهندس منسى : مش أصغر حاجة، ده أصغر حاجة في العالم كله
العميل : ، يعني مش 300 زي ما إنت كاتب في الموقع عندك
المهندس منسى : لأ أنا مش كاتب 300 أنا كاتب 400
العميل : آه
المهندس منسى : 400 × 18 = 7200 جنيه مصري
العميل : طيب تمام.. طيب إنت فين مكانك؟ مالكش مكان في إسكندرية هنا؟
المهندس منسى : لو إنت مش عايز تيجي ممكن تبعت الفلوس وهمه يشحنوها لك
العميل : آه شحن يعني، لأ أنا هاجي بقى عشان أشوفها، ما هو أنا لازم أشوف بتشتغل إزاي، والفيلم اللي بيركب عليها
المهندس منسى : الله ينور عليك
العميل : ماشي الفيلم اللي بيركب عليها بقى إزاي عبارة عن رول مثلاً كده ولا إيه؟
المهندس منسى : بيبقى قطع أو رول، حضرتك لما تيجي هتشوف كل حاجة
العميل : طيب تمام، خلاص إنت فين بالضبط في القاهرة؟
المهندس منسى : إحنا عندنا حدائق القبة، مدينة نصر، باب الشعرية، 6 أكتوبر
العميل : يعني آجي أنهي مكان، أي واحد عادي
المهندس منسى : أي واحد آه
العميل : طيب ماشى
المهندس منسى : ماشي يا غالي
العميل : ماشي شكراً
المهندس منسى : مع السلامة
