مكنة قفل الأكواب من شركة المهندس منسى

العميل : السلام عليكم

المهندس منسى : عليكم السلام ورحمة الله وبركاته

العميل : شركة المهندس منسي

المهندس منسى : أيوه

العميل : معلش أنا آسف إن أنا براسل حضرتك فى وقت متاخر

المهندس منسى : ولا يهمك

العميل : كنت بسأل على المكنة اللي بتقفل الأكواب؟

المهندس منسى : آه موجودة

العميل : طب أنا عايز اللي هي اليدوي

المهندس منسى : موجودة برده

العميل : طيب هي يدوي بيتركب السن ولا بالواحدة

المهندس منسى : الـ 2

العميل : يعني الغطا بتاعها معمول الأول ولا بيركبلها الرول؟

المهندس منسى : في عندنا الـ2

العميل : طب اللي بتركب فيها الرول دي بتعمل بالكوباية الواحدة ولا بالـ4 كوبايات؟

المهندس منسى : في اللي بتعمل بالكوباية الواحدة، وفي اللي بتعمل بالكوبايتين

العميل : طب أنا عايز اللي بتعمل بالكوباية الواحدة بتعمل كام؟

المهندس منسى : في حدود

العميل : قولي كام بالمصري ما أعرفش ال بكام؟

المهندس منسى : في حدود

العميل : دي اللي باليد الواحدة

المهندس منسى : آه

العميل : الخامات طبعاً عندكم اللي بتقفل؟

المهندس منسى : إن شاء الله

العميل : طب بالنسبة كنت عايز الأكياس اللي بتقفل القفل

المهندس منسى : برده موجودة

العميل : اللي هوه الكيس اللي بتضغط عليه من الجناب يقفل

المهندس منسى : آه

العميل : الكيس ده بيتحط فيه سوائل صح؟

المهندس منسى : كل الأكياس ينفع يتحط فيها سوائل بدون استثناء

العميل : بس إنت عارف الكيس اللي بقول عليه اللي بيضغط عليه من الجنبين بيقفل، يعني في شفة كده… يعني في جنب بيبات في جنب

المهندس منسى : آه.. الزيبر

العميل : أنا اللي أعرفه اسمه سوستة، ده موجود؟

المهندس منسى : بنعمله بالطلب

العميل : يعني حتى لو أنا عايز مقاسات ممكن تجيبهالي

المهندس منسى : أعملهالك كلها آه

العميل : أي مقاس يعني هعوز 3 مقاسات هقول لحضرتك أي مقاس حضرتك تجيبهولي

المهندس منسى : إن شاء الله

العميل : طب رينج الكيلو كام؟

المهندس منسى : ما أقدرش أحدد رينج الكيلو ده بيتحدد على حاجات كتير، بيعتمد على الطبعة، ويعتمد على الكمية، والسكنس، والخامة…

العميل : إحنا مش هنطبع، إنت قولي مثلاً أقل كمية من كل خامة أد إيه إحنا هناخد 3 مقاسات

المهندس منسى : لأ معنديش فكرة عن السعر

العميل : 13 × 25 ، 15 × 30

المهندس منسى : لأ ما هوه سعر الأكياس والحاجات ديت لما حضرتك تشرفنا بالزيارة

العميل : خلاص هوه المكان فين؟

المهندس منسى : إحنا عندنا حدائق القبة، مدينة نصر، باب الشعرية، 6 أكتوبر

العميل : فين في 6 أكتوبر

المهندس منسى : هبعتلك الداتا بتاعته حالاً

العميل : خلاص ماشي يا باشا، وموجودة هناك المكنة اللي أنا سائل حضرتك عليها

المهندس منسى : آه كل المكن موجود هناك

العميل : اللي هي اليدوي، خلاص ماشي، وياريت لو رقم حد عشان بس أستفسر منه عن الطريق

المهندس منسى : هوه اكتب على النت على جوجل المهندس منسي 6 أكتوبر

العميل : خلاص ماشي يا باشا، معلش آسف على الإزعاج

المهندس منسى : ماشي يا باشا، السلام عليكم