مكنة لحام أكياس طرشي من شركة مهندس منسي
العميل: الو.
المهندس منسي: سلام عليكم.
العميل: وعليكم السلام ورحمة الله.
المهندس منسي: أيوة اتفضل.
العميل: بعد إذن حضرتك, بسأل حضرتك بس على مكنة لحام أكياس مكنة قوية موجودة عند حضرتك؟
المهندس منسي: يعني إيه مكنة قوية؟
العميل: يعني أنا بلحم أكياس طرشي فالمكن اللي عندي كله بيفتح بيخلي الأكياس تفتح طرشي تاني.
المهندس منسي: آه لا هو بص حضرتك في فيه نظام للاكياس بتاعة حضرتك المفروض تتبع, أول حاجة الاكياس بتاع حضرتك تبقى يعني أول حاجة لحل المشكلة إن الاكياس حضرتك تبقى من خامة اسمها لامينيشن, لامينيشن يعني إيه بيبقى طبقتين اتنين على بعض, بلاستيك على بعض.
العميل: تمام.
المهندس منسي: تاني حاجة في مكنة اسمها كونتنيوس سيلينج, أو لحام سير مستمر, فحضرتك بتقوم عامل ايه, عبيت الطرشي وبعد كدة تروح راميه عالمكنة دي تروح معدياه الناحية التانية.
العميل: تمام.
المهندس منسي: هنا المكنة بتاعتنا دي بتعمل ايه, بتلحم سم ونص.
العميل: آه تمام لحام عريض.
المهندس منسي: آه لحام عريض, إنت بتلحم على مكنة اللي هي المنزلية دي بتلحمها حوالي اتنين ملي او تلاتة ملي.
العميل: تمام مبينفعش خالص طبعاً.
المهندس منسي: طريقة اسمها طريقة البلتينج سيل.
العميل: طيب حضرتك كدة بتدخلنا فتفاصيل حضرتك الأعلم بيها مش أنا, يعني في حضرتك متوفر عندك حاجة تكون كويسة.
المهندس منسي: بص حضرتك انت تجيب, إنت خبرة عني وأعلى مني خبرة فالمجال المخلل.
العميل: تمام تمام تمام يا فندم.
المهندس منسي: وبالتأكيد أنا أقوى في مجالي أنا اللي هو عالم مكنات التغليف والتعبئة, وربنا سبحانه وتعالى ادى لكل واحد مهارة في شيء معين.
العميل: طبعا امال ايه طبعا, طبعا طبعا, طيب يعني حضرتك متوفر عند حضرتك المكنة دي.
المهندس منسي: عندي المكنة.
العميل: تمام طيب انا عـ
المهندس منسي: بص وحد الله.
العميل: لا إله إلا الله.
المهندس منسي: عندي المكنة وعندي الشمع بتاعة الاكياس, ولو طلبت مني نفس الاكياس اعملك الاكياس, ولو طلبت مني مكنة تعبية المخلل في كياس برضه عندي.
العميل: لا بس دي هتبقى غالية جداً طبعاً.
المهندس منسي: لا مش غاليه ولا حاجة, لا ازاي يعني مش غالية خالص.
العميل: تمام.
المهندس منسي: وعندي كمان حلول للمخلل عملناها, للمخلل اللي بيسافر أمريكا علشان خاطر, إنه بياخد وقت كبير علشان يوصل هناك.
العميل: آه طبعاً طبعاً.
المهندس منسي: فأنا ليا باع كبير مع المخلل متقلقش يعني.
العميل: تمام تمام, طيب مكنة بس التغليف اللي هي حضرتك اللي هي السير الاوتوماتيك, دي هتعمل كام تقريباً.
المهندس منسي: بتعمل في حدود يعني تقريباً الفين جنيه مصري.
العميل: الفين جنيه مصري تمام, طيب حضرتك بكرة فاتحين مثلاً من الساعة كام كدة إن شاء الله.
المهندس منسي: أنا المستشار الهندسي للشركة مش أنا المبيعات, فأنا هبعتلك دلوقتي تليفون المبيعات علشان تتابع معاهم.
العميل: خلاص ماشي تمام شكراً يافندم شكراً لحضرتك شكرا متشكر ربنا يخليك مع السلامة.
