مكنة لحام ألتراسونيك من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: شركة المهندس منسي
المهندس منسي: أيوه
العميل: بقولك يا باشا عندكم مكنة ألتراسونيك رأسي؟
المهندس منسي: إحنا عندنا ألتراسونيك، بس مش فاهم… أصل كل واحد بيبقى شايف المصطلح اللي في دماغه هوه ده المصطلح الصح، ولكن حضرتك لو جيت شرفتنا بالزيارة تتفرج عليها…
العميل: طب أنا هقولك على شكلها…
المهندس منسي: أصل أنا بيني وبينك عملية الواحد.. أصل أنا مش شايفك وإنت مش شايفني، طب ما المكنة موجودة بضاعة حاضرة ما تيجي تبص عليها
العميل: أصل أنا مش بتاع تغليف
المهندس منسي: آه…
العميل: لأ دي الألتراسونيك دي مش بتاعت تغليف، دي بتلصق قطع بلاستيك بقطع بلاستيك، اللي هي الرأسي
المهندس منسي: هوه عموماً إحنا عندنا مكن ألتراسونيك، حضرتك ممكن نبعتلك شكلها
العميل: إنت عارف حضرتك المكنة اللي أنا عايزها بتبقى رأسي كده شكل المثقاب شويه
المهندس منسي: ما هي اللي عندنا دي ممكن تتقلب تبقى رأسي
العميل: تتقلب تبقى رأسي؟؟؟
المهندس منسي: آه… أي مكنة أفقي تبقى رأسي، وأي مكنة رأسي تبقى أفقي
العميل: إنتم فاتحين طول اليوم
المهندس منسي: اه
العميل: للساعة كام فاتحين؟
المهندس منسي: لغاية الساعة 9
العميل: طيب ماشي شكراً
المهندس منسي: مع السلامة
