مكنة لحام بسير من شركة المهندس منسي

العميل: سلام عليكم

المهندس منسي: عليكم السلام

العميل: شركة المنسي معايا

المهندس منسي: أيوه

العميل: معاك أحمد حسين من شركة فوكتور … مصنع بامبرز

المهندس منسي: أهلاً وسهلاً

العميل: أهلاً بحضرتك، أنا بصيت على السايد بتاعكم في عروض ماكينات لحام

المهندس منسي: آه..

العميل: علشان خاطر.. بتهيقلي كان في حد من عندنا اتكلم معاكم اسمه زكي بخصوص الموضوع دوت

المهندس منسي: آه..

العميل: فإحنا كنا عايزين بس نشوف إيه الموديلات اللي عندكم، وإذا كان في إمكانية إن أنا أوريك اللي عندي مكنة لحام ووتورلنا حاجة زيها

المهندس منسي: عندنا مكنة لحام بسير، يعني حضرتك بترميلها الحاجة عليها وهي تاخدها وتلحمها وتوديها الناحية التانية

العميل: تمام…

بص على الحاجة بتاعتنا.. إنت عندك حاجة معينة مثلاً اللي هي بالقدم وكده

العميل: لا هي أتوماتيك، مجرد أنا بس أدخل فيها طرف الكيس وهوه في سير بياخد الكيس…

المهندس منسي: ما هي نفس اللي عندنا

العميل: ويكمل اللحام بتاعها وخرجها الناحية التانية لما يخلص، فماشي، طب هوه لو في إمكانية حضرتك المهندس منسي: ممكن تعملنا زيارة أوريك إيه هوه الموديل اللي عندي، والخطوط بتاعتي عامله إزاي، ونشوف إيه الإمكانية…  هوه إنتم محتاجين كام مكنة؟

العميل: مبدئياً ممكن تكون حوالي 9 مكنات …

المهندس منسي:  آه

العميل: طب هوه بس العنوان بتاعكم فين؟

المهندس منسي: في 6 أكتوبر في المنطقة الصناعية

العميل: هوه في فرع لينا في 6 أكتوبر … طيب لو هتديني رقم حد أكلمه، أو تبعتلي إيميل ليه أو اراسله ازاي

هوه أنا عايز أبعتلك مهندس من الإدارة الأول عشان خاطر يشوف الدنيا فيها إيه، ولكن لو تقدر تساعدنا وتبعتلنا صورة بالمكنة اللي حضرتك عايزها… اللي عند حضرتك، أو حضرتك أبعتلك أنا فيديو للمكنة اللي عندنا

المهندس منسي: طب أنا أصورلك المكن اللي عندي وأبعتهولك، وبرده حضرتك ابعتلي الفيديو اللي حضرتك بتقول عليه مش مشكلة … آه.. وطالما إن إحنا جنبك في أكتوبر يعني حضرتك لو شرفتنا بالزيارة برده هتتفرج على الخامات بتاعت التغليف وهتتفرج على مكن كتير هتاخد أفكار أعلى

العميل: تمام… ماشي مفيش مشكلة، وهو كذلك

المهندس منسي: آه.. لو رحت هناك هتلاقي خامات تغليف استوكات، ممكن تلاقي حاجات بالنسبة لمصنعكم فرصة

العميل: تمام ماشي مفيش مشكلة

المهندس منسي: ماشي يا غالي، طب هبعتلك الارقام في رسالة دلوقتي حالاً

العميل: طب خلاص ماشي مفيش مشاكل، هستنى من حضرتك الإيميل بتاعك

المهندس منسي: ماشي يا باشا

العميل: ماشي يا حبيبي، مع السلامة