مكنه تغليف العبوات ال بي في سي من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة المنسي

المهندس منسي : أيوه

العميل : لو سمحت كنت بسأل على مكنة تغليف العبوات الـ بي في سي عبوات خشب أغلفها بي في سي

المهندس منسي : آه.. دي إحنا ممكن نعملهالك بالطلب

العميل : بالطلب

المهندس منسي : لأنه المكنة اللي موجودة عندنا تعمل مقاس 40 × 50

العميل : آه أنا عايزها …

المهندس منسي : إنت عايزها 120 × 240

العميل : آه

المهندس منسي : فدي إحنا هنعملهالك بالطلب

العميل : طب الخامة ذات نفسها موجودة

المهندس منسي : ديت برده هنصعها لك بالطلب، لأنها بتبقى خامة بي في سي وواخدة طبقة من ورا عشان تلصق على الخشب، وواخده طبقة من فوق عشان خاطر تدي لون الخشب اللي إنت عايزه

العميل : طب ممكن آخد فكرة عن سعر الرول بكام والمكنة…

المهندس منسي : سعر الرول لما نيجي نصنعه هيبقى الكيلو في حدود ، لو ربع طن، لو نص طن هيبقى ، لو طن هيبقى….

العميل : لإيه؟

المهندس منسي : للكيلو

 

العميل : ماشي اتفضل

المهندس منسي : يعني للكيلو

العميل : ده لو نص طن

المهندس منسي : إنما لو 2 طن هيبقى

العميل : طب مافيش بالمصري طيب عشان أنا…

المهندس منسي : ضرب في سعر ال النهاردة

العميل : سعر البنك ولا سعر…. معلش

المهندس منسي : لا السعر الحر، لو في البنك هات من البنك

العميل : طب والمكنة تبقى في حدود كام؟

المهندس منسي : دي حضرتك هتبعتلنا رسالة بيها طلب استفسار على الإيميل وإحنا هنتواصل معاك

العميل : أنا بعت على الإيميل وبعت على الواتس آب على المكنة

المهندس منسي : آه… لو كنت بعت على الإيميل أفضل

العميل : طب ماتور المكنة صناعة إيه؟ المضخة بتاعته صناعة إيه

المهندس منسي : آه صيني

العميل : صيني

المهندس منسي : آه

العميل : مافيش ألماني

المهندس منسي : عادي إنت ممكن تغير الماتور، هوه الماتور مش مشكلة يعني مش غالي قوي للدرجة اللي إنت متخيلها، مش لا يمثل قيمة في مكنة كبيرة، يعني الماتور كله هيبقى بكام يعني بـ هنيجي في الماتور ونمسك

العميل : طب هي تبقى في حدود كام

المهندس منسي : لا في حدود كام ديت مقدرش أجزملها، لأن إحنا لسه هنعملها دراسة تكاليف، واخد بالك

العميل : آه

المهندس منسي : أما عملية المواتير صناعة إيه والكلام اللي بتقولوه ده ألمانيا نفسها بتستورد من الصين، إحنا بتوع مصر اللي هنجيب من ألمانيا، أهوه كلام

العميل : ما هو بيعملوا كل حاجة بس ممكن يجيبوا الماتور من ألمانيا

المهندس منسي : يا عم لا.. لا كل ده كلام فاضي، اسمع كلام أخوك لوجه الله، ألمانيا نفسها بتستورد من الصين

العميل : طب هتبقى …. مع حضرتك أنا مفيش مشاكل أنا يهمني الصيانة عندكم وكل حاجة…

المهندس منسي : ممكن تغير الماتور تجيب الماتور اللي مكتوب عليه ماد إن جيرمني، أونطه في اونطه كل ده كلام فاضي، بس مافيش حاجة من الكلام ده، مافيش حاجة اسمها ماتور ألماني النهاردة

العميل : تمام… بس لما باخد المكنة من عند حضرتك بيبقى ليها ضمان مثلاً…

المهندس منسي : إنما إنت عادي تقدر تغير الماتور براحتك

العميل : طب لما باخد المكنة من حضرتك بيبقى ليها ضمان

المهندس منسي : آه ضمان لمدة سنة ضد عيوب الصناعة و10 سنين توفير قطع الغيار لحساب العميل

العميل : تمام.. بالنسبة بقى للرول الـ بي في سي اللي هوه للكيلو ده أطلب أنا بقى التكنيكال اللي أنا عايزه 0.5 ـ 8 ـ 15

المهندس منسي : براحتك آه، أعلى كمية لو إنت عايز 2 طن يبقى

العميل : إن شاء الله

المهندس منسي : خلاص أنا هبعت لحضرتك التفاصيل كلها على الإيميل

العميل : إن شاء الله

المهندس منسي : ماشي يا باشا مع السلامة

العميل : إن شاء الله، متشكر لحضرتك شكراً