مكنه عمل الطحينة من شركة المهندس منسي
العميل :سلام عليكم
المهندس منسي :عليكم السلام ورحمة الله وبركاته
العميل :شركة المهندس منسي
المهندس منسي :أيوه
العميل :إزي حالك
المهندس منسي :الحمد لله
العميل :بقولك كنت عايز أسأل على خط إنتاج الطحينة كنتم عاملين مكنة…
المهندس منسي :آه كنا عاملين مكنة حضرتك بتحطلها السمسم وتطلعهولك طحينة
العميل :آه… مكنة يعني كبيرة ولا صغيرة ولا وضعها إيه؟
المهندس منسي :مكنه مناسبة لاداء وظيفتها
العميل :طيب هي بتقوم بعملية الفصل وكل حاجة يعني؟
المهندس منسي :لا.. لا إنت بتحطلها السمسم وات إيفر متقشر أو غير متقشر، هي بتاخده وتتطلعهولك طحينة
العميل :بس.. دي سعرها كام المكنة دي؟
المهندس منسي :
العميل :طب يعني أنا لو عايز أعمل مصنع صغير، يعني أعمل خط إنتاج، يعمله في اليوم مثلاً 2 ـ 3 طن
المهندس منسي :هو أنا بالنسبة لي بقدم المكنة دي بس
العميل :مش تعملي خط إنتاج كده
المهندس منسي :لأ هوه مكنة التقشير لوحدها ودي لوحدها، لو إنت عايز تدخل السمسم متقشر دي مكنة تقشير، مكنة التقشير معنديش علم بسعرها دلوقتي، إنما عادي نبحثلك عليها ونجيب لك سعرها، إنما أنا عملت المكنة ديت مخصوص عشان خاطر الجماعة اللي بيعملوا الطحينة من الفول السوداني
العميل :مش من السمسم
المهندس منسي :آه كان في ناس دايماً بيطلبوها في السعودية بيعملوا الطحينة من الفول السوداني، فكان قدامهم مشكلة إن رأس مالهم بسيط، وعايزين يعملوا مصنع يعمل الطحينة دي، فالفول السوداني مش محتاج مكنة تقشير
العميل :الفول مش محتاج، بس الفول السوداني بنفس الجودة يعني؟
المهندس منسي :المكنة دي نجحنا فيها نجاح باهر يعني
العميل :آه… لكن لو حبيت أعمل مشروع صغير كده بالسمسم برده..
المهندس منسي :ولا حاجة نقدر برده زي ما عملنا مع السعوديين نعمل مع حضرتك إن شاء الله
العميل :يعني ممكن
المهندس منسي :إن شاء الله
العميل :طيب إنتم ليكم فرع في 6 أكتوبر، ولا فرع باب الشعرية
المهندس منسي :لينا فرع في 6 أكتوبر بس لسه تحت التشغيل
العميل :فين في 6 أكتوبر؟
المهندس منسي :في مجمع الأمل
العميل :لكن أنا حبيت أستفسر ….أنا مش عارفه فين بالضبط، أنا رحت مجمع هناك في المدينة الصناعية بس مش عارف هوه ولا مش هوه
المهندس منسي :حتى لو ساكن جارك خد تليفونه واتصل بيه
العميل :آه… يعني إنت ممكن تساعدني في الموضوع ده
المهندس منسي :إن شاء الله
العميل :إن شاء الله بإذن الله، ماشي.. شكراً سلام عليكم
