مكنه لحام سير من شركة المهندس منسي

العميل: سلام عليكم

المهندس منسي: سلام ورحمة الله

العميل: لو سمحت كنت عايز أسأل على مكنة السير الموجود

المهندس منسي: مكنة السير

العميل: اللحام من المنسي معايا؟

المهندس منسي: آه.. آه مكنة لحام السير آه

العميل: بالضبط.. موجودة عندكم؟

المهندس منسي: موجودة آه عامله يعني 2000 جنيه مصري

العميل: دي غليت

المهندس منسي: خلي بالك إحنا هنزود السعر في 1/9 علشان خاطر ال اللي إحنا بنعتمده دلوقتي بنعتمده بـ 10 جنيه على اعتبار إن ال زاد في السوق جامد

العميل: زاد تاني؟

المهندس منسي: بيقوله آه

العميل: طيب أنا هجيلك بكرة إن شاء الله، بس أنا عايز أعرف في أنواع في المكن ده ولا هوه كله نوع واحد؟

المهندس منسي: آه… في منها استالس وفي منها عادي…

العميل: ما أنا عايز الاستالس، ولكن هوه بيفرق في الاستالس والعادي بس ولا مافيش كفاءة أعلى؟

المهندس منسي: لا مش كفاءة كل في السوق واحد.. اللي يفرق بس الكلام، طريقة الكلام، يعني واحد بيتكلم أحسن من التاني بس … بس كده، واحد بيعرف يكدب، واحد بيعرف يتكلم أكتر من التاني، واحد بيعرف يلون الحاجة، واحد يعرف يشكل، يعني بس، يعني لما تيجب واحد فلاح وواحد من القاهرة، ده هيتكلم زي ده

العميل: لأ طبعاً ده هيتكلم فلاحي وده هيتكلم مصري

المهندس منسي: آه…. ده هتلاقي كلامه إيه أقرب إلى البيئة، إنما التاني هيقولك لا مش عارف اتفضل عينيا هتحب تقعد معاه كده

العميل: بالضبط.. بالضبط… أنا سألت بصراحة أنا عندي المكنة….

المهندس منسي: ما هوه أنا بقول لحضرتك هوه فرق الكلام بس، مافيش أكتر من كده، إنما هي مكنة لحام مستمر بسير، هي إيه؟ ده أبسط أنواع المكن

العميل: آه بالضبط..

المهندس منسي: مش محتاجه كل الأفلام دي، ولا محتاجة أي حاجة من الحاجات دي

العميل: بالضبط.. حضرتك بتتكلم مضبوط

المهندس منسي: بس هي المشكلة بقى إنك مع مهندس، راجل صناعة

العميل: ما هوه إحنا جايين على السمعة

المهندس منسي: ومن أصل فلاح

العميل: يا باشا ده شرف…

المهندس منسي: فمبعرفش أتكلم، أنا ما بعرفش أتكلم أعرف….

العميل: يا باشا ده شرف دوت، طب حضراتكم فاتحين بكره؟

فاتحين إن شاء الله

العميل: طيب فاتحين الساعة كام

المهندس منسي: إحنا فاتحين من 11-9، أنا هبعت لحضرتك دلوقتي العنوان في رسالة، إحنا عندنا حدائق القبة، مدينة نصر، باب الشعرية

العميل: أنا في عين شمس، أنا عندي زمان أنا جيتلكم مرة كنت محتاج خامة اللي هي الألومنيا البست فبصراحة معرفتش، محدش عرف يديني حاجة مضبوطة يعني

المهندس منسي: إزاي… ده إحنا عندنا مخزن…

العميل: ما هوه أنا عارف بس ما أعرفش معلش أنا آسف في الكلمة ممكن اللي أنا قابلته مش فاكر اسمه بصراحة…

المهندس منسي: مين؟؟؟

العميل: لا مش عارف بصراحة، ادالي عينة وفقوله مش هي دي العينة، قالي لا هي دي الموجودة، حتى أنا عرضت عليه قولتله عايزني آجي 6 أكتوبر.. أنا باخد كميات، يعني لسه الشهر دوت واخدلي بتاع حوالي 3 ـ 4 طن

المهندس منسي: آه..

العميل: واخد بال حضرتك، يعني عايز حتى يعني أنا هشتري المكنة ديت وهجيبلك عينة اللي بتشتغل عليها لو حضرتك تقدر توفرها لي نشتغل مع بعض

المهندس منسي: هوه بص حضرتك أنا هبعتلك دلوقتي تليفون باب الشعرية وتليفونات 6 أكتوبر، حضرتك ممكن تروح 6 أكتوبر هتلاقي فيه أكتر من 300 طن نقي منهم اللي يعجبك

العميل: ربنا يخليك، طب حضرتك ابعتلي التليفونات وأنا بكرة إن شاء الله هكون في باب الشعرية آخد المكنة ديت

المهندس منسي: آه.. وروح برده أكتوبر في الدنيا فيها إيه…

العميل: فين في أكتوبر يا باشا؟

المهندس منسي: في مجمع الأمل آخر حمادة إمام

العميل: طيب خلاص، حضرتك تبعتلي التليفونات بحيث إن أنا لو تهت ولا حاجة يبقى أعرف أوصلهم هناك

المهندس منسي: ماشي يا غالي

العميل: ماشي يا سعادة الباشا ربنا يخليك، ماشي مع السلامة