مكن التغليف بالبلاستيك من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : كنت عايز أسأل عندكم مكن فاكيوم؟
المهندس منسي : آه
العميل : عايز أعرف أسعاره
المهندس منسي : إنت عايزه لإيه في إيه؟
العميل : إحنا مصنع لحمة، هنشتغل يعني حاجات زي كده، عايز أعرف حتى لو تقدر تبعتلي على الواتس عرض أسعار أو تقولي مبدئياً بيبدأ من كام وينتهي بكام؟
المهندس منسي : هوه في مكنة عندنا بـ
العميل : كام مصري؟
المهندس منسي : اضرب × 18
العميل : تمام.. دي مواصفاتها إيه؟
المهندس منسي : أنا هقولك على كل مواصفات المكن اللي عندنا هيبقى صعب عليا قوي، يعني المفروض إن إنت جاي عارف… طب هقولك على حاجة كويسة، إنت ممكن تشرفني بالزيارة في المعرض بتاعنا وتتفرج على المكن وتختار اللي تعجبك
العميل : أنا عارف المعرض بس إنت عارف لما تكلم صاحب المصنع عايز تديله الخلفية العامة عشان تحطها قدامه وهوه يبدتي يقرر لأنه هوه مهما أقعد أوصفله مش هيتحرك معاك
المهندس منسي : آه…
العميل : أنا عايز أديله كده خلفية عامة مثلاً ده في…
المهندس منسي : إنت مش فاهمني، أقصد لما إنت تيجي تبص على الحاجة وتاخد فكرة عنها كاملة هتروح فاهم أكتر زي ما تكون إنت مغمي عنيك وأنا مغمي عنيا وعمالين نكلم بعض
العميل : أنا فاهم اللي إنت بتقوله، أنا عارف، أنا عارف حتى كمان المكان بتاعكم فيه في مدينة نصر وفي العتبة تحت، وكنت باجي عشان مكنة اللحام وكده، بس هوه المشكلة عايز أدي خلفية عامة لصاحب المصنع
المهندس منسي : آه… ابعتلنا رسالة على الإيميل نبعتلك الروابط بتاعتها وإنت…
العميل : طب أبعتلك رسالة من الواتس؟
المهندس منسي : ما الواتس هجيبك منين؟
العميل : طب أقولك هي على الموقع عندك؟
المهندس منسي : آه
العميل : طب خلاص أنا هحاول أدخل على الموقع
المهندس منسي : ماشي مع السلامة
