مكن تعبئة المياه والعصائر الاتوماتيك والنص اتوماتيك من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : شركة المنسي معايا يا باشا

المهندس منسي : أيوه

العميل : طيب كنت عايز أسأل على المكنة بتاعت تعبئة المياه والعصاير اللي هي… عند حضرتكم يعني؟

المهندس منسي : إن شاء الله

العميل : إيه نظامها ولا بكام؟ ولا الـ 8 هيد فيها بكام؟ ولا الـ 6 بكام؟ ولا إيه الدنيا فيها إيه؟

المهندس منسي : إنت عايزها نص أتوماتيك ولا أتوماتيك؟

العميل : دي بكام ودي بكام؟ ومميزات ديت وديت؟

المهندس منسي : في من النص أتوماتيك كتير قوي، في واحد نزل، واحد هيد، و 2 هيد، وفي 4 هيد، وفي 6 هيد… براحتك عدد الهدود براحتك

العميل : طب النص أتوماتيك إيه نظامه والأتوماتيك إيه نظامه؟ وإيه الفرق بينهم؟

المهندس منسي : النص أتوماتيك الواحد نزل بتعمل في حاجة بـ ، وفي حاجة بـ يعني 16000 جنيه مصري

العميل : معلش سؤال صغير، هي المكنة بتحتاج منتج خام إيه وتطلع منتج ايه

المهندس منسي : بتحتاج خام إيه إزاي؟

العميل : يعني دلوقتي مثلاً لو بتشتغل عصاير مثلاً بتحتاج إيه الخامات مثلاً أو إيه المنتج…آه ما هي هتحتاج العصاير ،يعني هي الفكرة كلها تعبئة بس

المهندس منسي : آه ما هي تعبئة بس آه، أمال إنت عايز إيه؟

العميل : أنا بسأل على كده أنا بتأكد بس

المهندس منسي : آه نص أتوماتيك تعبئة، والأتوماتيك تعبئة، في تعبئة في عبوات وفي تعبئة في أكياس

العميل : 8 هيد.. الـ 6 هيد مثلاً تبقى عامله كام؟

المهندس منسي : ما هوه الـ 4 هيد بتعمل، بتعمل دلوقتي، الـ 8 بقى تعمل

العميل : تمام

المهندس منسي : هي العملية مش عملية بالهيد، العملية إنت الإنتاجية بتاعتها أد إيه، لسه معاك واقعة خالص مانتش عارف أي حاجة في أي حاجة

العميل : آه.. آه…

المهندس منسي : فيستحسن لو شرفتنا بالزيارة تتفرج على المكن وتتطلع على كل شيء أحسن

العميل : آه

المهندس منسي : بس طول ما إنت قاعد تتكلم من بعيد إنت عرضة دلوقتي للي بيتكلم أحسن، مش للي بيشتغل أحسن

العميل : آه.. آه.. ماشي يا باش مهندس، هشوف كده وهاجي إن شاء الله في أقرب فرصة أكون في القاهرة وهعدي على حضرتك

المهندس منسي : إن شاء الله، هبعتلك ِأنا العنوان في رسالة تتابع معاهم وتقولهم عايز مكن تعبئة السوائل، إنت عايزه في عبوات ولا في أكياس؟

العميل : عبوات آه

المهندس منسي : ماشي، هبعتهولك في رسالة وإنت تابع معاهم

العميل : ماشي يا باش مهندس، شكراً، ألف شكر، مع السلامة