مكن تغليف السواك بالفاكيوم في أكياس من خامة البلاستيك اللامينيشن من شركة المهندس منسي
العميل : سلام عليكم ورحمة الله
المهندس منسي : عليكم السلام ورحمة الله وبركاته
العميل : معك محمد الديب بكلمك بخصوص السواك عندي مجموعة استفسارات عن الأجهزة والتغليف
المهندس منسي : اتفضل
العميل : أنا عاوز افتح خط إنتاج صغير لتغليف السواك أنا هنا في ماليزيا
أولاً كل عام وحضرتك بخير فأنا عندي ضعف خبرة في هذا الأمر وعندنا بحثت ووجدت موقعكم لمست فيكم الخبرة
المهندس منسي : وحضرتك طيب
العميل : أنا عندي شركة ناشئها هنا في ماليزيا وبحاول أخش في قصة تعبئة وتغليف السواك، خبرتي في الموضوع دوت تكاد تكون منعدمة، لحد ما شفت موقعكم قريت إن إنتم عندكم خط إنتاج كامل من ماكينات شفط لماكينات هوا لماكينات مش عارف فاكيوم.. يعني لقيت قصة كده كاملة موجودة عندكم، فعندي استفسارات ياريت حضرتك تفهمها لي عشان أفهم إيه القصة بالضبط وإيه خط الإنتاج اللي إنتم بتقدموا، وأسعاره والقصص ديت
حضرتك برده تقدر تبعتلي رسائل صوتية عشان تختصر وما تتعتبش في الكتابة فتقدر تبعتلي رسائلة صوتية توضحلي فيها الأمر، أنا عايز أعمل خط إنتاج صغير تجريبي فعايز أعرف مراحل التصنيع ماشية إزاي، كل مكنة عندكم بتبيعوها إيه دورها بالضبط في عملية التصنيع والإنتاج، والسؤال اللي بره الموضوع اللي بره المنهج ما أعرفش إنت هيبقى عندك فيه خبرة أو معلومة ولا لأ اللي هي نقطة السواك والفاكيوم لما بيتعبى بعد ما يتشطف ويخلص وكده ويتجفف والكلام ده لو اتعبى بالفاكيوم سحب الهوا هوه بيتعبى من غير ما يتحطله مواد حافظة ولا لازم يتحطله مواد حافظة؟ ولو لازم يتحطله مواد حافظة عشان خاطر تبقيه فترة أطول هل عندك معلومات في الموضوع دوت تقدر تساعدني بيها، تمدني بمعلومات عن المواد ديت أو إنت بتوفرها، وإزاي أحصل على مواد ما تأثرش على السواك، ما تتفاعلش مع السواك، أو لو ما عندكش معلومات بس عندك معلومة مين اللي ممكن يمدني بالكلام ده ياريت تساعدني وتوصلني بيه لأن دي نقطة مهمة في عملية الإنتاج
المهندس منسي : هو إحنا عندنا مكن تغليف السواك بالفاكيوم في أكياس من خامة البلاستيك اللامينيشن المكونة من البولي أميد المبطن بالبولي إيثيلين
