مكن تغليف الصابون السائل في أكياس أو جراكن اتوماتيك ونص اتوماتيك من شركة المهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | شركة المهندس منسي |
| المهندس منسي | : | أيوه معاك اتفضل |
| العميل | : | حضرتك عندك مكن تغليف الصابون السائل في أكياس أو جراكن؟ |
| المهندس منسي | : | عندنا الـ2 آه |
| العميل | : | دي بكام يا باش مهندس؟ ودي بكام؟ |
| المهندس منسي | : | هو في نص أتوماتيك ممكن تشتغل على الاثنين، سعرها |
| العميل | : | بالجنيه المصري بكام؟ |
| المهندس منسي | : | اضرب × 18 شوف السعر هيطلع كام |
| العميل | : | آه |
| المهندس منسي | : | أما الأتوماتيك بقى اللي بتعبي في أكياس أتوماتيك غير اللي بتعبي في جراكن أتوماتيك، اللي بتعبي في أكياس دي سعرها 4، واللي بتعبي في جراكن بقى حضرتك تجيب لنا الجركن نبدأ نقولك أنهي مكنة اللي هتنفع معاه |
| العميل | : | هعبي في أزايز لتر، و 2 لتر لحد 4 لتر |
| المهندس منسي | : | آه ما هو في بقى منها 1 نزل، 4 نزل… في منها كتير قوي، عموماً هي بتبدأ برده من |
| العميل | : | لحد كام يا باشا، الـ 4 نزل بكام؟ |
| المهندس منسي | : | ما هو حضرتك ده مش هينفع كده، في شغل الصناعة لازم نقعد مع بعض وندرس الحالة، يعني في مكنة الأكياس الأتوماتيك دي مكنة واحدة بـ ، اضرب × 18 تطلع في حدود 81 ألف |
| العميل | : | تمام.. إنما اللي هي النص أتوماتيك |
| المهندس منسي | : | دي بـ ، أما الأتوماتيك اللي بتعبي في أزايز برده بـ |
| العميل | : | طب بأمر الله يا باش مهندس المكان فين لو حبيت آجي؟ |
| المهندس منسي | : | إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور |
| العميل | : | يا باشا الله يخليك، وبأمر الله يا باش مهندس أصل أنا عايز أفتح مصنع صابون سايل وعايز مكن يعبي زي البريل كده، والصابون اللي في جراكن 8 لتر وحاجات من دي |
| المهندس منسي | : | إن شاء الله، هو إحنا عندنا الصابون السائل والصابون الجامد كمان |
| العميل | : | يعني إنتم بتصنعوه ولا المواد الخام؟ |
| المهندس منسي | : | لا إحنا بنصنع المكن بس، ومواد التغليف |
| العميل | : | أيوه.. أيوه.. آه، طب الصابون السائل خط الإنتاج بيتكلف كام يا باش مهندس؟ |
| المهندس منسي | : | هو عبارة عن وحدتين 2 وحدة الخلط ووحدة التعبئة، وحدة الخلط دي بتبقى في منها 100 لتر، 250 لتر، 500 لتر، ألف لتر، في منها على الساخن، وفي منها على البارد |
| العميل | : | تمام |
| المهندس منسي | : | بالنسبة لوحدة الخلط لازم حضرتك تيجي تشرفنا بالزيارة بحيث إنك لو عايز توفر في المادة ممكن نوفر لك، لو إنت عايز تكلف في المنتج نكلف لك فيها، فحضرتك تشرفني بالزيارة نقعد مع بعض أعملك زي دراسة جدوى |
| العميل | : | تمام أنا بس إن المشكلة عندي الوقت ضيق، إنما أنا كنت في القاهرة في الأيام اللي فاتت لو أعرف كنت قابلتك |
| المهندس منسي | : | لا ولا يهمك |
| العميل | : | يعني الخط بيتكلف في حدود كام يا باش مهندس؟ |
| المهندس منسي | : | ما هو المكنة نفسها اللي هتخلط بيبقى أسعارها بتبدأ من ، الخلاطة |
| العميل | : | اللي بتقلب فيها المواد |
| المهندس منسي | : | ولكن في حاجة، إنت مثلاً دلوقتي عايز تخلط، فإنت ممكن تخلط بـ، وممكن تخلط بـ 100 بس، يعني ممكن وحدة الخلط دي توفرها إنك تجيب خزان بلاستيك وتحط عليه وحدة من فوق وخلاص على كده، ما هو أنا بقولك دي بالذات مالهاش سعر محدد لسبب لأنه في واحد بيروح يبني بيته بالطوب، وفي واحد تاني يأسس ويعمل… دي بالذات وحدة الخلط إنت ممكن تجيب موتور بقلاب يقلب لك، وفي وقت تقولي لا يا باش مهندس اعملي خلاطة عشان شغلي يبقى على أصوله، ولكن في كل الأحوال عملية الخلط هتم هي هي |
| العميل | : | طب ومكنة التعبئة والتغليف؟ |
| المهندس منسي | : | في نص أتوماتيك وفي أتوماتيك كامل، النص أتوماتيك بتعمل والأتوماتيك الكامل بتعمل ، اضرب بقى × 18 |
| العميل | : | تمام.. طب ممكن تبعتلي يا باش مهندس الاثنين على الميل |
| المهندس منسي | : | ممكن تبعتلي بقى على الميل وأنا هتابع معاك |
| العميل | : | عشان أوريها للحاج برده عشان لو موجودة عندك تبعتها لي مش مشكلة |
| المهندس منسي | : | آه |
| العميل | : | أنا سعيد بمعرفتك يا باش مهندس |
| المهندس منسي | : | ده أنا اللي أسعد |
| العميل | : | والله العظيم أنا سعيد، وربنا يوفقك، ولو احتجت أي حاجة هنا برده إحنا أهلك زي ما اللي في ستاموني أهلك إحنا هنا برده أهلك |
| المهندس منسي | : | ربنا يخليك، معرفة الناس كنوز |
| العميل | : | لو احتجت أي حاجة تحت أمرك ومن غير أي مقابل، والله العظيم بكلمك بجد يا باش مهندس |
| المهندس منسي | : | ما أتحرمش منك أبداً |
| العميل | : | ماشي يا باش مهندس، مع السلامة |
