مكن تغليف الكرتونة بالشرينك من شركة المهندس منسي
العميل : السلام عليكم
مهندس منسي : وعليكم السلام ورحمة الله وبركاته
العميل : مهندس منسي معايا
مهندس منسي : أيوه اتفضل
العميل : معاك عرفة العشري
مهندس منسي : أهلاً بيك
العميل : الله يخليك
العميل : بقول لحضرتك في مكن تغليف عندك اللي هي الكرتونة، يعني إحنا مثلاً عايزين نغلف كرتونة بس
مهندس منسي : آه.. موجودة إن شاء الله
العميل : طب عامله كام يا باشا؟
مهندس منسي : هي الكرتونة مقاسها كام؟ عموماً المكن ده بيبدأ من على أساس بنحسب ال على 16
العميل : ماشي يا باشا
مهندس منسي : ماشي يا غالي
العميل : دي تغلف حجم أد إيه؟
مهندس منسي : تغلف لغاية ارتفاع 16 سم وعرض 26سم، الكرتونة بتاعتك تبقى ارتفاع 16
العميل : دي كده هتبقى صغيرة
مهندس منسي : عادي في حاجة تانية ارتفاع 20 × عرض 40، وفي حاجة تانية….
العميل : طب هوه معاك أهوه يا باشا
العميل : إيه يا باشا
مهندس منسي : إيه يا عم سمير
العميل : بص يا باشا العلبة اللي معايا 17 مربع من فوق 17 × 17 × ارتفاع 29 قول 30 سم، هحط أنا 6 كراتين في علب وعايز أغلفهم
مهندس منسي : لأ العلبة أبعادها إيه؟ الارتفاع كام؟ والعرض والطول كام؟
العميل : ما هو أنا بقولك العلبة الواحدة 17 × 17 × ارتفاع..
مهندس منسي : هوه 17 × 17 هوه ده اللي يلزمنا بس، أما الطول ما يلزمناش في حاجة
العميل : تمام.. يعني هوه أنا يفنع أحط الـ 6 يتغلفوا مع بعض، يعني الـ 6 شريط واحد يمسكهم
مهندس منسي : ما هو إحنا عايزين نشوفها بقى بحيث إن إحنا نقول إن البعد بتاعك أهوه.. بدل ما تدفع في مكنة أعلى يبقى تجيبلنا 6 علب
العميل : طيب حاضر.. أصل أنا لسه مصنع الكراتين لسه ما عملش إلا حتة واحدة عينة بس، فمش مشكلة نجيبها حضرتك تشوفها وتقولي إيه الصح إيه اللي يتعمل
مهندس منسي : مافيش مشكلة، أنا هبعتلك تليفون…
العميل : بقول لحضرتك أجيبلك واحدة ونقيسها كده اللي هي اللي معايا
مهندس منسي : مافيش مشكلة، هبعتلك تليفون المبيعات وإنت تابع معاهم
العميل : تمام.. أروحلهم فين؟ مش عندنا هنا في شارع المنسي؟
مهندس منسي : آه… في حدائق القبة، مدينة نصر، باب الشعرية
العميل : لأ بص يا باشا أنا ساكن في شارع المنسي
مهندس منسي : طب خلاص هبعتلك تليفون باب الشعرية وتابع معاه
العميل : تمام.. أنا ساكن في الشارع اللي هوه إنتم فاتحين فيه
مهندس منسي : طب كويس، ماشي يا غالي
العميل : مش عارف عرفة العشري أو عشري، بيقعد على القهوة بتاعت عرفة معاه عربية مرسيدس خضرا كده ساكن…
مهندس منسي : ممكن أكون عرفه…
العميل : ساكن في شارع أبو شلوع في آخر الشارع جوه
مهندس منسي : آه أهلاً وسهلاً
العميل : حضرتك أنا أخوه الصغير
مهندس منسي : أهلاً بيك اتشرفت بيك
العميل : حبيبي يا باشا، طب بكرة إن شاء الله أكلم حضرتك كده؟
مهندس منسي : لأ هبعتلك تليفون المبيعات دلوقتي تابع بقى معاهم
العميل : طب هتبعتهولي على الواتس يا باشا
مهندس منسي : هبعتهولك في رسالة على التليفون
العميل : ماشي مافيش مشكلة، ماشي يا ريس
مهندس منسي : مع السلامة
