مكن تغليف علب الحلويات من شركة المهنندس منسي

العميل: سلام عليكم

المهندس منسي: عليكم السلام ورحمة الله وبركاته

العميل: باش مهندس الله يكرمك كنت بسأل على مكن التغليف، مكن تغليف العلب وكده

المهندس منسي: هوه حضرتك عايز تغلف إيه؟

العميل: يعني مثلاً علب زي علب الحلويات كده، مثلاً عبوات كيلو ـ 2 كيلو….

المهندس منسي: عامله 3300

العميل: دي طبعاً تصنيعكم إنتم يا فندم؟

المهندس منسي: هوه إحنا بنصنع قطع الغيار بره وبنجمعها هنا، بس دي ماركتنا، يعني إحنا اللي عندنا الضمان لمدة سنة ضد عيوب الصناعة، و10 سنين توفير قطع الغيار لحساب العميل وكده يعني، الحاجة بنضمنها فعلاً يعني

العميل: طب حجمها أد إيه يا فندم، ممكن تغلف معايا لحد إيه؟

المهندس منسي: ارتفاع العلبة أعلى ارتفاع 16 سم، يعني تغلف من 1 ـ 16 سم، من مللي كمان ـ 16 سم

العميل: تمام

المهندس منسي: وبالنسبة للعرض معاك لغاية 20سم… استنى كده… لغاية 26سم تقريباً 26

العميل: تمام…

المهندس منسي: في بقى مقاس تاني بعد كده أعلى ارتفاع فيها 21 سم ارتفاع العلبة من مللي ـ لغاية 21 سم، والعرض لغاية 40سم، دي بتعمل 3850

العميل: طب واللي بعديها

المهندس منسي: اللي بعديها في 35 × 45، يعني من مللي لغاية 35 سم ارتفاع، وبالنسبة للعرض لغاية 45 سم، الطول طبعاً بالنسبة لنا معندناش مشكلة فيه لإن هي كده كده مستمرة

العميل: تمام… طب يا فندم بتعمل كام بقى المكنة الأخيرة دي؟

المهندس منسي: تقريباً 6000 ـ 6500 مش فاكر قوي

العميل: هوه مكانكم فين يا باش مهندس؟

المهندس منسي: إحنا عندنا حدائق القبة، مدينة نصر، باب الشعرية

العميل: أقربهم ليا مدينة نصر

المهندس منسي: ماشي هبعتلك أنا تليفون مدينة نصر دلوقتي حالاً

العميل: بعد إذنك ابعتلي تليفونهم يا فندم والعنوان تفصيلي لأن أنا مش من القاهرة أنا من رشيد بعيد يعني خالص

المهندس منسي: آه ماشي يا غالي

العميل: شكراً يا فندم