مكينة لحام أكياس اللامينيشن من شركة المهندس منسي

العميل: سلام عليكم

المهندس منسي: عليكم السلام ورحمة الله وبركاته

العميل: شركة المهندس منسي

المهندس منسي: أيوه

العميل: من فضلك كنت بسأل على مكنة اللحام بتاعت الأكياس اللامينيشن

المهندس منسي: آه موجودة أم سير

العميل: آه أم سير الأخضر ده

المهندس منسي: أيوه موجودة آه

العميل: طب هوه مكانكم فين يا فندم؟

المهندس منسي: إحنا عندنا حدائق القبة، مدينة نصر، باب الشعرية

العميل: طب فين في مدينة نصر

المهندس منسي: في آخر مكرم عبيد عند عمر أفندي

العميل: آخر مكرم عبيد…

المهندس منسي: آه عند عمر أفندي، هبعتلك أنا تليفونات مكرم عبيد وإنت كلمهم

العميل: طيب تمام متشكر قوي كتر ألف خيرك، طب هي عامله كام يا فندم؟

المهندس منسي:  200 وإحنا بنقبل بالمصري، إحنا بنسمي بس بال عشان خاطر الأسعار اللي عماله تتطلع

العميل: طب إحنا مالنا ومال ال خلينا بالمصري

المهندس منسي: ما هو عادي أنا مش هاخد منك بال، يعني إنت جبتلي بال يبقى خير، طب افرض جبتلي بالمصري ما أقدرش ما أخودش منك بالمصري

العميل: طب هوه ال بكام بقى النهاردة؟ بـ 8.5

المهندس منسي: إحنا بنحسبه على 12.5، إحنا شركة إنترناشيونال، إحنا شركة عالمية، فهوه دلوقتي ال طلع عندنا، ما نقدرش النهاردة… هوه النهاردة في السوق بـ 13.5، ما نقدرش نطلع وراه على طول لأنه هيحصل برجله في الناس عندنا، الناس عندنا هتتبرجل، فبنعمل إيه؟؟؟ بنثبت ونقول هنستمر على البرايز ليست دي لمدة شهر، فإحنا الشهر ده بنحسبه بـ 12.5

العميل: شهر 10 بـ 12.5

 

العميل: طب هي المكنة دي عليها ضمان يا باش مهندس؟

المهندس منسي:   طبعاً دي ماركة يا باشا ماركة

العميل: عليها ضمان أد إيه؟

المهندس منسي:  ضمان لمدة سنة ضد عيوب الصناعة و10 سنين توفير قطع الغيار لحساب العميل، دي شركة مساهمة مش شركة فردية، هي بس واخده اسم شخص عشان خاطر الحد ده هوه اللي بنى الأساس وهوه اللي عمل الرسومات وهوه اللي تعب وكده يعني

العميل: طب ماشي يا فندم أوكيه، متشكر لحضرتك…

المهندس منسي:  آه شركة عالمية مش شركة فردية

العميل: هوه حضرتك عندكم كل ماكينات التعبئة والتغليف متوفرة عندكم موجودة؟

المهندس منسي:  آه إحنا واخدين ماركة في 40 مكنة، ماركة عالمية، على مستوى 3 دول عالمية لغاية دلوقتي

العميل: هي صناعة إيه يا فندم؟

المهندس منسي:  بقولك ماركة، يعني براند، يعني إيه وحد الله؟ يعني إنت دلوقتي لما تجيب تليفون سامسونج أو تجيب تلفزيون توشيبا، بالمكونات اللي فيها إيه؟؟ ممكن تلاقيها صيني ممكن تلاقيها تايواني على ياباني…. متصنع فين مش قصتي، المهم إن هي براند

العميل: آه

المهندس منسي:  إحنا عاملين براند في 3 دول لغاية دلوقتي، وإن شاء الله بمشيئتك إنت يا رب على 2017 هيكونوا 7

العميل: ربنا يا رب يكرم الحال ويوفقك يا رب، هستنى التليفونات اللي حضرتك هتبعتهالي إس إم إس على التليفون

المهندس منسي: بتاعت مدينة نصر آه، حاضر

العميل: متشكر جداً لذوقك

المهندس منسي: تحت أمرك، مع السلامة