ميكسرات سينجل ودابل من شركة المهندس منسى
العميل: سلام عليكم
المهندس منسى: عليكم السلام ورحمة الله وبركاته
العميل: شركة إم تو باك
المهندس منسى: أيوه
العميل: لو سمحت مع حضرتك محمد لطفي من الشرقية
المهندس منسى: أهلاً بيك
العميل: الله يكرمك، أنا كنت بستفسر بالنسبة لصناعة الصابون السائل، هل ممكن ألاقي عندكم الميكسرات اللي بتخلط مكونات بتاعت الصابون السائل
المهندس منسى: عندنا آه
العميل: طب كنت عايز أعرف الخزانات بتاعتها السعة كام، والأسعار عامله إيه وكده يعني؟
المهندس منسى: سعات مختلفة، يعني في حاجة 100 لتر وفي 50 لتر، وفي 250 ، وفي 300 وفي 500
العميل: يعني كل السعات متوفرة، دي بتبقى بالماتور بتاعها بالقلاب وكده
المهندس منسى: آه.. كل حاجة
العميل: آه تمام، ومحبس من تحت وكلام كده
المهندس منسى: أكيد آه
العميل: تبقى ستالس بقى خالص
المهندس منسى: آه…
العميل: طب بالنسبة للأسعار بتاعتها عامله إيه؟
المهندس منسى: ما هوه الأول تحدد الميكسر بتاعك اللي هتحتاجه إيه، يعني…
العميل: يعني عايز حاجة اللي تبقى 250
المهندس منسى: آه أقولك آه أقولك الحسبة تبقى إزاي، إنت تقولي أنا محتاج أنتج في اليوم أد إيه، تعالى نحسبها سوى؟ إنت هتنتج في اليوم أد إيه مثلاً؟
العميل: مثلاً قول 100 كيلو مثلاً
المهندس منسى: 100 كيلو في اليوم، تروح تجيب ميكسر 250، إنت كبيرك 50 كيلو بس
العميل: والله
المهندس منسى: آه.. لأن الميكسر الـ 50 كيلو ده هيطلعلك 50 كيلو في 25 دقيقة يعني قول نص ساعة، يعني في الساعة هيطلعلك 100 كيلو
العميل: آه… تمام
المهندس منسى: وإنت أوردي بتبقى شغال في الخلطة، الخلطة الأولانية إنت بتبقى شغال فيها والتانية بتتجهز، يعني إيه؟ يعني إنت مش محتاج المساحات الكبيرة دي
العميل: آه معاك حضرتك حتى كبداية ممكن صح، بعد كده ممكن …
المهندس منسى: آه… وبعدين حتى كبداية إنت اشتغلت وجيت بعد كده زودت مافيش خساير، لأنه الميكسر الصغير برده هتحتاجه، هتحتاجه في السكارف لما تيجي تعمل منتج جديد هتقعد تدعيلي
العميل: تمام.. صحيح كلام حضرتك مضبوط جداً
المهندس منسى: بعدين بعد كده إنت هتحتاج كمان مكنة تعبية، هوه الميكسر الـ 50 لتر دوت بيعمل في حدود 600 ـ في الحدود دي
العميل: ال دلوقتي بـ 12 ولا 13
المهندس منسى: مش عارفين هوه بيطلع وبينزل ومجننا
العميل: آه تمام ربنا يستر علينا، خلاص تمام ده بالنسبة لماكينات التعبئة ديت بتبقى نص أتوماتيك ولا أتوماتيك
المهندس منسى: في نص أتوماتيك وفي أتوماتيك، إنت مش محتاج الأتوماتيك في حاجة خالص دلوقتي، ده مش محتاج كمان نص أتوماتيك إنت محتاج كمان حاجة اسمها ديسك توب عندنا
العميل: ديسك توب..
المهندس منسى: ديت بتعمل 350 سعرها
العميل: 550 ، دي بتبقى عبارة عن إيه يا باش مهندس تقريباً؟
المهندس منسى: بتبقى بامب كده، بتبقى مكنة كده عامله زي كمبيوتر كده بتحطها على المكتب وبتحط الخرطوم بتاعها في التنك بتاعك، وبتروح معايرها إنها تنزلك كذا مللي، وتروح دايس عليها تروح منزلالك الكمية بتاعتك
العميل: آه تمام، بس كده مش أكتر من كده
المهندس منسى: بعد كده المشروع بتاعك اشتغل، عرفت الدنيا وتوكلت على الله والدنيا اتحركت معاك تبدأ تكبر أكتر وأكتر وأكتر ويا مسهل يا رب
العميل: طب بالنسبة للفوارغ اللي بيتعبى فيها الصابون، هل بتصنعوه؟
المهندس منسى: دي بقى إحنا بنشتغل فيها على حسب خصوصية العميل، يعني إيه؟؟ يعني إن إحنا بنصنع الاسطمبة الأول وبناء على الاسطمبة بنبدأ ننفذ العبوة، ولكن إنت طالما في الأول إنت ممكن تشتري من أي حد في السوق، وأنا معرفش ولا حد في السوق، قلت معرفتهم أحسن
العميل: تمام.. يعني تبقى حاجة مبدئية كده تشوف الأول المنتج بتاعك هيعمل إيه..،آه.. آه… طب بالنسبة كده للمشروع مشروع الصابون مش محتاج أكتر من اللي هوه الميكسر ومكنة التعبئة..
المهندس منسى: آه.. آه هوه الميكسر وتعبئة وتوكل على الله، عندك الميكسر الـ 50 كيلو ده قادر إن يعملك في اليوم 1200 لتر، بس وزعهم إنت في الأول وربنا ييسر
العميل: أظن شغل المكن ده كله 2 فاز عادي
المهندس منسى: آه كل المكن بتاعنا بدون استثناء شغالين على الـ 220 إلا إذا طلب العميل 360 بنعمله، إنما إحنا بنشتغل الاستاندر في السوق 220
العميل: خلاص تمام ماشي يا باش مهندس، معايا المهندس منسي
المهندس منسى: أيوه
العميل: ماشي يا باش مهندس إحنا فرصة سعيدة إني سمعت صوت حضرتك والله
المهندس منسى: يا الله سلام
العميل: متشكر خالص يا باش مهندس.. متشكر خالص سلام عليكم
