نفق شرينك موديل 101 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | شركة المهندس منسي |
| المهندس منسي | : | أيوه |
| العميل | : | مع حضرتك محمود حسن المروة فودز للصناعات الغذائية |
| المهندس منسي | : | أهلاً وسهلاً |
| العميل | : | أهلاً بحضرتك، أنا كنت بسأل على نفق شرينك 40 × 50 |
| المهندس منسي | : | هو المنتج عندك أبعاده إيه؟ |
| العميل | : | عندي 26 عرض × طول 32 × ارتفاع 27، إزازة خل ده أعلى حاجة عندي، عندي برطمانات المخلل بعد كده |
| المهندس منسي | : | في مكنة سير تشتغل معاك كويس قوي، هات المنتج بتاعك وقولهم عايز أشرنك ده، إيه أنسب مكنة موجودة |
| العميل | : | المفروض إن إحنا هنحط التريه بالأزايز أو البرطمانات وبنحط عليه الشرينك نفسه، البلاستيك، وندخله الفرن، مش هي دي الفكرة بتاعت النفق؟ |
| المهندس منسي | : | آه إنت يا تحطها في صورة كم كده مفتوح من الناحيتين، يا تحطها في صورة كيس، يا تلفها وتلصقها وتقلبها |
| العميل | : | لا هنحطها في كم كده وندخلها وهو يشرنك على المنتج نفسه |
| المهندس منسي | : | أيوه ويطلعها قالب متكلبش في بعضه كده |
| العميل | : | مضبوط آه، ده في منه بضاعة حاضرة النفق ده |
| المهندس منسي | : | كل البضاعة اللي عندنا بضاعة حاضرة، إحنا براند، ماركة عالمية |
| العميل | : | أنا عارف يا فندم، أنا عارف إن عندك مصنع في الصين، وعندك خدمة ما بعد البيع |
| المهندس منسي | : | أنا ما عنديش مصنع في الصين، أنا عندي معرض بيبيع مكن في الصين، ولكن إحنا بنعمل تصميمات ونصنع قطع الغيار هناك ببرامجنا إحنا، بالفلزات اللي إحنا بنختارها، وبعد كده بنجمعها، عشان كده تفوقنا في الجودة، وتفوقنا في السعر، وتفوقنا في الفنيات وفي خدمة ما بعد البيع |
| العميل | : | ربنا يوفقك يا باش مهندس |
| المهندس منسي | : | يكفي إنك لما تحتاج قطعة غيار تلاقيها، تحتاج فني تلاقيه، مش جاي تايه، زي الفني بتاع التوكيل |
| العميل | : | تمام.. الله ينور يا هندسة، النفق ده يعمل كام يا هندسة؟ |
| المهندس منسي | : | يبدأ من يعني 7200 جنيه مصري |
| العميل | : | أنا كنت عايز أشوف صورة ليه، ينفع؟ أو أجيلك في يوم… |
| المهندس منسي | : | أنا شايف إن الصور والحاجات ديت مش هتفيدك في حاجة أكتر من أنه بضاعة حاضرة، هتجيب منتجك وتجربه وإنت واقف، لو ما عندكش استعداد للشراء دلوقتي ولا أي حاجة، عادي |
| العميل | : | لا إن شاء الله نشتري، إحنا خلاص عبينا المنتج، خلاص واقفين على النفق يعني |
| المهندس منسي | : | كل اللي عليك هتجيب منتجك وهتيجي هيقولك آدي الموديلات، آدي المكنة اللي هتلائمك أهي |
| العميل | : | أبعادها الخارجية كام يا هندسة؟ |
| المهندس منسي | : | يعني تتحط على مكتب |
| العميل | : | هي مش في واحدة بتتحط على سير؟ |
| المهندس منسي | : | ما هو كل اللي عندي دلوقتي بسير |
| العميل | : | تمام.. هي طولها أد إيه؟ |
| المهندس منسي | : | النورمال يبقى طولها 135 سم، إنما فوق أو تحت |
| العميل | : | تمام.. تمام.. طب حضرتك المكان بتاع باب الشعرية اللي بدخله من عند بركات كده، ولا في مكان تاني، اللي في مكن متاح؟ |
| المهندس منسي | : | كله في مكن متاح، إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور، وقريباً إن شاء الله المعادي |
| العميل | : | بإذن الله، طب أنا جارك في المعادي بقى |
| المهندس منسي | : | جنب كارفور |
| العميل | : | ربنا يوسع عليك يا باش مهندس، أخدت في المعراج |
| المهندس منسي | : | آه |
| العميل | : | طيب يوم السبت بتبقوا شغالين يا هندسة؟ |
| المهندس منسي | : | آه إحنا شغالين دايماً من 11 صباحاً إلى 9 مساء طول أيام الأسبوع ماعدا يوم الجمعة الأجازة الأسبوعية |
| العميل | : | تمام يا هندسة، خلاص هاجي لحضرتك يوم السبت إن شاء الله، إنت بتبقى موجود إمتى عشان أتشرف بيك |
| المهندس منسي | : | ربنا يكرمك، هو أنا دايماً بكون موجود من 5-11 إنما هو الرجالة هناك هيقوموا معاك بالواجب على أكمل وجه |
| العميل | : | خلاص تمام يا هندسة، ماشي يا هندسة، إن شاء الله يوم السبت هروح وأكلم حضرتك من هناك برده |
| المهندس منسي | : | إن شاء الله تيجي تنورنا |
| العميل | : | كتر خيرك يا فندم، مع ألف سلامة |
