سلندر ماكينة فلسكو من شركة المهندس منسي
العميل : سلام عليكم
المهندس منسي : عليكم السلام
العميل : باش مهندس منسي معايا
المهندس منسي : أيوه
العميل : مساء الخير يا فندم
المهندس منسي : مساء الخير
العميل : لو سمحت أنا جيبت رقم حضرتك بتاع الواتس آب
المهندس منسي : بتاع إيه؟
العميل : الواتس آب بتاع إم تو باك
المهندس منسي : آه..
العميل : كنت بقرا مقالة عن الفلكسو والروتو فمرسي جداً على المعلومات المهمة جداً دي
المهندس منسي : الله يبارلك
العميل : بس كنت عايز أسأل حضرتك سؤال سريع، هوه كنت عايز أعرف يعني تكلفة السلندر نفسه بتاعت الفلكسو بتبقى في حدود كام تقريباً؟
المهندس منسي : لأ هوه الفلكسو ما بيبقاش سلندر، الفلكسو بيبقى كاوتش
العميل : يبقى كاوتش
المهندس منسي : إنما الروتو هوه اللي بيبقى سلندر، تكلفته عندنا إحنا 100
العميل : 100 ، ده الفلكسو
المهندس منسي : لأ ده الروتو
العميل : ده الروتو 100
المهندس منسي : يبقى تكلفة الروتو 100 في اليوم، يعني اليوم بيكلفني 100 تجهيزات
العميل : صح مضبوط؟
المهندس منسي : مضبوط آه
العميل : طب والفلكسو؟
المهندس منسي : لأ الفلكسو أنا معرفش، الفلكسو ده حاجة قديمة أنا مابشتغلش بيها
العميل : مابقيناش نشتغل بيها…
المهندس منسي : أنا عن نفسي مابشتغلش بيها، معرفش غيري، أنا عن نفسي ما أرضاش إن اسمي أحطه على حاجة فيها فلكسو، أو أنا أشتغل بحاجة.. المفروض إن أنا دلوقتي تقدمت، وصلت لأعلى جودة، النهاردة.. يعني مينفعش المهندس منسي يشتغل بحاجات قديمة
العميل : آه…
المهندس منسي : فهمتني…
العميل : هوه حضرتك المطبعة بتاعت حضرتك فين
المهندس منسي : إحنا في 6 أكتوبر
العميل : في 6 أكتوبر.. تمام، أصل أنا كنت دلوقتي بحاول أعمل زي تصميم كده لعلبة هتتطبع الكافر بتاعها هيطبع فلكسو…
المهندس منسي : هوه إنت التعامل بتعاك مش هيبقى عن طريق المطبعة، إنت التعامل بتعاك هيبقى الإدارة أو عن طريق الفروع بتاعتنا، إحنا عندنا حدائق القبة، مدينة نصر، باب الشعرية، 6 أكتوبر (1)، 6 أكتوبر (2)….
العميل : تمام.. أصل أنا كنت بعمل التصميم ده فكنت حابب أعرف مش عايز التصميم يكلف كتير في الطباعة، فكنت عايز أسأل حضرتك هل هي بتفرق كتير قوي لو أنا مثلاً لون أو 2 أو 3، فرق الألوان ده بيكلف زيادة قوي ولا…
المهندس منسي : لأ هوه إنت لو عملت فيه.. بالنسبة لنا إحنا لو عملت 2 زي ما تكون عملت 4 لون، ولا تفرق معانا، هوه هوه السعر واحد
العميل : يعني الـ 2 لون زي الـ 4 لون، طيب خلاص..
المهندس منسي : هوه إحنا بالنسبة لنا بنطبع طريقة الطباعة بتاعتنا بتبقى زي الأوفست، شبكات بتاعتها زي الأوفست وبتبقى 6 لون و7 لون وحاجات من ديت، زي الأوفست، حضرتك بتجيبلنا التصميم بنطبعلك كل الألوان، يعني العملية عندنا باكدج مش باللون
العميل : آه… يعني الكثافة بتبقى كلها على بعضها، مش باللون
المهندس منسي : آه… مضبوط آه
العميل : تمام جداً.. جداً.. جداً، طب بالنسبة بقى للشبكات هل الشبكات بتطلع في الروتو ناعمة قوي ولا بتبقى باينة
المهندس منسي : لو بتتكلم في الأوفست 120 هي 195 يعني أعلى من الأوفست بـ 50%، يعني للأسف إنت مش عارف يعني روتو، اعمل البحث عليه وشوف الجودة بتاعته، ده أعلى جودة في الطباعة في العالم فهمتني
العميل : تمام
المهندس منسي : فإحنا بنتكلم في جودة 185 ـ 195
العميل : تمام… حلو قوي الكلام ده
المهندس منسي : يعني الشغل بتاعها عالية جداً.. جداً.. جداً، واخد بالك
العميل : تمام..
المهندس منسي : اللي هي بيطبع منها التغليف الحديث اللي هوه بتشوفه دلوقتي، كيس سكر الأسرة، الشمعدان، الأكياس اللي هي التغليف العالية، ده بقى شغلنا، أما الحاجات اللي هي أدنى مستوى ديت مش تبعنا، اللي هي الفلتو ديت ده أدنى مستوى، فمش تبعنا
العميل : آه… يعني دلوقتي لما أقابل …
المهندس منسي : هتلنا أي منتج دلوقتي من المنتجات اللي هي متغلفة دلوقتي التغليف الحديث واخد بالك، الحاجات اللي تلاقيها راقية قوي ودرجة الطباعة بتاعتها عالية قوي هي دي الروتو
العميل : حلو قوي، يعني لو لقيت الطباعة عجبتني يبقى دي الروتو، ولو لقيت الطباعة مش عجباني يبقى فلكسو
المهندس منسي : أكيد ما هي ملهاش حل آه.. هي الناس بتتقدم ولا بتتأخر
العميل : المفروض والله الناس تتقدم، هوه اللي أنا…
المهندس منسي : آه هوه الروتو أعلى حاجة، يعني الروتو أعلى أنواع الطباعة دلوقتي حالياً، غير كده يبقى بنضحك على بعض، بنغش بعض
العميل : مضبوط، أنا مش عايز.. لقيت نفسي محطوط في الموقف ده، الزبون نفسه معندوش أي فكرة عن طباعة الروتو والكلام ده..
المهندس منسي : آه ما أغلب الناس ما يعرفوش آه
العميل : مش عايز أعمل تصميم يطلع مكلف قوي في الطباعة فيقوم الراجل ما يعرفش يعمله
المهندس منسي : بص هقول لحضرتك على حاجة ما يعرفش يعمله يبقى ما يعملوش لسبب بسيط لأنه لو هيشتغل بالتغليف الحديث ما هوه في الآخر إيه إنت بتبيع إيه؟ إنت بتبيع كيس، واخد بالك، يعني إنت النهاردة كيس الشيبسي ده فيه إيه؟ في بطاطس بأد إيه؟ يعني امسك حجم الكيس.. 5 قروش واخد بالك
العميل : آه..
المهندس منسي : هوه اللي ببيع كيس الشيبسي ولا ببيع كيس البوزو أو السناكس ببيع سناكس؟ ببيع كيس، فالنهاردة لما ييجي يعملي كيس عشان يسترخص ويلمها ما هوه في الآخر مش هيلاقي حاجة، لأنه هوه بيبيع كيس، في الآخر هوه ببيع كيس أنصحه بكده، لو مش هتقدر تعمله ما تخشوش من بابه، فهمتني إلا إذا كنت إنت بقى محتاج الشغلانه بقى اعملها وزي ما تيجي
العميل : إيه؟
المهندس منسي : إلا إذا كنت إنت محتاج الشغلانة تخلص، يعني محتاج الشغلانة تعمله التصميمات بتاعته يعني..
العميل : هوه أنا بص أنا لو عليا أنا عايز أخلص واخد بالك، وبرده…
المهندس منسي : أنا هقولك على حاجة، أنا اتعودت طول عمري إن أنا أنصح العميل بما يرضي الله حتى لو مش هيعمل عندي، أو حتى لو مش هيعمل الشغلانة، واخد بالك
العميل : آه..
المهندس منسي : حتى لو مش هيعمل الشغلانة، أنا بنصحه بما يرضي الله
العميل : بالضبط
المهندس منسي : أصل أنا هتعشا على حسابه ليه؟ يعني فهمتني إزاي، يعني إنت دلوقتي بتقولي أنا خايف إن هوه ما يعملش، ما خلاص ما يعملش، لو هوه إمكانياته ما تساعش يستنى لما إمكانياته تساع، لأنه في الآخر لو نزل الكيس بجودة أقل ما هوه في الآخر هينهزم، وهيقعد يدعي بقى علينا ويدعي على كل السبب فيه، المشكلة برده…
العميل : لا هوه أساساً بدرسها قبل ما ابدا السكة خالص فكنت عايز أعمل… كنت عايز أسأل حضرتك فيها اللي هي النقشات دي…
المهندس منسي : ما هوه أنا بشتغل الصح وبس، حتى لو ما اشتغلتش الشغلانة، بقول الصح وأمري إلى الله
العميل : حلو جداً..
المهندس منسي : ده أوقات ببص ألاقي عميل جالي بعد 3 سنين، ده لما أنا نصحته بما يرضي الله وقولته على الصح، والشغلانة طارت خلاص بقى، ألاقي العميل بعد 3 سنين، يقولي أنا لفيت ملقتش حد محترم زيك، واخد بالك، وييجي يفردلك بقى كل الشغل اللي عنده ويقولك كيفما تشاء اعمل فهنا إنت خسرت على المدى البسيط، بس على المدى المستقبل لأ الحمد لله، طالما اسم الواحد نظيف خلاص
العميل : هوه ده اللي أنا حبيت أتأكد من حضرتك فيه، عشان كده كنت حابب أسأل في الحتة دي، يعني في أكد على المعلومة…
المهندس منسي : عايز تعمل سيرش على موضوع الروتو والفلكسو اعمل باي إنجلش مش تعمله بالعربي، بالعربي ده شوية هليبه
العميل : لا ما أنا هعمله بالإنجليزي بس هي الفكرة حابب أسأل على أسعار الحاجات دي في مصر، يعني أنا آخر حاجة أسمعها إن السلندر ده بيكلف كتير قوي في اليوم الواحد…
المهندس منسي : ما هوه ده الجديد في شركة المهندس منسي، ده الجديد عندنا، إن إحنا وفرنا السلندر بـ 100 ، لأنه هوه كانوا بيبوعوا في مصر بـ
العميل : آه..
المهندس منسي : فإحنا وفرنا بـ 100 ، وعملنا حاجة تانية بقى، عملنا إن الباكدج كله على بعض بـ ، 6 سلندرات بـ ، أي كان بقى عدد الألوان، إحنا بنوفقها
العميل : حلو قوي
المهندس منسي : وعملنا كمان في المانيمام برودك عملنا كمان ربع طن، وصلنا كمان لربع طن، لأن كان مشكلة الروتو إنه مش هيقدر يطبعلك أقل من 2 طن، وده طبعاً مقصود، علشان خاطر الشركات الصغيرة متقدرش توصل للشركات الكبيرة
العميل : آه…
المهندس منسي : يعني الشركات الكبيرة عندها مقدرة إنها تعمل 5 طن، و10 طن، و2 طن، فهنا لما عملوا التقنية ديت عملوا التقنية ديت علشان الشركات الكبيرة محدش يقدر يوصلها
العميل : آه.. تمام، بس حضرتك دلوقتي عندك ربع يعني إحنا ممكن نطبع عند حضرتك…
المهندس منسي : عندي أنا.. عندي أنا بس أنا فريد من نوعي، يعني مش هتلاقي حد عنده في جمهورية مصر العربية التقنية دي خالص اللي هي تقنية إن هوه يقدر يعملك ربع طن روتوجرافيك مش هتلاقيها، أنا فحرت فيها لغاية ما وصلتلها، لغاية ما وصلت إن أنا أعملها يعني
العميل : ما هوه بالضبط…
المهندس منسي : فدي المميزات اللي هتلاقيها عندي، دي الميزة…
العميل : طب مرسي جداً أنا كده غالباً هكلم حضرتك تاني لو هوه الراجل خد.. يعني لو دخلنا في المرحلة بتاعت الطباعة إن شاء الله هكلم حضرتك قريب تاني، وخصوصاً إن هي حتة الربع طن بتهيقلي بالنسبة له هوه مهمة يعني، هوه بيتكلم في أقل حاجة…
المهندس منسي : هوه حضرتك ديزاينر؟
العميل : آه أنا جرافيك أساساً
المهندس منسي : آه.. طب ممكن تشرفنا بالزيارة
العميل : هي بس المشكلة في مشوار 6 أكتوبر بالنسبة لي صعب، أنا محبوس في مصر الجديدة تقريباً طول حياتي
المهندس منسي : لا هوه أنا عندي فرع في مدينة نصر وعندي فرع في باب الشعرية موجود من 5-11 في باب الشعرية، وبرده من 5-11 في مدينة نصر يوم السبت لو حضرتك تسمح تقبل تشرفنا بالزيارة لأنه أنا أردي عندنا تصميم كتالوج هننزل نعرض في الصين في معرض كانتون ، إحنا هنبقى عارضين مش العكس، لأنه المتبع دائماً المصريين بيبقوا همه الزوار، إحنا النبه دي إحنا اللي هنبقى اللي عارضين
العميل : طب حلو جداً ألف مبروك طبعاً مبدئياً…
المهندس منسي : ما أنا كل ما أكلم حد أقوله إيه رايحين هنعرض في معرض الصين، يقولك والتذكرة بكام ومش عارف إيه، يا جماعة إحنا عارضين، همه مش متعودين إن إحنا نعرض في الصين…
العميل : إحنا طول حياتنا متعودين نروح الصين نشتري مش نشتغل
المهندس منسي : متعودين إن إحنا ناخد المصروف، إحنا عايزين إن إحنا اللي ندي المصروف بقى فإحنا إن شاء الله هنعرض في معرض كانتون فعايزين تصميم يكون تصميم كده يعني حد يعني دماغه عالية هي اللي تعمله
العميل : طب توكلنا على الله، لأ إن شاء الله أنا هبعت لحضرتك دلوقتي التصميم بتاعي لو في إس إم إس لو حضرتك تحب تبص عليه، وأنا إن شاء الله هكلمك نتقابل نشرب القهوة هنا في مدينة نصر
المهندس منسي : ماشي يا غالي
العميل : مفيش أي مشاكل، اسمحلي بس…
المهندس منسي : لو عايز برده تقابلني هنا في باب الشعرية مافيش مانع، براحتك
العميل : هأحاول على أد ما أقدر، بس هوه هنا مدينة نصر أقرب لأن زي ماقلت لحضرتك أنا تقريباً محبوس في مصر الجديدة بقالي فترة طويلة يعني، طول الأجازات وخصوصاً اليومين دول عشان الراجل ده كان عايز يخلص الحاجات بتاعته…
المهندس منسي : هوه أنا في مصر الجديدة ورا رئاسة الحي
العميل : رئاسة حي مصر الجديدة، ده اللي هي ورا المحكمة
المهندس منسي : آه..
العميل : طب ده إنت عند محكمة مصر الجديدة
المهندس منسي : آه عند محطة ميرا
العميل : محطة ميرا، بتاعت إيه دي
المهندس منسي : آدي المحكمة المحطة اللي بعديها على طول، اسمها محطة ميرا، بس إنتو بقى بتقولوا عليها عبد العزيز فهمي، بس اسمها ميرا
العميل : آه.. ده قريب مني جداً إنت عارف أنا فين، أنا في ميدان الحجاز
المهندس منسي : آه.. آه…
العميل : لو كده ياريت نتقابل هنا في أي وقت بقى أنا تحت أمرك وقت ما تكون فاضي يا ريت تقولي، أنا أي يوم بعد الساعة 6 معاك شوف تحب نتقابل إمتى ونتقابل، خليني مع حضرتك
المهندس منسي : إنت بتبقى موجود في مكتبك بعد الساعة 6؟
العميل : لأ أنا بخلص شغل الساعة 6 آه… بعد كده فاضي، وساكن قريب منك يعني حضرتك في المحكمة وأنا…
المهندس منسي : أنا بروح مصر الجديدة الساعة 12 بالليل
العميل : ولا يهمك، حضرتك لو كده لو حابب نتقابل في أي وقت بما إننا جيران يعني
المهندس منسي : أنا بروح البيت متأخر، بس بنزل مثلاً على الساعة واحدة، الساعة 11 ـ 12 كده يعني
العميل : خلاص خلينا مبدئياً نتقابل يوم السبت أكيد في مدينة نصر ولينا قعدات كتير مع بعض إن شاء الله
المهندس منسي : إن شاء الله
العميل : يعني هوه معملش حسابي قوي على حتة التكلفة لما لقيت الراجل بيكلمني معلوماتي في الحاجات على أدي….ما فمهمنا وبسطناه على الآخر، لدرجة إنت عارف الكتالوج اللي حضرتك هتعملهولي دوت، أو هتعملي التصميم بتاعه دوت أنا هطبعه إيه؟ هطبعه روتوجرافيك
المهندس منسي : مش أوفست؟
العميل : لا مش أوفست، عايز أطبعه روتوجرافيك
المهندس منسي : ما هوه العملية إيه، العملية لازم تقول أنا المهندس منسي، معايا، ما هو لعملت أوفست ما أنا عملت زي أمة لا إله إلا الله ما عملت، ما أنا عايز أقول أنا المهندس منسي، يبقى لازم أحط لمستي، فهمتني إزاي، لازم أحط اللمسة بتاعتي، إن اللي يمسكه أول استسفتاح كده قدمتله رسالة، يعني اللي يمسك الكتالوج بتاعي أول حاجة أنا بقدمله رسالة بقوله خلي بالك الكتالوج ده مش معمول بأي تقنية
العميل : يعني من الآخر كده إنت بتمسكه سابقة أعمال
المهندس منسي : الله ينور عليك
العميل : فأنا عايز إيه تصميم فريد من نوعه، وبناء عليه، لأن هوه نجاح العمل بيعتمد على خمس عوامل أو ست عوامل، أول حاجة التصميم، أول حاجة أول البوابة، لازم التصميم يكون بينطق، بيقول
المهندس منسي : إن شاء الله نرفع راسك في الحتة دي ما تقلقش بعد كده السلندرات، لازم تكون السلندرات إيه وان، مضبوطة، بعد كده الطباعة، بعد كده اللامينيشن، واخد بالك
العميل : بالضبط بالتضبيطات بقى…
المهندس منسي : آه.. آه… هنا النهاردة أول حاجة التصميم، فمن أوله لو إنت عملت التصميم مش مضبوط في الآخر إنت لو كل الحاجات ناجحة خلاص، ما هوه حارس المرمى أساساً واقع
العميل : مش شرط ممكن حلاوة الطباعة هي اللي تشد…
المهندس منسي : ولا أي حاجة، فهي عدد المراحل لازم أعديها 100% كلها لأن أي مرحلة فيهم بتوقع المراحل اللي بعديها أو اللي قبليها
العميل : بالضبط.. بالضبط، طب خلاص يعني كده أكيد حضرتك تقبل عزمتي على القهوة يوم السبت مبدئياً بعد كده في أي وقت نشوف هنعمل إيه…
المهندس منسي : ما أنا بقول لحضرتك تشرفني يوم السبت عشان تاخد الشغل معاك في إيدك ونقعد مع بعض نقول رؤية مثلاً وبعد كده يا سيدي القهاوي إحنا هنشرب قهاوي لما نقول يا بس
العميل : خلاص ده أكيد مفيش أي مشاكل، يوم السبت إن شاء الله هكلم حضرتك ونتقابل على طول، أنا بس كنت حابب إن، بس هي حتة الربع طن بـ 100 المهندس منسي : دي دي حضرتك بس اللي بتعمل كده، مش ده الأسعار الطبيعية اللي في السوق لأ لف العالم، مش مصر بس، لف العالم، وعلى فكرة أنا مش بطبع لمصر بس، أنا بطبع لإيطاليا لألمانيا وأمريكا، واخد بالك عامل شغل بره أكتر من مصر يعني، ليه؟ لأنه اللي هوه أنا احترفت السوق الجديد، أنا دائماً وأبداً متعود إن أنا أستخدم علمي العلم اللي ربنا رزقني بيه أكتر من أي حاجة تاني، فأنا احترفت السوق بالنقطة دي، نقطة السلندر 100، أقصى عدد للسلندرات 6، واخد بالك، مهما كان عدد الألوان، الضربة التالتة اللي هي 250 كيلو
العميل : ده أخبار بصراحة حلوة جداً جداً جداً
المهندس منسي : أخبار مفرحة آه
العميل : والله أنا استريحت للراجل
المهندس منسي : ده كمان في حاجة النهاردة الزباين بتوع الأوفست أوقات بييجوا يعمله شغلهم عندي، يعني كمان وفرت في الأوفست، النهاردة لما تييجي تاخد شغل متسلفن جاهز و… و… و… ليبول مثلاً، بتوع الليبول برده بقوا يطبعوا عندي، فهمتني إزاي
العميل : آه…
المهندس منسي : فهنا لأ طباخ السم… لسه بقى الجديد اللي أنا ببحث فيه الديجيتال
العميل : ياريت
المهندس منسي : آه.. آه…
العميل : ياريت بصراحة عشان الديجيتال هنا في مصر يعني حالتنا فيه صعبة قوي
المهندس منسي : لا إن شاء الله الجديد بقى ببحث في الديجيتال اللي هوه رول تو رول، مش شيت تو شيت
العميل : يعني ما بيتحطش ورق متقطع زي المكن اللي إحنا بنشوفه ده
المهندس منسي : هوه أساساً بيطلع رول تو رول وبعد كده يتقطع شيت
العميل : آه… يبقى حلو الكلام.. حلو
المهندس منسي : بس هوه الرول تو رول ده بيعمل حاجة اسمها ماكس برودكشن، كمية إنتاج عالية وسرعة، يعني مثلاً المنتج اللي هيخلص مثلاً في 48 ساعة بيخلص معاك في نص ساعة
العميل : ده هيبقى أسرع من الأوفست كمان، ده يبقى حاجة جميلة
المهندس منسي : على أساس الرول، ما إنت لما تيجي تشتغل بالرول فتلاقي السرعة بتاعتك عدت جامد عن الشيت، لأن الشيت بتعمل إزاي، الكباسات بتنزل وتسحب وتحط، وكده، إنما الرول إيه ده حاجة مستمرة
العميل : بالضبط.. زي الجرايد كده
المهندس منسي : آه.. ده حاجة مستمرة، فهتلاقي السرعة عالية جداً، بالرول هتلاقيها عالية عالية يعني، غير الشيت، الشيت بيروح ساحب التأخير بيبقى في إيه؟ التأخير أول حاجة في إن الكباسات تطلع وبعدين تنزل، وبعدين تشفط الورقة، وبعدين تاخد الورقة وتطلع بيها فوق تاني، وتيجي تروح ساحبها وتروح حطاها في مكانها، والتانية تهزها وتضبطها زيرو زيرو وبعد كده تبدأ تشتغل، الله طب ما المراحل ديت إحنا لما بنيجي نشتغل رول تو رول ما هي كلها بتتوفر
العميل : بالضبط… وبعد كده أقطع براحتي
المهندس منسي : عشان كده هتلاقي تخش مطابع الأهرام المطابع العالية اللي هي إيه الماكس برودكشن، إنتاجية عالية، تلاقيهم شغالين رول تو رول
العميل : بالضبط، بس دي هتأثر على الأسعار اللي بتنزلها طبعاً ولا…
المهندس منسي : طبعاً… ما هوه معنى إن إنت بتنتج ماكس برودكشن معنى إن إنت سعرك بيبقى في الأرض، ما هوه إنت النهاردة في الآخر في حاجة اسمها تكلفة ثابتة وتكلفة متغيرة، تكلفة ثابتة يعني إيه؟ اللي هوه المهندس اللي واقف على المكنة أو الفني اللي واقف على المكنة، والمساعدين بتوعوا
العميل : آه…
المهندس منسي : دول تكلفة ثابتة واقفين، واقفين هنا، وواقفين هنا، واخد بالك، فهنا المكنة دي بتنتج في اليوم نص طن، المكنة رول تو رول بتنتج في الساعة حوالي طن، فهنا التكلفة الثابتة هتتقسم، فهنا يعتبر طالعه ببلاش، أما التكلفة المتغيرة هي الأحبار، دي تكلفة متغيرة، كل ما زادت الكمية كل ما زادت معاها الأحبار
العميل : بالضبط، بس كده كده ما أعتقدش إنها هتأثر على السعر قوي
المهندس منسي : يا راجل يا طيب، النهاردة مصيبة أي مصنع
العميل : بص أنا جيتلك على الاسم من الأول.. أنا مليش.. يعني ما عنديش.. خبرتي غير ممتدة
المهندس منسي : مصيبة أي مصنع النهاردة أو التكلفة بتاعت أي منتج النهاردة بقت موجودة في حاجتين اتنين، الطاقة، وإحنا كنا الأول معفيين منها بس بدأنا نخشها، الطاقة اللي هي الكهرباء، أو الطاقة.. الوقود عموماً يعني، القوة المحركة يعني، الطاقة والأفراد اللي هوه الأيدي العاملة البشر
هوه النهاردة المكتب بتاع حضرتك قايم على إيه؟ قايم على الأفراد
العميل : بالضبط
المهندس منسي : يعني إنت النهاردة الأفراد بتوعك همه رأس مالك، همه المكونات بتاعتك
العميل : بالضبط.. هوه الموضوع ان البني آدم زي ما بيقولوا…
المهندس منسي : آه.. آه هنا النهاردة إنت لما بتيجي تدفع حق مكنة إنت بتدفعها مرة واحدة في العمر، يعني إنت لما…
العميل : إنما الشخص إنت بتتدفع…
المهندس منسي : آه… دي بقى اسمها تكلفة ثابتة، تكلفة ثابتة يعني إنت النهاردة محتاج إيه، محتاج رئيس وردية ومحتاج تحت إيده على الأقل 3 مساعدين، يعني إنت النهاردة بتتكلم في 4، النهاردة اشتغلت بمكنة واحدة همه الـ 4 موجودين، اشتغلت بمكنتين همه الـ 4 موجودين اشتغلت بـ 3 موجودين همه الـ 4 موجودين، اشتغلت بمكنة مانيم برودكت يبقى هتضطر تجيب عليها عمالة زيادة، اشتغلت بالماكس برودكت يبقى الـ 4 دول هيقدروا يشغلوا 5 ـ 6 مكنات
العميل : بالضبط..
المهندس منسي : شوف الـ 4 دول تكلفتها النهاردة بقت كام؟ النهاردة يومية العامل النهاردة بقت سعرها غالي، بقت مشاركة في الأرباح جامد، بقت ضالعة في الأرباح جامد… ما علينا طولت عليك ودخلتك في مشاريع…
العميل : لا بالعكس ده أنا مبسوط جداً بالكلام ده، مرسي جداً وضحتلي الحتة بتاعت الإعلان دي أنا كنت فاكر إن إحنا كنا بنتكلم في سعر 30 و40 ألف جنيه وحاجات كده
المهندس منسي : آه.. لا الحمد لله هوه حظك تقريباً يعني أو كده، هوه فضل ربنا الحمد لله الوحيد اللي حلها على مستوى العالم، وأتحدى اكتبها باي إنجلش كده، الوحيد اللي حلها على مستوى العالم هوه الباش مهندس منسي، وعايز حد يطلع قبالي يقول أنا حلتها
العميل : أنا لما أقولها بالإنجليزي همه هيفهموها، إنما لو قلتها بالعربي….
المهندس منسي : يا عم إحنا بندور على الناس اللي بتتكلم عربي هنا في مصر
العميل : المشكلة إنت هتتكلم بالعربي في وسط ناس مش فاهمه أساساً فإنت هتتكلم تقولهم إيه؟؟؟
المهندس منسي : هوه ما يعرفش… هتطلع تقول الوحيد اللي بيتحدى… هتلاقي بقى الألف، وإحنا على رأي الدكتور زويل، بيقولك انتفادات انتفادات.. وهوه الراجل ما بيقولشحاجة بيقول انتقاد، انتقادات انتقادات وبس وما بنشتغلش
العميل : آه إحنا أجدع شعب بيتريق وينتقد ويعمل وبعد كده يقعد على القهوة
المهندس منسي : فإنت لما تطلع وتقول أنا بتحدى ومش عارف إيه وإن أنا الوحيد اللي وصلها على مستوى العالم، هيعقد يقولك روتو، بوتو….
العميل : فدايماً تلاقي على الجروبات باي إنجلش
المهندس منسي : بالضبط.. لا هنا إحنا عندنا الفهلوة لسه واخده حقها معانا شويه، حاجة صعبة الصراحة
العميل : ربنا يسترها أنا كنت فاكر.. هي دي بس الحتة اللي كانت تعباني شويه، كنت فاكر إنك عشان تطبع 5 ألوان مثلاً بتتكلف 70 ألف جنيه في السلندر وحاجات زي كده، فكنت متخيل إن التكلفة هتبقى عالية قوي
المهندس منسي : يا الله النصيب
العميل : فحبيت أسأل وأطمن في الحته دي والحمد الله ربنا يطمنك، يعني حضرتك كده يوم ما هيضرب الدم بنتكلم في 100 في اليوم الواحد، صح؟
المهندس منسي : هوه بنتكلم في باكدج كله ، يعني 6 لون بـ
العميل : ده غير طبعاً الخامات والحاجات صح؟
المهندس منسي : آه، من غير الماتيريال آه.. والماتريال كده أوردي بضاعة حاضرة، يعني افرض إنت عايز تاخد مني ماتريال ومش هطبع عندي، ولا حاجة، مش هقولك حاجة، لأني بورد أساساً ماتريال لمطابع، يعني أنا بديلهم الخامات اللي بيطبعه عليها، اللي هي خامات الميتالايز وخامات ألومنيوم بولي إيثيلين وخامات اللامينيشن بجميع أنواعها، يعني أنا أوردي مستورد أساسي بجيب من ألمانيا، بجيب من إيطاليا الخامات دي
العميل : طيب غالباً.. غالباً حاجتك وأي حد هيروح عند هيبقى غالباً بشتري الخامات منك
المهندس منسي : من إيه…؟
العميل : يعني الراجل ده لو حب يروح يطبع عند أي حد غالباً هيقع تحت إيدك، يعني أكيد هتلاقي بشتري الخامات منك
المهندس منسي : أكيد آه، ما هوه في ناس كتير بيخدوا الخامات مننا وبيعمله شغل عندنا، يعني مثلاً هوه المكتب وبياخد من الشخص وبيجي يعمل عندنا ويوردله
العميل : آه.. هوه بيبقى في النص
المهندس منسي : آه في النص آه…
العميل : طيب غالباً بقى إن شاء الله لو الدنيا مشيت كده والراجل انطلق هكلم حضرتك نتقابل بقى كلنا، حضرتك تقابله ويبقى التعامل ما بينك والتعامل يبقى ما بينك وبينه مباشرة، بتهيقلي ده يبقى أحسن للجميع…
المهندس منسي : لا هوه بعد كده بقى، أنا استشاري دلوقتي مش مبيعات، يعني أنا هبعت لحضرتك تليفون المبيعات هوه لو يسر ربنا وقالك أوكيه إنت بتتعامل بعد كده مع المبيعات، مش أنا ببدأ أقعد ونقعد مع بعض..
العميل : لأ آه أكيد طبعاً، أكيد يعني ما فيهاش نقاش
المهندس منسي : اللي هوه مش بشيل الليلة لوحدي، بجيب ناس… لأنه اللي هوه هعيش لنفسه بس، أو هيعيش لوحده بس، أو اللي هيقول أنا أقدر أعمل كل حاجة مش هيعمل أي حاجة، فلازم أجيب ناس تساعدني، ده يعمل كذا، وده يعمل كذا، كل واحد في مجاله
العميل : بالضبط كده، خلاص تمام زي الفل، ألف ألف ألف شكر يا باش مهندس.. سعيد جداً بصراحة إني لقيت رقمك واتكلمنا، أنا عن نفسي مبسوط جداً، ويوم السبت إن شاء الله هكلم حضرتك ونتقابل بقى على طول
المهندس منسي : إن شاء الله
العميل : أوكيه ألف شكر يا باش مهندس، مرسي جداً، مرسي على وقتك
المهندس منسي : مع السلامة
